II Samuuele 1:22 - O Mikanda Ikola

²² Mu kúnua manhinga ma akueta, mu kúdia banha ia iiala ia ita, mufula ua Jonata ki ua kexe mu vutuka kuema! Xibhata ia Saúlo ki ia kexe mu kubeta kingoho!

II Samuuele 1:22 ပူးပေါင်းရင်းမြစ်များ

Jelemiia 50:9

Mukonda, tala, eme nga-nda kufundumuna ni kutumikisa, kifuẋi kia miji iònene, akua ixi ia kusuku, a kà di iudika mu kuzoka ni Babilonha, bheneʼobho a ka mu tolola muene; o misongo ia mifula iâ ia kèla kala ia kiiala kia dizonda; né umoxi ngó ki u vutuka ua kambe kubhanga kima.

Matendelelu 32:42

Matôma mami ngi ma kodiuisa muene ni manhinga, o xibhata iami idiaúla xitu ni manhinga ma afi, ni ma jihutile; o mu kuvutula phonzo, jinguma ngi ji andekela tunde ku mútue.

I Samuuele 14:47

Kienhiki Saúlo kia zubha kutambula ungana ua Izalaiele, u lua ni jinguma jê ku mbandu joso. U lua ni Mouabhe, u lua ni anʼa Amone, u lua ni Edomo, u lua ni jisobha ja Zoba, u lua ni akua Fidíxia; kuoso-phe kua lungu ni ita jinguma jê u ji kaia.

I Samuuele 14:48

Anga u bhanga uzonda, u beta akua Amaleke, u kudila Izalaiele bhu maku ma oso a kexile ku a bhûnda.

I Samuuele 18:4

Mukonda dia kienʼiki, Jonata anga u zula divunga diê-muène dia zuata, u di ta kua Davidi, ni ibhakatu iê katé ni xibhata iê, ni mufula uê, ni phonda iê.