II Phetele 2:16 - O Mikanda Ikola

¹⁶ Muène-phe a mu bazelele mukonda dia kituxi kiê. Bûlu iê, kiama ki kiene kuzuela, anga i zuela ni dizui dia muthu, hé i fudisa polofeta kusaluka.

II Phetele 2:16 ပူးပေါင်းရင်းမြစ်များ

Jisálamu 39:11

Kuma eie ki u bazela muthu, mukonda dia kutondala kuê, o kuuabha kuê ku mu bhua, u kala kala kizuatu, a ki kesa kuala kabamba. Ni kidi kiene, muthu bá kingoho! Kikexilu kiê kifua mukua ni mbundu iiza-ku, kindala iaiê. (Selah.)

Ndongixi 7:25

Anga ngi lunguluka dingi, hé ngi sola ni muẋima uami o kuijiia, ni kutongolola, ni kusota o unjimu, ni kilunji, ni kuijiia o kudianguka kua kubhanga ia iibha, ni ulaji ua kutulumba, eme nga mono kuila o kubhanga kiaiibha ulaji uene, o kubela uôua.

Ndongixi 9:3

Kienhiki kiene o kima kia iibha ku ima ioso iene mu ku bhanga Kulu-dia-Mundu; kuila athu oso ima i a bhita kumoxi; kuila ue o muẋima ua anʼathu uezala ufusa; o ku muẋima uâ ni ku muenhu uâ kuala ngó kutulumba ni kubhanga kiaiibha, hádia hé aia kiua muʼalunga.

Hozeia 9:7

Kuma izuua ia ku a zungila ia bhiẋila, izuua ia kuvutula phonzo ieza-bhu; o Izalaiele ua-nda ku di muena-kiu hé u kʼijiia, kuila o polofeta iê ua di bhange kiôua, o mukua kuzambula u xingila makutu; mukonda ua di vudisila o ikuma iê, kiene uê kia kà mu vudixila o luma.

Luka 16:11

Kuma enu se mua kambe kubhanga kidi mu umvuama ua mangonha ma mundu iú, nanhi u mi dielela mu umvuama ua kidi?

Jipoxolo 26:11

Ngi kala luavulu mu ku a bhana kaxtiku mu jinzu joso ja mabhezelu a Nzambi, ngi bhindamena ku a xingisa Jezú ni kudituna o kuxikana. Mukonda ue njinda ia ngi kuatele kinene, nga a salukila kiavulu, katé nga a zukutisa ni ku madiembu a makanga.