II Samuuele 10:6 - O Mikanda Ikola

⁶ Anʼa Amone kia mono kuila a di nuhisa zumba diaiibha kua Davidi, anʼa Amone a tuma kukasa akua Sídia bhu Bete-Lehobo ni akua Sídia mu Zoba, makuinhi aiadi a midi ia muthu, akua kuenda bhoxi, ni sobha ia Mahaka ni midi ia muthu, ni akua Tobu kuinhi dia midi ni midi jiadi.

II Samuuele 10:6 ပူးပေါင်းရင်းမြစ်များ

Dimatekenu 34:30

Jakobo anga u ambela Ximinhá ni Levi, uixi: Mua balumuna mvunda, mua ngi nuhisa kiaiibha ku akuaʼxi, o Makanana ni Mapelezi; eme nga tolo makuenze, a-ndu ngi bhongolokela mu kubhânga, hé a ngi beta; ni eme-phe ni dibhata diami a tu buidisa.

II Samuuele 10:5

Kia ki kundu Davidi, muene u tuma athu ku a batuila mu njila; kuma mala enhá ala ni jisonhi javulu ja a kuata. Muenexi, uixi: Kalenu hanji bhu Jedikó katé miezu ienu ki i sabhuka dingi, mu ize kiua ku bhata.

II Samuuele 10:7

Kia kʼivu Davidi, u katula Jouabe kumoxi ni kifuxi kioso kia masoladi a indanda, hé u a tuma kuia kúlua-nâ.

II Samuuele 16:21

Ahitofele anga u ambela Abisalone, uixi: Bokona kua akama a tatʼenu, a a xila o kutambula o konda ia dibhata; Izalaiele kioso-phe kia-nda ku kʼivua kuma ua di zembesa kua tatʼenu, ene oso-phe a ku bande, makuʼâ a kola kiá.

II Samuuele 23:34

Elifalete monʼa Ahaxibai mukua Mahaka, Eliiamu monʼa Ahitofele mukua Ngilo,

II Samuuele 8:12

ni ku Sídia, ni ku Mouabhe, ni ku anʼa Amone, ni ku akua Fidíxia, ni ku Amaleke, kumoxi ni iii ia tambula madibhundila kua Hadadezele, monʼa Lehobo, sobha ia Zoba.

II Samuuele 8:3

Davidi anga u beta ue Hadadezele, monʼa Lehobo, sobha ia Zoba, kia sotele kusambukisa utuminu uê katé ku ngiji ia Eufalate.

II Samuuele 8:5

Akua Sídia ue, mu Damasku, ki eza mu ku banda Hadadezele, sobha ia Zoba, Davidi u buidisa ku akua Sídia makuinhi aiadi a midi ia mala, ni midi jiiadi.

I Jisobha 11:24

Muenhú ue u di bhongoluela athu kuia mu kúlua-nê, muene anga u kala mu tumina o kibuka kia makuenze enhó, kioso Davidi kia jibhile ndumba ia athu; ene anga aia mu Damasku, hé a kala muenhomo, anga u kala mu tumina mu Damasku.

II Jisobha 7:6

Mukonda mu kilômbo kia akua Sídia Jihova ua bhangesa-mu kuívua mixindu ia makalu ni mixindu ia jikabalu, mukuâ ni mixindu ia kifuẋi kionéne kia masoladi; ki kia a bhekesa o ku diambela mudiâ, exi: Tala, o sobha ia Izalaiele, mu kuzoka nʼetu, ua tuʼixanena o jisobha ja Mahiti ni jisobha ja Ijitu phala kuiza mu ku tu lua.

Jisálamu 48:4

Mbata, talesa-ze, sai jisobha ja di kasele, a di ta muene ku mikalatata, anga a vubuka ni ita.

Makatukilu 5:21

anga a ambela, exi: Jihova a ki suue, a mi bhange kioso kia tokala; mukonda mua tu nuhisa dizumba diaiibha kua Falaó, ni akua mbèle ku mbanza, kífua mua a bhana xibhata bhu maku, ia ku tu jibha etu.

Jisabhu 25:8

Kana kusakamena kuia mu kufunda dimanda, sumba bhu bhuila o maka, eie u lémbua kia ku bhanga, mu kuila mukuenu ua ku belesa kiá.

Jelemiia 40:8

anga eza ku di mona ni Jedaliia bhu Mixpa, a kexile: Ijimaiele, monʼa Netaniia, ni Nzuanana, ni Jonatane, anʼa Kadiiá, ni Selaia, monʼa Tanumete, ni anʼa Ifai, mukua Netofe, ni Jezaniia, monʼa muthu ua tokala bhu Mahaka, ni ene ni mundu uâ.

Jelemiia 46:21

Katé ni masoladiʼé a ku futila, edi kala tungombe tua nete, tuʼòbhange mu kaxi ké; maji enhá ue a bhe-ku makunda ia a lengela kumoxi; a lémbua kuimana, kuma o kizuua kiâ kia kusenguluka kia bhiẋila kumoxi ni kithangana kiâ kia ku a zungila.

Matendelelu 3:14

Jaíle monʼa Manasa, muene kiá ua tambuile o dikaẋi dioso dia ixi ia Angobe katé mu kiuanu ni akua Jesule ni akua Mahaka, anga u i luka dijina diê uixi: Basane-ia-Havote-Jaíle, katé mu kizuua kia lelu.)

Afundixi 11:3

Jefete bhenhobho u lenga o jiphange jê, u tunga mʼoxi ia Tobe; anga bhu kala iiala ia bhumu a di banda kua Jefete, a kala mu baluka ni muene.

Afundixi 11:5

Kia zubha kuiza anʼa Amone kúlua ni Izalaiele, adiakimi a Ngiliiade aia kutakana Jefete mʼoxi ia Tobe.

Afundixi 18:28

Akuaʼxi ki bhuala ua tena ku a kudila, mukonda ku Sidone kua a kexile dikanga, o athu engi ue ka di tambulula-nâ. Mukáu uâ, o honga ia zukama mu Bete-lehobo. Akua Dani anga a tunga dingi o mbonge ienhoio, ene kiá hé a bhingana-mu.

I Samuuele 13:4

Izalaiele ioso anga evua hundu kuma Saúlo ua beta ku mazu a xibhata o poxto ia akua Fidíxia, mukonda dia kiki Izalaiele-phe ala mu kizembu kia akua Fidíxia. Mundu uoso anga a bhongoloka kua Saúlo bhu Jidingale.

I Samuuele 27:12

Akiji anga u xikina Davidi, uixi: Ua di zembesa ku muiji uê ua Izalaiele; mukonda dia kiki, ua xalela dikuenze diami.