II Samuuele 11:2 - O Mikanda Ikola

² Kizuua kia mukuá, kutula ku kiemba, Davidi u balumuka bhu hama iê, anga u kala mu kuimajana ku thandu dia inzo iê ia mbanza; o ku thandu diaʼnzo kuala, u mona muhatu uala ku dʼiẋika; o muhatu ku mu tala mesu ua uabha kiavulu.

II Samuuele 11:2 ပူးပေါင်းရင်းမြစ်များ

Dimatekenu 12:11

Mu kuenda-phe, ala mu zukama kiá ku Ijitu, u ambela Salai mukajiʼê, uixi: Eie-ze u muhatu ua uabha kiavulu ku mesu a athu.

Dimatekenu 3:6

O muhatu-phe kia mono kuma muẋi ua mbote phala kudia, ua uabha ue ku mesu, u bhekela vondadi mukonda dia kuijidisa, u kanza-ku kimbundu anga u dia, u bhana ue muadi ue, muene ue anga u dia.

Dimatekenu 34:2

Xikeme monʼa Hamolo, mukua Hivi, sobha iaʼxi ienhoio, monʼê ua diiala, kia mono Dinah, ua mu uabhela; anga u mu nhana, u zeka-nê u mu katula ujitu.

Dimatekenu 39:6

Muene anga u ehela ima ioso bhu maku a Zuze; kejiia dingi kima kiala-nakiu, kala uijiia ngó kudia kuê kuala mu kudia. Zuze anga u kala muthu ua uabha o pholo ni mukutu.

Dimatekenu 6:2

Bhenhobho anʼa Nzambi a mala, a mona anʼa athu a ahatu, kuma auabha; anga a sakana ahatu oso a a uabhela-bhu.

II Samuuele 13:1

Kia zubha kubhita kiki, Abisalone monʼa Davidi u kala ni phangʼiê ia muhatu ua uabha, dijina diê Tamala; Aminone monʼa Davidi anga u mu uabhela kiavulu.

II Samuuele 14:27

Abisalone anga a mu vualela anʼatatu a mala, ni mona umoxi ua muhatu, dijina diê Tamala, anga u kala muhatu ua uabha ue kinéne o pholo.

II Samuuele 4:5

Anʼa Dimone mukua Belote, Lekabe ni Bahana, anga eza, mu muanha uatu, a tula bhu kanga dia Ixibozete kioso kiala kunhoha mu kumbi dia mediia.

II Samuuele 4:7

Kuma kia bokona mʼonzo a sange ua zeka bhu hama mu xilu, anga a mu toma, a mu jibha, hé a mu batula mútue, mútue uê a u ambata, ela njila ia honga ia Halaba, anga enda usuku uoso.

Jobe 31:1

Nga te kikutu ni mesu mami; ngi ma talesa-phe kiebhi ku monʼa kilumba kia muzeletete?

Jisálamu 119:37

Ngi katule mesu mu kutala ima ia ulalu, u ngi bhane huii mu kenda o njila ié.

Jisabhu 19:15

Usonde, u bheka kuia ku kilu kia muioko-ioko; maji o muthu-phe u kamba kututumba ni kukalakala, nzala i mu dia.

Jisabhu 31:30

Kisangu-sangu ki nganala o muthu, o kuuabha ue kua mukutu kingoho; maji o muhatu-phe u kala ni uoma ua Jihova, ió muene a mu ximana.

Jisabhu 6:25

Uuabhelu ua pholo iê ki u ku sendule mu muẋima ué; muene kia kuata ku ku talesa, mesu mê kana ku a ehela ku ku diangula.

Jisabhu 7:8

Iu bhita mu nzunga katé bhu thungi, ulunga mu njila iia kʼonzo iê;

Jelemiia 19:13

Jinzu ja Jeluzaleme, ni jinzu ja jisobha mu Juda, ja-nda kukasana, kala o kididi kia Tofete: kiene kimoxi ue ni jinzu josololo, jedi o ku hongo iâ kuene kuohela o uasu ua dizumba phala ilombo ioso ia maúlu, ia a bhela-bhu mibhaku ia kúnua ku jinzambi jengi.

Matesu 10:27

Ioso i nga mi tangela muʼ avundu, enu tangenu-iu mu muanha uatu; ioso i muʼ evidila ni ku mi fetela mu dítui, dikolienu-iu ku thanduʼ a jinzu.

Matesu 24:17

Uoso uala ku thandu dia ʼnzo iê a lengele kuengi ni lusolo, ka tuluke hanji mu katula o imbamba iê mʼonzo.

Matesu 5:28

Eme-phe ngi mi ambela kuma: Uoso ngó u tonginina muhatu ni ku mu kuatela luimbi, uatenê kiá phànda ku muẋima uê.

Jipoxolo 10:9

Kukia ni kimene-phe, kioso ki ala mu njila, a zukama kiá mu mbonge ia Jopa, Phetele u banda ku thandu dia ʼnzo mu kusamba mu ola ia mediia.

Matendelelu 22:8

Kioso ki u tunga onzo iobhe, o bhu hongo kondoluesa-bhu kifikidilu bhu ditala dioso di u iudika-bhu, phala ki mu langumuke muthu bhu hongo ié, anga eie uiza mu mulonga ua manhinga, exi, uajibha.

Matendelelu 5:21

Kana kukala ni luimbi lua muhatu a mukuenu; kana kukala ni luimbi lua inzo ia mukuenu, mba mukáu uê, mba selevende iê ia diiala mba ia muhatu, mba ngombe iê mba kabulu kê, mba kima kioso-kioso kia mukuenu.

I Phetele 4:7

Disukilu-phe dia ima ioso dia zukama. Kuatenu-phe kilunji, mu kale ku mesu azele, mu kale mù samba.

I Nzuá 2:16

Kuma o ima ioso iene ku mundu, ki ima ia tundu kua Tata. O jihânji jaiibha ja luimbi lua xitu, o vondadi ia luimbi lua kumesena ima ioso i mona o mesu, ni izala mu ima ioso iene ku muenhu—ima ioso íii ia mundu.

I Samuuele 9:25

Kia zubha kutunda ku thala kuenhoko, eza dingi bhu bhata, anga Samuuele u di kunda ni Saúlu bhu thandu diaʼnzo bhua xikama.