II Phetele 2:10 - O Mikanda Ikola

¹⁰ Nzambi u kala-phe kota mu ku a bhanga-kiu, enhó oso enda kala kia a tumu o xitu mu hânji ia kubola, o Ngana u tokala ku a tumina, hé a mu tènda. Jimesene ja makutu jenhiji, a bhumu, a thathamena vondadi jâ, ka moneka ujitu ua kuxila ji-anju mba a kala ni héle ia kuxinga jingana.

II Phetele 2:10 ပူးပေါင်းရင်းမြစ်များ

Dimatekenu 49:6

U muenhu uami kana kubokona mu kikutu kiâ. Mu kibuka kiá, kijingo kiami ki ki di bunde-mu; kuma mu njinda iâ a jibha athu, mu kuhuka kuâ ngombe a ji sende mixibha.

II Samuuele 20:1

Bhenhobho anga bhu kala muthu ua tokala ni Kadiaphemba, dijina diê Seba, monʼa Bikidi, mukua muiji ua Bejamí; muenhú anga u xika koloneta, uixi: Etu mu kisangela kia Davidi, ki tuala-mu, mba tu kala ni undundu mua monʼa Jese! Muanganenu Izalaiele, kala muthu aie ku balaka iê!

I Jisobha 12:16

Izalaiele ioso-phe kia mono kuma, sobha ka a bhana mátui, athu oso a mu vutuila, exi: Mbandu iahi i tuala na-iu ni Davidi? Kua monʼa Jese kana-ku undundu uetu, Ndé ku jifundu jenu, eie u Izalaiele! Kindala soka ni dibhata dié, eie u Davidi. Bhenhobho Izalaiele ioso a di muangena ku jifundu jâ.

Jisálamu 12:4

kuma ala kuila: Dimi dietu diene di tu mbolomona na-diu akuetu; tua dielela o mizumbu ietu, Ngana ietu nanhi muene?

Makatukilu 22:28

Afundixi kana ku a bhubhidila; muthu a mu zangeleka kutumina o mundu kana ku mu zuela kiaiibha mba ku mu longolola.

Ndongixi 10:20

O sobha ku mu xinge, kana ku mu zuela kiaiibha né kia ngó mu ixinganeku ié; mba uia ku hotʼèlele mu xilu dié mu ku xingila-mu o kilamba; mukonda o jinjila ji bhita bhulu ji kuambata o dízui, ió uala ni mabhabha ua kà tula o njimbu ia kizuelu kié.

Jelemiia 2:31

Enu muiji ua kime! Suuenu maka ma Jihova: mbé ki ngalʼeki nga di bhange ngi kikangalakata kiahatu kua Izalaiele? inga nga di bhange ngi mukáu ua kitombe kiedi bui? Phalahi phe mundu uami, uila: Etu tua batuka kokué; kokué ki mungu dingi tuiza-ku?

Dialuilu 15:30

Muthu uoso-phe u ta kituxi ku luelu, a kale mvàle, a kale nzuángiza, ua bhumina Jihova, muthu ua ku mu batula ku kifuẋi kiê.

Luka 11:25

O kia vutuka, u sanga muokòmbe muòiudike.

Luka 19:14

Maji o akua ʼxi iê-phe a mu zembe, anga a tumikisa jiphunga ku dima diê mu kuamba: Etu muthu iú nguetu-nê kukala sobha mu ku tu tumina etu.

Jipoxolo 23:5

Phaulu uixi: Ki nga kʼ ijiia akuetu, kuila muène nganga ia dikota. Kuma kiosoneke mu Mikanda Ikôla, kuila: Mufundixiʼ a mundu ué, kana ku mu zuela kiaiibha.

Loma 8:1

Kiki kiá kana-ku dingi kuêla kua ió ala mua Kristu Jezú.

I Kolindo 6:9

Inga ki mu kʼ ijiia kuma athu abhengalala ka tena kubhingana mu Utuminu ua Nzambi? Kana ku di nganala, kuma ni jindumbu, ni abhezi a iteka, ni akua jiphanda, ni mâla a ilalu, ni mâla akua kubhanga ufusa ni mâla ni akuâ.

II Kolindo 10:3

Sumbala tuala mu xitu, kidi. Maji o kulua kuetu ki kua kaiela xitu.

Efezo 4:19

Kuma-phe ene a ẋiẋidila kiá, kala dingi ni sonhi ia kima, a di bhakula mu kubhanga ima iaiibha, iá a baluka mu ufunu ua ima ioso ia ufusa.

Efezo 5:5

Ijiienu-kiu mu kidi, kuma muthu uala ndumbu, kifusa, mukua luimbi, kuma luimbi lua tokala ni ubhezelu ua iteka, kala ni undundu ua kima mu Utuminu ua Kristu ni Nzambi.

Kolose 3:5

Uila kiki, o jihânji jenu ja mu ngongo jala kukalakala moxi dienu, jibhenu-ju: ni undumbu, ni ufusa, ni hânji jaiibha, ni vondadi jabolo, ni luimbi, ku ma o luimbi lua soko ni kukaiela iteka.

I Tesalonika 4:7

Kuma Nzambi ka tu ixanena kulaia mu ufusa, maji ua tu ixanena kulaia mu kuzela.

II Timote 3:2

Kuma athu a kà kala azodi a ene ngó, injenji, akua ukumbu, a tènda akuâ, a nonga, a xikbhaka tata ni mama, a kamba kusakidila, a kamba ujitu ua Maka ma Nzambi.

Tito 1:7

Kuma bispo u bhinga ka kala ni kuêla, mbata muène dikota dia Ngeleja, muingi ua dibhata dia Nzambi. Ka kale ni izala, ka kale muthu u thathamana, ka kale mukua jimvunda, mba muthu u uabhela kunua vinhu, mba mukua kubeta. Ka kale ni luimbi lua nganhu iaxidi.

Jihebeleu 13:4

O ukaza u kale ku ujitu kua ene oso, o mala ni ahatu a sakana a di kale jifiiele mudiâ. Kuma Nzambi ua kà fundisa o jindumbu ni akuâ jiphanda.

II Phetele 3:3

Mu dianga-phe ku kʼijiia, kuma mu izuua i sukidila-ku, kua kà kala athu enda kioso kia a tumu jihânji jâ. Enhá a kà mi bhanga kasekelu ni kuila:

Juda 1:10

Maji athu enʼ iá-phe o ima ka ʼijiia a i lebhula. O ima-phe i ejiia mu mikutu iâ, mukuâ ni iama, ki i moneka kilunji, iene ima iâ di bolêsa na-iu phala kusenguluka kuâ.

Juda 1:16

Athu kala iá, akua kudizumina jinga ni kulongolola ni kufunda, enda kioso kia a tumu o jihânji, a kala ni dikanu dia ku di kaka, a kala ni kathombo kʼ athu mbebhu o kunganhala.

Juda 1:18

Ene a mi ambela, exi: Mu izuua i sukidilà-ku, hinu kua kà kala jisemenhi jenda ni ku mi bhanga kasekelu, athu enda kioso kia a tumu jihânji jâ ja kubhuma.

Juda 1:4

Kuma sai-ku athu a kambe o kuxikana, a mi zombela mudienu ni ku dʼimbikisa, ene tunde ukulu a a xindi o kuêla, athu abhumu, o kiadi kia Nzambi ietu a ki kitula uhabhu, o Mesene ietu imoxi, ni Ngana Jezú Kristu, a ditunu-nê.

I Samuuele 10:27

Bhu kala-phe ue ni anʼa Kadiaphemba, exi: Iú ue muthu uahi? Manhi utena ku bhulula? Anga a mu tènda, a fula ku mu bhekela maujitu. Muene-phe ua di xibhʼê kala ka kʼivu.