II Samuuele 10:19 - O Mikanda Ikola

¹⁹ O jisobha joso ja kexe mu bhikila Hadadezele, kia mono kuma abhi-ku bhu pholo ia Izalaiele, a bhanga paze ni Izalaiele, a di tambulula-nê anga a kala mu mu bhikila. Kienhokio akua Sídia anga a kala kiá ni uoma ua kukuatekesa dingi anʼa Amone.

II Samuuele 10:19 ပူးပေါင်းရင်းမြစ်များ

II Samuuele 8:3

Davidi anga u beta ue Hadadezele, monʼa Lehobo, sobha ia Zoba, kia sotele kusambukisa utuminu uê katé ku ngiji ia Eufalate.

II Samuuele 8:6

Davidi anga u ta jipoxto mu Sídia ia Damasku, akua Sídia anga a kala mu bhikila Davidi, enda ni ku mu bhakuila madijimu. Jihova anga u bhana uzonda kua Davidi, kuoso-kuoso kuambe kulunga ni kúlua, u kala mu tolola.

I Jisobha 20:1

Anga Bene-hadade, sobha ia Sídia, u bhongolola o masoladi ê oso a ita; anga u kala kumoxi, ni makuinhʼatatu a jisobha ni jiiadi, ni jikabalu ni makalu; anga u banda, hé u kondoloka Samádia, anga u lua-nê.

I Malunda 19:19

O mundu ua Hadale-Ezele, kia mono kuila Izalaiele ua a tolola, aditambulula ni Davidi anga a kala mu ku mu bhikila. O akua Sídia-phe ka vutukila dingi mu ku kuatekesa anʼa Amone.

Izaía 26:11

Jihova, tata! Sumbala lukuaku lué lua zangalala muene, maji ene hanji a tokoka ku lu mona! Maji-phe, a kà lu mona anga adiuana, mukonda dia muanu u ua kuatela o mundu ué; o túbhia-phe hádia tua kà buikisa o jinguma jé.

Daniiele 2:37

Eie, muenexi, u ngana ia jingana muene; kuma o Nzambi ia diulu ua ku bhana utuminu ni ukuenze, ni undanda, ni ulâmba.

Josuué 11:10

Kia zubha kubhita kiki, mu izuua muenhomo Josuué u vutukila-ku, u tolola Hazole anga sobha iê u mu bhitisa ku mazu a xibhata; kuma Hazole muenhú, mʼokulu muene uakexi o kilolo kiâ kia kutumina jimbanza josuʼiji.

Dijingunuinu 18:10

O mu kanga mu emanena, mukonda dia uôma ua kutata kuê, a kèla: Uaué! Uaué, taté! O mbanza ia dikota Babilónia! O mbanza ia kolele kiambote! Mu kumbi dimoxi ngó, tata, kua ku tulukila kaxtiku kê!

Afundixi 1:7

Adoni-bezeke anga u zuela, uixi: Makuinhi sambuadi a sobha a kumbuka milembu ia ikota ia maku ni ia inama, a kexi mu nona jisesekenha mʼoxi a meza ami; kioso ki nga bhangele eme, Nzambi ua ngi futu-kiu. Anga a mu bheka mu Jeluzaleme, hé u fuila momo.