II Samuuele 1:2 - O Mikanda Ikola

² mu kizuua kia katatu bhu tula muthu ua tundu mu kilômbo kia Saúlo, ni izuatu iê ia tandujuka ni mavu a di kuu mu mútue; o kia zubha kubhiẋila bhua Davidi, u di takuila mu mavu anga u diunda.

II Samuuele 1:2 ပူးပေါင်းရင်းမြစ်များ

Dimatekenu 22:4

Kizuua kia katatu Mbalahamu anga u bhetula mesu, kididi u ki mona mu kanga, kiná.

Dimatekenu 37:29

Lubene kia vutukila bhu dikungu, u sanga Zuze kala-mu dingi mu dikungu; bhenhobho u tandujula izuatu iê.

Dimatekenu 37:34

Jakobo anga u tandujula izuatu iê, u di ta kidinhaji mu mbunda (malombo), u kala mu dila monʼê mu izuua iavulu.

Dimatekenu 43:28

Ene a vutula, exi: Selevende ié, tatʼetu, uala kiambote; iú-é hanji ku muenhu. Anga a bhetama dingi, a diunda.

II Samuuele 1:3

Davidi anga u mu ibhula, uixi: Ua tundu kuebhi? Muene u mu vutuila, uixi: Mu kilômbo kia Izalaiele mu nga lenge.

II Samuuele 13:19

Tamala anga u di ta utoka mu mútue, u tandujula kizuatu kiê kialebha maku, u ta maku mê mu mútue, hé u bhita mu luua ni kudila ni kudikola.

II Samuuele 14:4

O muhatu mukua Tekoua kieza kuzuela ni muenexi, u diunda, u bheza, uixi: Sobha, tatuʼodio!

II Samuuele 15:32

Anga ki bhita kuila, mu kubanda-phe, Davidi u bhixila ku thâla ia mulundu bhu kididi bhene kubhezela Nzambi, anga u takana-bhu ni Husai mukua Adiki, uala mu kuiza ku mu batuila, kizuatu kiê ua ki tandujula, ua te mavu mu mútue.

II Samuuele 24:20

Alauna anga u tala mu kanga, u mona muenexi ni mbèle iê ala mu kuiza bhuoso bhuala muene; Alauna anga u tunda, u bhetemena bhu pholo ia muenexi, u tula pholo mu mavu.

II Samuuele 4:10

Talesa Saúlo uafu, ku muẋima uê ua fikile kuila njimbu iambote ia ngi tudila, maji nga mu kuatela bhenhobho, eme nga mu jibhila bhu Zikilake; kiene kisakidilu ki nga mu bhana kia njimbu iê.

Estere 4:16

Ndeie, ua kà bhongolole o jijudé joso ala mu mbonge ia Suzana, mu jejuuale mukonda diami, mu fule kúdia ni kúnua mu izuua itatu, ni mu muanha ni mu usuku. Eme uami ni ilumba iami tu jejuuala kiene kimoxi, o ki ki bhua ku ki bhanga kiene kiua ki ngi bhixila kua muenexi, sumbala kima a ki kidika ku ki bhanga; se ki ngi bhinga kubuila-phe, kuabhu, ngi kana kubuila.

Estere 5:1

Kutula mu kizuua kia katatu, Estere u di iudika, u zuata izuatu iê ia ungana, anga u imana mu kithâdi kia moxi, bhua lulama mu sala ia muenexi; o muenexi muene ua xikana bhu kiandu kiê kia ungana, ua bhana pholo ku muelu ua mbalanda.

Jisálamu 66:3

Ambelenu Nzambi: Eie Ngana u kindanda mu kukalakala kué! mukonda dia nguzu ié iavulu, jinguma jé ja-nda kuiza ku ku belesela.

Izekiiele 27:30

Hé o dízui diâ a kà dʼivua muene, mu ku ku dila eie ni dijikijiki; anga a kà di takela fufuta mu mítue iâ, a kà di mbolomuena muene mu uthôka.

Hozeia 6:2

Bhu bhita izuua iiadi, o ki i bhua u tu bhana dingi muenhu; mu kizuua kia katatu u tu fukununa, anga tu kala jinga kiá bhu pholo iê-muène.

Jouele 2:13

Bhu kididi kia kutandula o izuatu ienu, tandulenu muẋima uenu, mu vutuke ku Jihova, Nzambi ienu; mukonda muene mukua henda, ua lenduka, ka thathamana lusolo, ukôla mu kubhanga o mbote, anga u diela se u bhanga kia iibha mu kubazela kuê.

Matesu 12:40

Mbata mukuâ ni kia kexile Jona makumbi ma tatu ni mausuku ma tatu mu mala a kimbiji, ni Monʼa Muthu ue ua kà bhanga makumbi ma tatu ni mausuku ma tatu koxi a mavu.

Matesu 16:21

Tunde bhu thembu ioio Jezú u kuata kuidikiza jixibulu jê kuma muène u bhinga kuia mu Jeluzaleme, kumona jiphaxi javulu ku adiakimi, ni ku jinganga ja makota ni asoneki, ni ku mu jibha, ni kufunuka mu kizuua kia katatu.

Josuué 7:6

Josuué anga u tandula izuatu iê, u di bhala pholo bhoxi, bhu pholo ia álaka ia Jihova, katé mu ngoloxi, ni muene ni adiakimi a Izalaiele; anga a di kuua mavu mu mítue.

Dijingunuinu 3:9

Ivua! Enhó a tokala ku kibuka kia Satana, a mu tanga exi tu Jijudé, mbé ki Jijudé, kuma ala ngó akua makutu, talesa, nga-nda kubhangesa kuila enhó eze, a ku bheze bhu inama ié, nda oso a kʼijiie kuila eme nga ku zola.

I Samuuele 20:41

Kia zubha-phe kaiala kukatuka, Davidi u balumuka bhu kididi bhuoso bhua kolokele, ku mbandu ia sulu, anga u bhetama pholo bhoxi, u bhetama lutatu luosuʼulu, anga a di bhana jibeju. Anga a kala hanji mu dila kumoxi kiiadi kiâ, katé Davidi ua tundu mukuâ mu kudila kuma lamba dia mu vudila.

I Samuuele 25:23

Abingaile kia mono Davidi, u lenguluka, hé u tuluka ku bulu ie, u mu diundila, u tula dibhomo ku mavu bhu pholo ia Davidi.

I Samuuele 4:12

Anga bhu kala diiala mukua muiji ua Bejamí, ua tundu ku ita, u bhixila ku Silo kizuua kienhokio, izuatu iê ua i tandujula, ua di te mavu mu mútue.

I Samuuele 4:16

O diialʼidi anga u jimbuila Eli, uixi: Eme muene nga tundu ku ita, lelu muene eme nga lenge ku ita.