II Samuuele 1:10 - O Mikanda Ikola

¹⁰ Kienhokio ngi mu bhixila, anga ngi mu jibha, mukonda nga mu ijiia, kuila ka tena dingi kubhuluka se ua di bhale kiá. Eme nga katula o kitundu kia mu kala ku mútue, ni dilenge dia mu kala mu lukuaku, eme nga ku bhekela-iu eie, ngana iami.

II Samuuele 1:10 ပူးပေါင်းရင်းမြစ်များ

II Samuuele 1:16

Davidi anga u mu ambela, uixi: Manhinga mé ma kale ku thandu dia mútue ué eʼmuene, kuma dikanu dié muene diene dia ku bhela umbangi ua kuêla, uixi: Eme-muène nga jibha muthu a mu undu kuala Jihova ku ungana.

II Samuuele 1:9

Uixi: Ngi bhiẋile, nga ku diondo, u ngi jibhe; kuma nga bhondalala ni misusu, mukonda muenhu uami uoso moxi hanji iu-é.

II Samuuele 12:30

Anga u tambula o kitundu ku mútue ua sobha iâ; ki pezala talendu ia ulu, a sokejeka-ku matadi ma te kitadi kiavulu; anga a ki ta ku mútue ua Davidi. Anga mu mbongeʼ omo ambata-mu ima iavulu ia kubhunda.

II Jisobha 11:12

Muene-phe anga u zangula monʼa sobha, u mu ta o kitundu ku mútue hé u mu bhana o umbangi; anga u mu bhanga sobha, a mu unda ni maji, a beta jimbanda ni kudikola, exi: A tane-ku, sobha!

Kuditenda 5:16

Kitundu ku mútue kia tu laúka. Kokolo dietu, tata, kuma tua te ituxi!

Matesu 7:2

Mbata, o kubatula kuoso ku mu batuila na-ku akuenu, enu uenu kiene Nzambi kia kà mi batuila; ni nzôngo ioso i mu zongela na-iu akuenu, enu uenu a ka mi zongela-iu dingi.

Afundixi 1:7

Adoni-bezeke anga u zuela, uixi: Makuinhi sambuadi a sobha a kumbuka milembu ia ikota ia maku ni ia inama, a kexi mu nona jisesekenha mʼoxi a meza ami; kioso ki nga bhangele eme, Nzambi ua ngi futu-kiu. Anga a mu bheka mu Jeluzaleme, hé u fuila momo.

Afundixi 9:54

Muene anga u ixana lusolo kibese kiê ua mu ambatela ibakatu ia ita, uixi: Fomona xibhata ié nda u ngi zubhidise, athu ka kale mu kuila exi: muhatu ua mu jibha. Kibese kiê anga u mu toma mu muẋima, u fuila bhobho.

I Samuuele 22:18

Muenexi anga u ambela Doueki, uixi: Bhixila eie, u kitukile jinganga. Doueki, mukua Edomo, anga u bhixila, u balukila jinganga, muene anga u jibha kizuua kienhokio makuinhi nake a muthu ni kitanu, ene oso jinganga a zuata efodi ia linho.