II Samuuele 10:12 - O Mikanda Ikola

¹² Tu kodienu maku ni mixima, tu bhange undanda mu bhângela o mundu uetu ni mabhata ma Nzambi ietu; o Jihova a tu bhange kioso muene kia mu uabhela ku mesu mê.

II Samuuele 10:12 ပူးပေါင်းရင်းမြစ်များ

II Samuuele 10:11

Uixi: Se ngi sanga akua Sídia a ngi tundu mu nguzu, eie uiza mu ku ngi banda; o ki kala-phe anʼa Amone ene a ku tundu eie mu nguzu, eme-phe ngiza mu ku ku banda.

II Samuuele 15:26

Maji Nzambi phe kia kèla kuma eie ku ngi uabhela dingi, kuabhu tata, eme-ami-iú, a ngi bhange kioso kia mono kia mu uabhela muene.

I Malunda 19:13

Eie-phe suina, etuonhoso tu suine ue, mbé tu bhangele o mundu uetu, ni mabhata a Nzambi ietu, Jihova, phala muene a bhange kioso ki mu uabhela ku mesu mê.

II Malunda 32:7

Kuatenu nguzu, mu bhume, kana ku kala ni uoma, mba mu teketa mukonda dia sobha ia Asídia mba mukonda dia kifuẋi kioso kiala na-kiu muene, mukonda sai umoxi uala ni etu ua beta kota, o uala ni muene ndenge.

Nehemiia 4:14

Eme-he ngixi suíin, o ki nga zubha kutonginina ioso, anga ngi balumuka, hé ngi tangela o jingana, ni afundixi, ni kifuxi kiamukuá; ngixi: Enu kana ku a kuata uoma; mu xinganeka ngó Ngana, muene Langala-ngongo, u kuata uoma, anga mu bhângela phange jenu, ni anʼenu, ni akajʼenu ni jinzo jenu.

Nehemiia 4:8

Anga a takana kumoxi mudiʼâ ene oso, phala kuiza mu kúlua ni Jeluzaleme, ni ku a vunza phala ku a jimbisa ku kikanenu kiâ.

Estere 4:16

Ndeie, ua kà bhongolole o jijudé joso ala mu mbonge ia Suzana, mu jejuuale mukonda diami, mu fule kúdia ni kúnua mu izuua itatu, ni mu muanha ni mu usuku. Eme uami ni ilumba iami tu jejuuala kiene kimoxi, o ki ki bhua ku ki bhanga kiene kiua ki ngi bhixila kua muenexi, sumbala kima a ki kidika ku ki bhanga; se ki ngi bhinga kubuila-phe, kuabhu, ngi kana kubuila.

Jobe 1:21

Uamba, uixi: Ngeza ni tuẋi mu mala dia mamʼetu, hádia ue nga kà vutuka ni tuẋi kuenhoko; Ngana ua bhele, Ngana ua tambula; dijina dia Ngana a kale mu ku di ximana jinga!

Dialuilu 13:20

Ni mavu se a nete mba a bhele, se muala tuixi mba kana. Mu kala muene ni uiala, ku ibundu ia ixi mu tu bhekela-ku. Izuua ienhoio-phe, izuua ia kumateka jiúva kúbhia.

I Kolindo 16:13

Di langienu, mu di fikidile mu kuxikana. Bhangenu ukuenze, mu suine.

Matendelelu 31:6

Kalenu mu indanda, mu kole kiambote o muxima. Ki mu kale ni uoma, mba mu kala ni kekenha ki mu a mona mesu, mbata o Jihova Nzambi ié muene uala kuia-nê, o muene ka-nda ku kúxia, ka-nda ku ku ehelela.

Matendelelu 31:7

Mozé anga uixana Josuué, u mu ambela, bhu mesu a Izalaiele ioso, kuamba: Kala u kindanda, kola maku! Mukonda eie-muène ua-nda ku bokona ni mundu iú mʼoxi ia lokela Jihova ku i bhana ku jitata jenu; eie muene-phe ua-nda ku a lunduisa-iu.

Jihebeleu 11:33

Athu edile mu kuxikana kuâ, a tolola ilômbo ia muvimba. A iukisa milonga, hé a tambula o jipolomesa ja Nzambi. A xita o makanu ma jihoji.

Jihebeleu 13:6

Uila kiki, tu kolokotienu ni kuila: Ngana muène mukuatekexi uami, eme ki ngi kala ni uoma. Hé muthu u ngi bhanga-hi?

Josuué 1:18

Uoso u bhukumukina kizuelu kié, mba u kamba kuívua ima ioso i u muambela, a kale muthu ua ku mu jibha; kia kate-ku eie ku kala u kindanda, u kole kiambote muxima.

Josuué 1:9

Ki eme muène nga ku tumu? Kala u kindanda, u kole kiambote muxima; kana kukala ni uoma, kana kukala ni kekenha; kuma Jihova, Nzambi ié, uala-nê kumoxi kuoso-kuoso ku aia.

Afundixi 10:15

Anʼa Izalaiele-phe anga ambela Jihova, exi: Tua te ituxi; tu bhange kioso ki ua mono kia ku uabhela; maji tua ku diondo, tu kudile ngó kizuua kia lelu.

I Samuuele 14:12

Mala ala bhu poxto anga a kumuna Jonata ni kibese kiê, exi: Bhiẋilenu kunu, tu mi longe disa diambote, Jonata anga u ambela kibese kiê, uixi: Tu bande; ngi kaiele ku kunda diami, kuma Jihova ua a thelekala bhu maku ma Izalaiele.

I Samuuele 14:6

Jonata anga u ambela kibese kiê kia mu mu ambatela o ibhakatu ia ita, uixi: Ndoko, tuie ku sámbua bhu poxto ia akua mabôlo enhá, amoxi Jihova u kalakala mu ku tu kudila; kuma Jihova ki bhuala ki mu fudisa kubhulula mundu uê ni athu avulu mba kubhulula mundu uê ni athu atolo.

I Samuuele 17:32

Davidi anga u ambela Saúlo, uixi: Ki bhu kale muthu u botomoka muẋima mukonda dia kiiala kiki kia mukua Fidíxia. Eme-muène ngi mubhikʼé, ngiia kubhanga-nê.

I Samuuele 3:18

Samuuele anga u mu tangela maka moso, ka xi-ku dingi kima. Eli anga u zuela, uixi: Muene Jihova, a bhange kiá kioso kia mono kiauabha ku mesu mê.

I Samuuele 4:9

Kolenu maku, mu bhange ukuenze, mu akua Fidíxia, phala ki mu kale mu abhika a Jihebeleu, kala ene kia kexile abhikʼenu; uene-phe kiá o uialʼú, bhângenu muene.