II Samuuele 11:11 - O Mikanda Ikola

¹¹ Udiia anga u ambela Davidi, uixi: O álaka, ni Izalaiele, ni Juda ala ngó mu jifundu; muadiʼami Jouabe, ni makuenze a muadiʼami, a te kibangu mu mukáu ua hatu; eme-phe phala-hi ngiia mʼonzo iami mu kúdia ni kúnua ni kuzeka ni mukajiʼami? Ki kôla, Ngana, eie muenexi, kikôla ni muenhu ué moxi! Eme kima kienhiki nga ditunu ku ki bhanga!

II Samuuele 11:11 ပူးပေါင်းရင်းမြစ်များ

II Samuuele 11:10

O kia ki tangela Davidi, kuila Udiia, ku inzo iê ka kulumuka-ku, Davidi u ambela Udiia, uixi: Manhi eie kua tundu mu kuenda njila? Kua kulumukina-hi-phe ku inzo ié?

II Samuuele 14:19

Muenexi uixi: Maka osoʼá, ua di endela eie muene, inga lukuaku lua Jouabe lu momo? Muhatu anga u vutula, uixi: Kùku, nga loka kala ki uala eie ku muenhu ué moxi, u ngana iami kuma i ua zuela kana muthu u tena kuabhuka, né ku kúdia né ku kiasu mu muxinda ua kizuelu kié! Mbata mubhikʼé Jouabe muene-muene ua ngi tumu, muene ua ngi longesa o makʼama mu nga ku tela, eme ngi kahatu ké.

II Samuuele 20:6

Davidi anga u ambela Abisai, uixi: O ki tualʼiki, Seba monʼa Bikidi, ua-nda beta ku tu bhanga kiaiibha, ioso ia bhangele Abisalone i kala ndenge. Eie ndoko u kuate makuenze a muadiʼé, u mu kaiele, imoxi u bokona mu jimbonge ia bhiti malumbu, u tu xia ku mesu.

II Samuuele 7:2

Muenexi u ambela polofeta Natane, uixi: Talesa, eme nga tungu mʼonzo ia musédulu, o álaka ia Nzambi phe hanji ia tungu mu jilona ja balaka.

II Samuuele 7:6

Kuma kiluua ngi tunga mʼonzo tunde kizuua ki nga katula anʼa Izalaiele mu Ijito, katé kizuua kia lelu, ngene kukala-phe mu balaka ni mu fundu.

Dialuilu 32:6

Mozé anga u ambela anʼa Ngade ni anʼa Lubene, uixi: Kífua akuenu aia ku ita, enu mu xikama ku sámbua kunu?

Nzuá 13:14

Eme-phe ngi Mesene, ngi Ngana, se nga mi sukula inama, enu uenu mua tokala ku di sukula jinga o inama mudienu.

II Timote 2:12

Se tua jiji ni kukolokota mu hadi, tua kà hinga-nê kumoxi o ungana. Se etu tua mu ditunu, Muene ue ua kà tu dituna.

I Samuuele 1:26

Ana anga u zuela, uixi: Eué! Ngana iami kia kidi kiene kala eie ki uala ni muenhu ué moxi, kuma eme-muene ngi muhatu ió ua kexile bhabha ni eie mù sambela Jihova.

I Samuuele 14:18

Saúlu anga u ambela Ahija, uixi: Bheka kunu o álaka í ia Nzambi. Kuma thembu ioio álaka ia Nzambi iala bhuʼamoxi ni anʼa Izalaiele.

I Samuuele 17:55

Saúlu kia mono Davidi kutunda mù kuia kubhanga ni mukua Fidíxia, u ambela Abinele, kabhitangu ka kifuxi kiê, uixi: Abinele, monʼú, monʼa nanhi? Abinele, uixi: Kuku, Kalè-ku kala ki uala ni muenhu uê moxi, ki nga kʼijiia.

I Samuuele 20:3

Davidi anga u ta-ku kuloka, uixi: Tatʼenu ua kʼijiia kiambote kuma eme nga sange ngalasa ku mesu mé; iú uambe uixi: Jonata ka kʼijiie kienhiki, imoxi ki mu bhekela dilamba. Kia kidi kiene-phe, ngi loka muene kuila: Kala kiala Jihova ku muenhu, kala ué kiala o muenhu ué eʼmuene moxi, eme kiene ki ngalʼiki, dikanda dimoxi ngó dia ngi xala-ku ni kuia mu alunga.

I Samuuele 25:26

Kiki-phe, ngana iami, nga loka mu dijina dia Jihova uala ku muenhu, nga lokela ue o muenhu ué eʼmuene moxi, kuma Jihova ua ku fudisa kubhubhisa manhinga, ua ku fudisa ue kuvutula phonzo ni lukualu lué eʼmuène. Kala kiki-phe o jingùma jé, ni athu oso a sota ku ku bhanga phulu, eie u ngana iami; a kà sokela ngó kumoxi kala kiala Nabale.

I Samuuele 4:4

Kienhiki mundu a tuma athu ku Silo, anga a takana kuenhoko o álaka ia kikutu kia Jihova dia ifuẋi, uene kuxikama muʼaxaxi ka jixelube; anʼ aiadiphe a Eli, Hofini ni Finehase, anga ejiia kumoxi ni álaka ia kikutu kia Nzambi