II Samuuele 10:4 - O Mikanda Ikola

⁴ Kienhiki Hanuni u kuata akua mbèle ia Davidi, ua bhuta miezu ku mbandu imoxi, izuatu iâ u i butulula mu kaẋi, hé a xala mataku mu kanga, anga u a kaia.

II Samuuele 10:4 ပူးပေါင်းရင်းမြစ်များ

II Samuuele 10:5

Kia ki kundu Davidi, muene u tuma athu ku a batuila mu njila; kuma mala enhá ala ni jisonhi javulu ja a kuata. Muenexi, uixi: Kalenu hanji bhu Jedikó katé miezu ienu ki i sabhuka dingi, mu ize kiua ku bhata.

Izaía 15:2

Iu banda ku Baiite, ni ku Dibone, ku thala kuná ni kudila; Mouabhe ua-nda kuta jingololo mukonda dia Nebo ni Medeba; mítue ioso ia kà biluka mabhaia ni dilamba, o miezu ioso ue a-nda ku i bhuta.

Izaía 20:4

Kiene ue o sobha ia Asídia kia kʼàmbata o jihutile mu Ijitu, ni iá a a balakala a tundu mu Itiiópia, ni minzangala ni adiakimi, nʼa ambata tuẋi-a-thakala, ni inama bhoxi, mataku mu kanga, phala Ijitu sonhi ji mu kuate.

Jelemiia 41:5

anga kuiza-phe athu a tundu ku Xikeme ni ku Silu ni ku Samádia; makuinhi nake a muthu, ni miezu iòkonge, ni izuatu ia tandujuka ni mikutu ia batujuka; o bhu maku a bheka maujitu mâ makudia ni uasu ua dizumba phala ku uʼambata mʼonzo ia Jihova.

Ijila 19:27

Kana kubhuta kindemba kienu, mu kubhanga mútue kala dilola, o bhulu kindumba; kana ue kubatula muezu bhu phapha ia ditui.