II Samuuele 11:1 - O Mikanda Ikola

¹ Anga ki bhita kuila, ki bhua bhiti o muvu, bhu thembu bhene kutunda o jisobha mu kúlua ita, Davidi u katula Jouabe ni makuenze mê kumoxi, ni Izalaiele ioso, anga a buidisa anʼa Amone, o mbânza ia Labá a i kondoloka, hé a a batuila momo. Davidi-phe ua xala mu Jeluzaleme.

II Samuuele 11:1 ပူးပေါင်းရင်းမြစ်များ

II Samuuele 10:14

Anʼa Amone ue kia mono akua Sídia a lenge, ene uâ a lenga bhu pholo ia Abisai anga oso a bokona mu mbonge iâ. Jouabe-phe anga u tunda-ku kua anʼa Amone, anga u iza ku Jeluzaleme.

I Jisobha 20:22

Bhenhobho o polofeta u zukama kua sobha ia Izalaiele anga u mu ambela, uixi: Ndoko, kolokota, anga uila ku mesu suí, ni u tale kioso ki ua-nda kubhanga; mukonda mu muvu umoxi, sobha ia Sídia ua kà banda dingi mu kúlua nʼeie.

I Jisobha 20:26

Anga ki bhita muene kuila, kia bhiti o muvu, Bene-hadade u bhita ni kukinda mu akua Sídia, anga u banda ku Afeke, mu kúlua ni Izalaiele.

I Malunda 20:1

Kia bhiti-phe kuila, bhu kaẋi ka muvu umoxi, bhu kithangana kia kexile mu kutunda o jisobha phala kuia ku ita, Jouabe u ambata o kilômbo kia masoladi, anga u buikisa o ixi ia anʼa Amone, anga uiza, u konda Labá, maji o Davidi uaxala hanhi mu Jeluzaleme; Jouabe hé ukuama o mbonge ia Labá, anga u i buidisa.

II Malunda 36:10

O bhu kisonaxi ku muvu, sobha Nabukodonozolo u tuma ku muʼambata ni ku mu bheka ku Babilónia, kumoxi ni itutu ia te kiavulu ia inzu ia Jihova; anga Zedekiia dia phangʼiê muene a mu te bhu kididi kiê mu kutumina mua Juda ni mu Jeluzaleme.

Jisálamu 60:9

Kilolo nanhi, u ngi bheka mu mbonge iakolo? Nanhi u ngi songuela mu kuia ku Edomo?

Ndongixi 3:8

Sai ithangana ia kuzola ni ithangana ia kuzemba; ithangana ia ita, ni ithangana ia uembu.

Jelemiia 49:2

Uila kiki, Jihova uixi: Talesa, izuua í iza, mu Labáh dia anʼa Amone, nganda kuivisa-mu kikoue kia ita, anga mu di bhanga ndunji ja maxita o ididi iê ia tumina jinga a ka ioha mu túbhia; anga Izalaiele ua kà lundula oso a mu lundula muene, Jihova ua ki tange.

Jelemiia 49:3

Dila kala kimbungu, eie Hexebone, kuma Hai a mu sengulula; di kodienu, enu mu anʼa Labáh, di kutienu idinhaji bhu kinhonga, tenu jingololo, muende ni kuimajana mu ikanzu; kuma Malkane ua-nda kuia ku ubhika kumoxi ni jinganga jé ni ilamba iê.

Izekiiele 21:20

Uidika o njila mua-nda kuijiia o xibhata kua Labah dia anʼa Amone, ni kua Juda, ni kua Jeluzaleme, uene mu imbaka ia kolo.

Amoji 1:14

Mukonda dia kiki, kimbaka kia Labá nga kà ki ta mu túbhia, tuene ni tu jimisa jinzu jâ ja matala-matala, ni ku di kola mu kizuua kia ita, ni kibhungu mu kizuua kia kubhondalala.

Zakadiia 14:3

Jihova phe ua kà tunda mu kuzoka ni miji ienhiʼii, muene ua kà lua kala kiene kuzoka mu kumbi dia ita.

Matendelelu 3:11

(Mukonda ku mazonda a xahulu, ua subhukile-ku ngó Hoke, sobha ia Basane; talesa o hama iê, hama ia felu; abha ki i ié hanji mu Labate dia anʼa Amone? Kulebha kuê dívua dia kóvadu, o kuzanza kuê kóvadu jiuana, mu midila ia kóvadu ia diiala.)

I Samuuele 18:30

Jisobha ja akua Fidíxia anga ji kala mu tunda ku izuua-izuua phala kúlua-nâ; maji kioso-phe kia tunda, Davidi u beta kukala ni kilunji kia kulenda o kutolola jisobha ja akua Fidíxia, makuenze oso a Saúlo ndenge; dijina diê anga di fumana dingi kiavulu.