II Samuuele 1:12 - O Mikanda Ikola

¹² Anga a bhanga kibulukutu, a ta jingololo ni kudila, a fula kudia katé mu ngoloxi, mukonda dia Saúlo, ni mukonda dia Jonata monʼê, ni mukonda dia mundu uangene ua Jihova, ni dibhata dia Izalaiele, mbata a dibhale ku mazu a xibhata.

II Samuuele 1:12 ပူးပေါင်းရင်းမြစ်များ

II Samuuele 3:35

Mundu uoso anga eza kua Davidi ku mu bhomba kudia mu muanha hanji; maji Davidi-phe u loka, uixi: Nzambi a ngi bhange-kiu, a ngi tele-ku, se ngi lola kúdia kuoso-kuoso katé ki tula o dikumbi.

Jisabhu 24:17

Kioso ki di bhala nguma ié, eie ku sanguluke; o kia di bhukana, muẋima ué ki u tane.

Jelemiia 9:1

Tamanu mútue uami ua bilukile menha, o mesu mami ma bilukile fiẋi ia masoxi! Kienhokio ngeju dila imbi ia kilumba kia mundu uami, muanha ni usuku.

Amoji 6:6

O vinhu mu i nuina mu jikopho ja makota; o mu ku di uaia kuenu ki kale ngó ni maji a te kitadi kiavulu; maji mua lémbua ku kala ni dilamba dia kusenguluka kua Zuze!

Matesu 5:44

Eme-phe ngi mi ambela: Zolenu nguma jenu; a sambedienu kua Nzambi, oso a mi tatesa; benzelenu a mi bhubhidila, bhangenu mbote oso a mi zembe.

II Kolindo 11:29

Ki bhu kala muthu ua bhuila, eme uami ki ngi bhuidisa. Se bhu kala muthu u di bhala mu ituxi, eme-phe ki ngi tatesa kiavulu muene.

I Phetele 3:8

Mu kuzubha-phe, kalenu ni muẋima umoxi ni kixinganeku kimoxi, mu di xinganeke jinge mudienu. Mu di zole kala mu jiphange, mu nengane miẋima, mu batâma.

I Samuuele 31:13

Anga omona ifuba iâ, hé a i funda bhu kota dia muxi ua mutamadixi mu Jabezi. Anga a fula kúdia, a jila mu sambuadi dia izuua.

I Samuuele 31:6

Kala kiki ni Saúlo muene uafu, ni anʼê atatu, ni kibêse kiê, ni makuenze mê ene oso afu kizuua kiâ kimoxi.