II Phetele 3:9 - O Mikanda Ikola

⁹ Ngana kala ni kaxixi mu kubhitisa kizuelu kiê, uila amoxi ki a mu fika kaxixi. Oko ki kiene, kuma enu-phe a mi xididikila, mukonda muène ka mesena kuila ku kala muthu u texika, mbata ua mesena ene oso eza mu kudiela.

II Phetele 3:9 ပူးပေါင်းရင်းမြစ်များ

Jisálamu 77:8

Henda iê, kifua, iaia muene nzaká? O plomesa iê ki iala dingi ni ku i kumbidila ku miji ni miji?

Jisálamu 86:15

Maji Eie-phe, Ngana, u Nzambi ia jihenda, uezala ni kiadi, ua kokoloka o kutema, eie ua vula o kulenduka ni kidi.

Makatukilu 18:23

Se eie u bhanga kienhiki, o Nzambi ue kiene kia ku tuma, eie-phe ua-nda ku laia kiengi, ni mundu uoso iú hádia ua kà bhiẋila ni kutululuka bhu kididi kiâ.

Makatukilu 32:32

Ki alʼiki, a loloke Ngana, o kituxi kiâ. Se ki ki ẋikina, eme uami ngi jimune, nga ku diondo, mu divulu dié di ua soneka.

Makatukilu 33:11

Jihova anga u kala mu zuela ni Mozé, pholo ni pholo kala muthu uoso-uoso kia zuela ni kamba diê. Anga u vutuka kuia ku kibangu; maji o dikuenze diê-phe, Josuué, monʼa Nune, munzangala, ka kexile mu tunda-mu mu balaka.

Makatukilu 34:6

O Jihova kioso kia mu bhita bhu pholo iê, Mozé, u mu kola, uixi: Jihova, Nzambi ia jihenda ni kiadi, ua lenduka, u kokoloka mu kuthathamana, u kôla mu kukuatela henda, ufiiele u vula.

Ndongixi 8:11

Mukonda dia kuila o ibhangelu ioso ia ibha ka mu i fundisila-bhu kiá kindala, kiene kia bhangesa kuila o muẋima ua anʼathu ua lunguʼé kiá ngoho mu kubhanga kia iibha.

Izaía 30:18

Kiene-phe kia-nda ku kingila Jihova ku mi kuatela henda; kiene kianda ku mi zangumuina phala ku mi lendukila, mukonda Jihova uene Nzambi ia kutetuluka; azediua oso a kinga kua Muene.

Izaía 46:13

Nga kà ku zukamesa o uiukilu uami; ki ua kà sanduka, kana, ni ubhuluilu uami ki ua kà kokoloka; nga kà xikika kubhuluka mu Ziione, ni kizunda kiami mua Izalaiele.

Izekiiele 33:11

Ambela-u, uixi: Kikola! Eme ngi Jihova Nzambi! Kuma eme ki ngène mu kuuabhela kalunga ka mukua phulu, maji ki ngi uabhela o mukua phulu kudiela ku njila iê ia ibha nʼa kole muenhu; dielenu-phe, dielenu ku jinjila jenu ja ufusa; abha-phe, mukonda diahi mua-ndo fuenu ngoho, enu mu muiji ua Izalaiele, tata!

Daniiele 4:29

Mbata kua bhitile ngó kuinhi dia mbeje ni jiiadi, o kia kuata kuimajana kiki, ku thandu dia palaxu ia muenexi mu Babilónia,

Habakuke 2:3

Mukonda kisunji kiki kia-nda kubhita bhu thembu ia tokala, ni kidi muene kuma bhu thembu iaxindi kia kà bhita muene, ki ki fulu, kana; se ua mono kia laleka mu kuiza, eie-phe kinga na-kiu, kuma ni kidi muene kia kà bhita, ki kia-nda ku kokoloka, kana.

Loma 13:11

Nga ki ambe kuila enu mua fuama mu bhanga kieniiki, mukonda o thembu i tuala mua ijiia. Kumbi diezabhu kiá, dia kubalumuka ku kilu. Mukonda, kiki o kubhuluka kuetu kua zukama dingi kiengi, ki ki soko ni ki tua mateka o kuxikana.

Loma 13:12

O usuku iú batuka, kua kambe ngó kuma kukia. Kala kiki, tu ehiʼenu kubhanga o imbamba ia usuku. Tu maneke o mata ma kulua-nâ mu muanha.

Loma 2:4

Inga eie ua mu tobhesa o jinzungule ja kulenduka, ni kudixibha, ni kuxididika kua Nzambi? Eie ua kʼ ijiia kiambote kuma o Nzambi ua lenduka, ni kuila muène ua mesena ku ku sunga mu kudiela.

Loma 9:22

Nzambi ue kiene kimoxi kia bhange. Muène kia solo kuidikiza o njinda iê, ni kuijidisa nguzu iê. Ni muanu uavulu, ua xididikila eniʼó a tokalele kiá o ku a bhana kaxtiku, iá eji ku a jima o mbutu.

I Timote 1:16

maji o Nzambi-phe kiene kia ngi lolokela, phala ko kuami eme ngi dikota, Jezú Kristu edikize o kuxididika kuê kuoso kua ngi kala naku. Phala o kienhiki ki xalele mu kubhana kijimbuete kua enhó oso ku pholo a kènda ni ku mu xikana muène, nʼa tambule o muenhu ki uàbhua.

I Timote 2:4

Muène mukua kumesena kuila athu oso a bhuluke, eze mu kuijiia o kidi.

Jihebeleu 10:37

Mukonda, kala kia tange o Mikanda Ikôla: Kuma kua kambe ngó kathangana, kathangana kʼ ofele muène, o Ió tua mu xikamena, uiza; uanda kuiza muène, ka kokoloka.

I Phetele 3:20

O jinzumbi ja oso a xibhakele mʼokulu, kia kingile o kuxididika kua Nzambi mu izuua ia Noué, kioso kia kexile mu iudika o álaka. O mu álaka muenhomo mua bokona athu, kavulu, nake ngó dia mienhu, anga a bhuluka ku menha.

II Phetele 1:4

Kiene kia mu bhangesa ku tu bhana jipolomesa jê jakulu kinéne ja ujitu. Muène ua bhange kiki phala ku jipolomesʼiji, ja ujitu, tu nomone ku kidifanganu kiê kia unzambi, mbe se tueji ku di bhala kiá mu kubola kuene ku mundu mukonda dia jihânji jaiibha, tu tene kubhulaka.

II Phetele 3:15

Mu lembalale jinga kuma o kuxididika kua Ngana kuene kua mi bhana kithangana kia kubhuluka. Uila Phaulu, phange ietu tua mu zola, kia mi sonekena ni unjimu uê ua mu bhana Nzambi ku maka enʼiá.

Dijingunuinu 2:21

Nga mu bhana o kithangana kia kudiela o ituxi iê, muène-phe nguê kudiela o undumbu uê.