II Phetele 2:6 - O Mikanda Ikola

⁶ Ni jimbànza ja Sodoma ni Ngomola Nzambi ua ji bhange uthôkua, ua jʼêlesa ni ji kale ngó jingundu, mbé ji kale kijimbuete kua ió oso enda ni kubhuma.

II Phetele 2:6 ပူးပေါင်းရင်းမြစ်များ

Dimatekenu 19:28

o kia talela ku Sodoma ni ku Ngomola, ni ixi ioso ia ngânga, u mona ixi ioso iala mu tuka dixi, kala kitumba kia uama.

Izaía 1:9

Se o Jihova dia Ilombo Ieta ua kambele ku tu xila tumbalu-mbalu, eji ku tu buikisa kala Sodoma, tueji ku di fuangana ni Ngomola.

Izaía 13:19

Babilonha, o makembu ma akua jixi, muene o fuma ni izala ia akua Kaldeia, ua kèza bhua Sodoma ni Ngomola, kioso Nzambi kia a sengulula.

Jelemiia 50:40

Mukuá ni Nzambi kia jikinisa Sodoma ni Ngomola ni jimbanza ja zukamene na-ju, kiene kimoxi ue momo ki mua kà kala u tunga-mu, mba monʼa muthu u tá-mu dibhata, Jihova ua ki tange.

Hozeia 11:8

O kiki-phe eie Ifalaíme, ngi kuehelela kiebhi? Ngi ku bhakula kiebhi, eie Izalaiele, tata! Ngi ku bhanga kiebhi kala kia bhiti kua Adama, mba ngi ku kitula kiebhi kala Nzeboíme? Muẋima uami moxi ki u xikina, o henda jami ja bambuka kala túbhia.

Amoji 4:11

Amoxi mu kaxi kenu nga a lungulula o miẋima mukuâ ni Nzambi kia lunguluile Sodoma ni Ngomola; enu-phe, enu mua di bhange kala kixinji kia luhuinhi luókatule bhu jiku! Sumbala kiene, maji hanji-phe mua lémbua kudiela ni mu bhiluke kokuami, Jihova ua ki tange.

Sofoniia 2:9

Kala kiki, mu kidi kiene, Eme Jihova dia ifuẋi, Nzambi ia Izalaiele, nga lokela muenhu uami kuma Mouabhe ubuika kala Sodoma, anʼa Amone a di bhanga kala Ngomola; o ixi iâ i di bhanga kangu dia môngua, mu sabhuka isása i xixima, i biluka ngundu i nangenena, kuma ene aia muene nzaká, kà moneka dingi. O ió oso a subhuka ku mundu uami, a kà kituka ene tubhinganu tuâ, a subhuka ku athu ami a kʼèza hé a a kuata anga a avua.

Dialuilu 16:38

o ku iomuenu ia ió a te o kituxi ku mienhu iâ-ène, ioso a i bhange izalelu ia kuzala ku thanduʼa kalatódio; kuma iòbheke bhu pholo ia Jihova; mu kienhiki-phe, ikôla kiá; ia kà kala kijimbuete ku anʼa Izalaiele.

Dialuilu 26:10

mavu anga a jikuka, a a minha kumoxi ni Kola, kiafu kibuka kiókio; thembu iene imoxi kia bhi ku túbhia hama jiiadi ja mala ni makuinhi atanu, anga a di bhanga kijimbuete.

Matesu 10:15

Kidi kiene ngi mi ambela, inda oxi ia Sodoma ni ia Ngomola a kà i lendukila mu kizuua kia kufundisa, mbongeʼ oio, kana!

Matesu 11:23

Eie u Kafanau kífua ua zangalala katé ku diulu? A kà ku tulula katé muʼ alunga! Mukonda o isuma ia di bhange mo-mué, se a i bhangele mu Sodoma, hinu ia nange katé ni lelu.

Loma 9:29

O Izaia ue ua ki zuela, uixi: O Ngana dia ifuẋi se ua kambele ku tu xia mbutu, hinu tueza bhua Sodoma, hinu tua bhiluka kala Ngomola.

I Kolindo 10:11

Ima ioso ienʼ iii ia bhitile ku jitata jetu mʼ ukulu, ni i kale kijimbuete ku akua, maji ima ienʼ iii-phe a i soneka phala ku tu dimuna etu. Mukonda tuala mu kithangana kia kuila o dizubhilu dia jithembu dia zukama kiá.

Matendelelu 29:23

Mù kuila mua bhiti mbòmbe ia xofidi ni môngua oxi ioso ia seluka iazubha, kuma ia lémbua kuima, ia lémbua kusabhukisa ngó dife dimoxi; mbambe ni kia bhitile mu Sodoma, ni Ngomola, ni Adama ni Nzebouime, a a buikisile kuala Jihova kia mu kuatele o njinda ié ni kutema kuê.

Jihebeleu 4:11

Uila kiki, tu kuatienu-phe muanu mu kubhanga ioso phala tu tene kubokona ni Nzambi mu dinhohenu diê. Ki bhu kale muthu mudietu u di bhala mu kuxibhaka Nzambi, kala ene kia xibhakele ia a tokokele kobokona.

Juda 1:15

mu kufundisa athu oso. Uà keza mu kuêlesa athu oso abhumu, a kambe kuxikana, mukonda dia imbamba iâ ioso ia kubhukumuka ia bhumina kubhanga, ni malebhu moso akua ituxi abhumu enhâ a ẋonguena jinga na-u Nzambi!

Juda 1:7

Lembalalenu ue akua Sodoma ni Ngomola, ni jimbanza ja zukamene na-ju, kioso kia bhange uila kia bhangele o ji-anjuʼ ojo, a kala mù di ehelela ku undumbu, a kala mù balukila ʼxitu jengi. Enʼ iá a a tubhula kuma a kale kijimbuete, ni kuxixima mu tubhia ki tu xikina kujima.