II Samuuele 1:23 - O Mikanda Ikola

²³ Saúlo ni Jonata mu kukola muenhu o kuuabha, o ku di zola, ka di uanununa-phe, kixi ku muenhu kixi mu kufua kuâ, mu kulenga lusolo a somboka jiholokoko, mu kusuina kinéne a tunda jihoji,

II Samuuele 1:23 ပူးပေါင်းရင်းမြစ်များ

II Samuuele 1:24

Enu anʼahatu a Izalaiele dilenu Saúlo, ua mi zuikile jinge ikusuka ia dísese, ua mi uabhesele izuatu ni makembu ma ulu.

II Samuuele 2:18

Ana atatu a Zeluia anga a kala-bhu bhenhobho, ni Jouabe, ni Abisai, ni Azaiele. Azaiele-phe u lenguluka inama kala mbâmbi mu iangu.

II Samuuele 23:20

Benaia ue, monʼa Jehoiada, monʼa dizonda mukua Kabazele, ua bhangele jinge ima ia undanda, muene u jibha malʼaiadi anʼa Adiiele, ku Mouabe; u tuluka ue mu dikungu mua di bhalela o hoji, u i jibhila momo, mu thembu ia neve.

I Malunda 12:8

O ku akua Ngade, adibande kua Davidi, a mu sange bhu kididi kia nguzu, mu kikangalakata, mala a mazonda a ita, abhebhuluka kiambote mu kubhânga, abhakata o madionga ni jingubu, jipholo jâ mukuâ ni ja jihoji, o mu lusolo mukuâ ni jimbambi ku milundu.

Jobe 9:26

Ia bhiti kala jinaviiu ja kitembu mu kalunga; mukua ni holokoko ki i dioueka anga i tuluka mu ku kuata o mbole.

Jisabhu 30:30

O hoje ua tunda o iama ioso ku nguzu, kuoso kua lunga pholo uia ngó, ki kuala kima ki xikina ku mu vutula-ku;

Mukumbi ua Mikumbi 5:16

O uzuelelu uê u touala, ni uene nzué! Amah! Kidi muene! Nanhi u kamba ku muʼinda, ua uabha kiki! Kienʼiki kiala kazola kami, kienʼiki kia kala muadi uami, tata! enu anʼa ilumba mu Jeluzaleme!

Jelemiia 4:13

Talesa, muene ua-nda kuiza ni kubanda mukua ni matuta, ni makalu mê mukua ni ngûngu; ʼkabalu jê mu sangama jiholokoko ndenge ku lusolo. Kokolo dietu, etu tua buikʼó!

Kuditenda 4:19

Akua ku tu bhesa lusolo, a betele kusangama o jinjila ji bhita bhulu ndenge. Mu ku tu landameka kuâ, o ki tuila tuia ku milundu, tuala-nâ; o ki tuia mu kikangalakata, míkala iâ tua i sange.

Matendelelu 28:49

Jihova ua kà ku kasela muiji ua akua makanga ku jihota jʼaxi, uijiia bhulu mukuâ ni holokoko ia di ambatesa ni kuôna; muiji ua athu a dingula a bhingi o dízui dia zuela eie ku tena ngó ku dʼivua;

Afundixi 14:18

Ene-phe akua bhata eza kua Sansau kizúua kia kasambuadi, kioso dikumbi kiluua di tula, exi: Mu kutouala ihi ki tunda uiki? Mu nguzu ihi ki tunda o hoji? Muene-phe u a vutuila, uixi: Hé ki seseme iami ia ngombe ia mi sungila ditemu, hinu ki mua fokola nongonongo iami.

I Samuuele 18:1

Bhenhobho anga ki bhita kuila, kia zubha Davidi kuzuela ni Saúlo, muẋima ua Jonata u takana ni muẋima ua Davidi, Jonata anga u zola Davidi kala kia di zolo muene.

I Samuuele 20:2

Muene u mu vutuila, uixi: Ki kala kisunji; tatʼetu ka tena ku ku jibha! Mukonda muene kene kubhanga kima kia dikota mba kiofele, nʼa kambe ku ngi tangela-kiu. Hé kiki-phe, tatʼetu u ki suekela-hi? Nga fika makutu.