II Phetele 2:17 - O Mikanda Ikola

¹⁷ Athu enhá edi kala jifiẋi ja kambe menha, mukuâ ni mbundu, a i kaia-kaia kuala kitembu. Nzambi ua a solela kididi mu usuku iuná ua a xikamena uedi ni uene bûi.

II Phetele 2:17 ပူးပေါင်းရင်းမြစ်များ

Jelemiia 14:3

Jingana jâ ja beta ukota, ja mu tuma o jindenge kuteka menha; ene eza ku ixima menha né-ku; a vutuka ni masanga ma hatu; sonhi jʼa kuata, mu thulu mua a xiti, ia a vunga milele mu mítue.

Hozeia 6:4

Eie Ifalaíme, tata, Eme ngi ku bhanga kiebhi? Eie, Juda-phe, Eme ngi ku ila kiebhi? Mukonda o henda ienu iedi kala dituta dia kimene, kala dimume dia kimene-mene, di bhita lusolo.

Matesu 22:13

Sobha anga uambela jiselevende jê, uixi: Mu kutienu o maku ni inama, mu mu texi ku kanga, kua vunduʼoko; kuene kuà kala o kudila ni ku di kokota ku mazu.

Matesu 25:30

O selevende íii kuma ki ia sedivila kima, mu texienu ku kanga kua vundu. Kuenhoko kuene kuà kala o ku dila ni ku di kokota ku mazu.

Matesu 8:12

Maji ana ene avu o ungana uâ-phe, a kà a kaiela ku usuku ua kanga, kuenhoko kuene kuà kala o kudila ni ku di kokota ku mazu.

Efezo 4:14

Uila kiki, kana, ki tu kala dingi tu anandenge, a tu takujula ku mabhuku, ni ku tu xinjijika kuala o kitembu kia ulongelu uengi uiza-ku ua athu akua mangonha. Kuma enʼiâ mu jindunge jâ kala mibhetu, ambata akuâ mu jinjila ja kutexika.

Jihebeleu 12:18

Mbata enu ki mu eza, kala ki ejiie o mundu ua Izalaiele, bhua zukama ni kima kiẋikina ku ki babata kala o mulundu ua Sinai, ua uama tubhia, ni kuvunda kuê, ni usuku-ua-nzumba, ni kufuafua dixi,

II Phetele 2:4

Kuma Nzambi kia kambele kuehela ji-anju ja tele kituxi, maji ua ji kaiesa katé mu ifernu, iú ua ji kuikila ku malubhambu mu makungu ma usuku katé bhu kizuua kia kufundisa.

Juda 1:6

Xinganekenu ue kuila ni ji-anju ja kambele kubhaka o ukota uâ, ja xi o kididi kia a tokala, Nzambi ua ji kuika bhoxi dia usuku, ku malubhambu ma kolela-ku katé bhu kufundisa kua Kizuua kiná kia dikota.