II Samuuele 1:20 - O Mikanda Ikola

²⁰ Kana ku ki tangele mu Ngate, kana ku ki fumanesa mu nzunga ia Axikilone; sumba anʼahatu ku akua Fidíxia a sanguluka, sumba anʼahatu a matumbu a kola kikoue.

II Samuuele 1:20 ပူးပေါင်းရင်းမြစ်များ

Izekiiele 16:27

Kala kiki, tala-ze, kiene ki nga sununuina o lukuaku luami ku thandu dié, eme nga sosolola o dikânda dié; eme nga ku bhakula ku vondadi ia iá oso a ku zembe, ana a ilumba mu Fidíxia, ió a kexi mu kala ni jisonhi ja njila ié-eie ia ufusa.

Izekiiele 16:57

Kiki ua dibhange kala muene; ua kituka u kima kia malebhu ku anʼa ahetu a tokala ku Sídia, ni kua iá oso a mu kala mu jimbandu jê, o anʼa ilumba ia Fidíxia ala ku ku sebulula.

Mikeia 1:10

Kana ku ki tangela mu Ngate, ki mu dile ue kiavulu; bokona monzo ia Bete-Afa, u mbolomoke mu fufuta.

Afundixi 11:34

Jefete anga u vutuka bhu Mixipa bhu bhata diê; bhenhobho-ze monʼê ua muhatu u tunda mu ku mu kauidila ni isaka ni kukina; muene-phe muene monʼê ngó umoxi-elèle, ka moneka dingi mona, né ua diiala, mba ua muhatu.

Afundixi 14:19

Nzumbi ia Jihova bhenhobho iza ni nguzu kua Sansau, u kulumuka ku Axikilone, u jibha-ku makuinhi atatu a mala, u a tambula izuatu iâ anga u bhana makuinhi atatu a izuatu kua iá oso a lombolola o nongonongo iê. Njinda anga i mu kuata, u banda ku bhata dia tatʼâ.

I Samuuele 14:6

Jonata anga u ambela kibese kiê kia mu mu ambatela o ibhakatu ia ita, uixi: Ndoko, tuie ku sámbua bhu poxto ia akua mabôlo enhá, amoxi Jihova u kalakala mu ku tu kudila; kuma Jihova ki bhuala ki mu fudisa kubhulula mundu uê ni athu avulu mba kubhulula mundu uê ni athu atolo.

I Samuuele 17:26

Davidi anga u zuela ni mala a mu imanena, uixi: A mu bhanga kiebhi, uoso u jibha mukua Fidíxia iú, anga u katula o dilebhu dioso dia te muene kua Izalaiele? Kiiala kienhiki kia mukuadibôlo ku Fidíxia, mukua-hi muene, phala a tene kulebhula kiki o kilômbo kia Nzambi ia muenhu?

I Samuuele 17:36

Eme ngi mubhikʼé, kienhiki ki nga jibha o hoji ni úlusu; kiiala kiki-phe kia mukua-dibôlo ku Fidíxia, kiene ue ki ngi mu bhanga; mukonda muene ua lebhula kilômbo kia Nzambi ia muenhu,

I Samuuele 18:6

Anga ki bhita-phe kuila, kilômbo kioso kia ita mu kubhongoloka ku bhata kia tundu Davidi mu kujibha Ngoliia dia mukua Fidíxia, kuma ahatu oso a tunda mu mbahata moso ma izalaiele, ni kuimba ni kukina mu kauidila sobha Saúlu, ni kusanguluka ni kuxika tungoma ni isaka.

I Samuuele 31:4

Saúlu anga u ambela kibese kiê, uixi: Fomona xibhata u ngi tome-iu u ngi kube-iu mu mixima; sumba akuamabôlo enhá eza, a ngi zubhidisa, a ngi bhanga kasekelelu. Kibese kiê-phe nguaiʼê ku ki bhanga, kuma uala ni uoma uavulu. Mukonda dia kiki, Saúlu muene u sunga o xibhata u di kuba ku pondo iê.

I Samuuele 6:17

Ene o mabhumbu ma ulu ma vutula akua Fidíxia, mu kudiẋikina mulonga kua Jihova a ma bhana Ajindodi dimoxi, Ngaza dimoxi, Axikilone dimoxi, Ngata dimoxi, Ekolone dimoxi;