II Phetele 2:1 - O Mikanda Ikola

¹ Mʼukulu ku mundu-phe kuejile jipolofeta ja makutu, uila kiki mudienu kuandú kala ue jimesene ja makutu. Jene ji mi zombela ni maulongelu mengi ma texikisa, katé ni Muadiʼâ ua a sumba a dituna-nê. O mu kubhanga kiki, a di bhekela kingûmba kialenguluka.

II Phetele 2:1 ပူးပေါင်းရင်းမြစ်များ

I Jisobha 22:6

Bhenhobho sobha ia Izalaiele u bhongolola nzungule ia jiplofeata, manhí mba kukamba ngó bhuòfele mu kutenesa hama jiuana ja jipolofeta, anga u a ebhula, uixi: Enu kiebhi-ze, ngiia ma kúlua ni Lamote dia Ngiliiade, mba ki ngiii-ku? Kuala ene: Banda, mukonda Ngana ua kà mu bhana bhu lukuaku lué, u sobha.

Makatukilu 15:16

Kua a tulukila kekenha ni kikote; o nguzu ia lukuaku lué ia a bhuuika, a xikama ni ene hudií kala ditadi; katé kia zaúka o mundu ué, u Jihova, katé kia zaúka, o mundu ué u ua sumba.

Izaía 9:15

O kikulakaji (ua kuka) ni mukuakijingo ene o mútue; o musesedi u longa o makutu, muene o mbunda.

Jelemiia 29:21

Jihova dia Ifuẋi, Nzambi ia Izalaiele, uambe kiki, ku mbandu ia Ahabe, monʼa Kolaia, ni Zedekiia, monʼa Mahaseia, ala ku mi zambuila upolofeta ua makutu mu dijina diami: Tala, nganda ku a bhakula bhu maku ma Nabukodonozolo, sobha ia Babilonha, phala muene nʼa a kuamena bhu mesuʼenu muene.

Jelemiia 37:19

O jipolofeta jenu, ji kuebhi, ja kexi mu ku mi zambuila, kuila: Sobha ia Babilonha ka-nda kuizaku mu kúlua nʼenu mba kúlua ni ixi iii?

Jelemiia 6:13

Kuma tundé ku ndenge jâ, tulé ku dikota, ene oso muthu ni muthu a di bhakula ku luimbi lua kitadi; tundé ku polofeta katé ku nganga, a jijila midimu ia makutu.

Kuditenda 2:14

Misesedi ié, a ku zambuila makutu ni usemenhi; ka ku tukuluila o ufusa ué, phala ku ku dimuna; hinu ki kua kuiza kuia ku ubhika; maji ene a ku zambuila imbamba ia makutu ni usemenhi, iene ia bhangesa ku ku bheka ku ubhika.

Hozeia 9:8

O polofeta, ku mbandu ia Nzambi iami ua di bhange mulangidi ua kubilukila Ifalaíme, mukua ni mubhetu ua dinhanga dia jinjila, mu uendelu uê uoso, kifua kisuéia mʼonzo ia Nzambi iê.

Mikeia 2:11

Se bhu kala muthu u kaiela o nzumbi iê i bhomba, i tanga o makutu, uixi: Eme ngi ku tangela maka ma upolofeta, kuma ni vinhu ni uhólua u kodiuisa, ia fuama muene ku i nua; muenhó-phe muene kiá u kala polofeta ia akua muiji uenhú.

Mikeia 3:11

O atumini-â, milonga a i batula ni kutambula maujitu, o jinganga jâ mu kulonga a longa ni kukinga ku a futa, o jipolofeta jâ kiela kuzambula, azambula phala kutambula kitadi; anga a tatela Ngana, exi: O Ngana muene, mbé ki iú-ue-iú muʼaxaxi ketu? Ki bhuala kia ibha ki tu bhiẋila.

Mikeia 3:5

Kia bhekela Jihova ku ki tanga, mukonda dia jipolofeta jene kutondalesa akua mundu uami, jene kunumata ni mazu mâ, anga a dikola, exi: Paze! Mukonda ala ni kia kúdia, maji o ió-phe mu kanu diâ ka mu a tela-mu kima, a mu kanena kúlua-nê ita.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Matesu 10:33

Uoso-phe u ngi dituna bhu pholo ia athu, eme uami ngi mu dituna bhu pholo ia Tata iami uene mu diulu.

Matesu 24:11

Bhua kà tukuluka jipolofeta javulu ja makutu, ji kala mu jimbidisa mundu uavulu.

Matesu 24:24

Mbata kua ká tukuluka Jikristu javulu ja makutu, ni jipolofeta ja makutu. Ene à kedikiza isuma ni madiuanu mavulu, katé se kuila ki xikina, ni athu a Nzambi ene ósole, eji ku a jimbidisa.

Matesu 24:5

Kuma avulu à keza mu dijina diami ni kuila: Eme ngi Kristu! A kà jimbidisa athu avulu.

Matesu 7:15

Dimukinenu o jipolofeta ja makutu, a mi kana mu izuatu ia jimbudi, maji moxi diâ-phe ala jimbinji jahame.

Marku 13:22

Mukonda kua ka tukuluka ji-Kristu ja makutu, ni jipolofeta ja makutu, a kèdikiza isuma ni madiuanu, phala a tàmbe kate ni anʼ angene a solo Nzambi, se ki xikina ku ki bhanga.

Luka 12:9

Maji uoso-phe u ngi di tuna bhu pholo ia athu, Monʼa Muthu ue ua kà mu di tuna bhu pholo ia ji-anju ja Nzambi.

Luka 21:8

Muène anga ua ambela, uixi: Alukenu, ka mi jimbidise. Mukonda a vulu a-ndu kuiza mu dijina diami, exi: Ememuène ngi Kristu, mba exi: Thembu ia zukama kiá. Enu kana-phe ku a kaiela!

Luka 6:26

Lamba dienu, athu oso se a mi tumbula kiambote, mbata jitata jâ kiene ue ki ja kexi kutumbula o jipolofeta ja makutu!

Loma 16:18

Kuma enhá, a kala kiki, kene kubhikila Kristu, Ngana ietu, maji a bhikila ngó o jihanji jâ ene. O mu kuzuela kuâ kuambote, kuatouala, ene mu kubhomba miẋima ia athu kiluua a ejiia.

I Kolindo 11:19

Kana-bhu-phe phata, kuila kua bhingi mudienu mu kala kudiuana ku ibuka, phala ió oso ala mu kidi a di monekene.

I Kolindo 6:20

Kuma a mi sumbu ni suilu. Uila kiki, fumanesenu Nzambi ku mikutu ienu, ni ku jinzumbi jenu, kuma ja tokala Nzambi.

I Kolindo 7:23

Nzambi ua mi sumbu ni suilu. Uila kiki, kana kukala dingi mu abhika a athu.

Ngalásia 2:4

Inda o phata iejilile ku jiphange ja makutu, ja bokuene ni kuzonza ni ku di dinga, anga a mesena ku mu saia. Mukonda ene a bokuene mu kulonda o ufolo uetu u tuene na-u mua Kristu Jezú, phala nʼ a tu bheke dingi ku ubhika.

Ngalásia 3:13

Maji Kristu-phe ua tu kula ku mázui ma Kitumu, mu kubiluka mukua mázui bhu kididi kietu. Kuma kiosoneke mu Mikanda: Uoso a mu nhenga ku dikulusu mukua mázui.

Ngalásia 4:17

Athu enʼió leluʼidi a suina ni ku mi bhomba, maji kala ni muẋima uambote. Mukonda a mesena a mi sandula ko-kuami phala mu di tambulule ni ene, muie ni ku a xinganeka mukuâ ni ki muene ku ngi xinganeka eme.

Ngalásia 5:20

Ubhezelu ua iteka, uanga, athu a di kuatela unguma, a di dia milonga, a di bhanga kusuina, a di temena, a di kuata jimvunda, akua difuba, akua luimbi. A di zemba, a di muangununa ku madianda-madianda, ni ku ibuka-ibuka.

Efezo 1:7

Mbata etu a tu kula mu kufua kua Kristu, kiene muène, oko ituxi ietu iòloloke. Mukonda o kiadi kia tu bhanga Nzambi ni kuvula kuoso, madiuanu mê mahi ngó!

Efezo 4:14

Uila kiki, kana, ki tu kala dingi tu anandenge, a tu takujula ku mabhuku, ni ku tu xinjijika kuala o kitembu kia ulongelu uengi uiza-ku ua athu akua mangonha. Kuma enʼiâ mu jindunge jâ kala mibhetu, ambata akuâ mu jinjila ja kutexika.

Matendelelu 32:6

Mbé Jihova kiene ki mu mu vutuilʼokio? Muiji ua tobho ua kambe kilunjí? Mbé Jihova ki muene Tatʼenu ua mi kula, ua mi bhanga, iu ua mi bhana o kutunga ni kusoma?

Filipe 3:19

O dizubhilu diâ kutexika mu infernu; nzambi iâ o imbamba ioso inda o mukutu uâ. Thathe iâ, o imbamba i kuatesa jisonhi; a xinganeka ngó ima ia bhoxi.

Kolose 2:18

Kana kuehela muthu nʼ a mi tambule o dilau dienu, ni kuila kuma muene uala kota mu ku di tolesa kua vondadi iê, ni mu kubheza ji-anju. Muthu u kala kiki, ua landukila ngó o ima ia mono muene iú ua nanuka ngó mu ilunji iê ia xitu.

Kolose 2:8

Alukenu! Ki bhu kale muthu u mi tobhesa, anga u mi bhûnda kala kingûmba, ni uanji uê ni makutu, ua kaiela mu malunda ma ulongelu ua athu, ni mu jindonda ja mu ngongʼumu, o kua Kristu ki kiala-ku.

I Timote 5:8

Maji muthu-phe kia kamba kutambula konda ia ene a mu tokala, kota-kota dingi o dianda diê-muène, muthu muenhó ua ditunu o kuxikana, ua tûndu mu kuiibha, ió kiluua a xikana uala ndenge.

II Timote 4:3

Kuma kuanda kuiza thembu athu ka kà xikana dingi ulongelu uadisanze, mbé o kukaiela jihânji jâ jaiibha. Mokonda-phe dia kuzanzala mu matui, a kà lunjika ndumba dia jimesene ja vondadi iâ, jenda ni ku a tangela ioso ia solo ene kuivua.

Tito 1:11

Enhá-phe a bhingi ku a xita makanu, mukonda akua kujuualesa mabhata ma muvimba, ni kulonga ima ki ia tokala, mukonda ngoho dia kubhindamena nganhu iaxidi ia kitadi.

Tito 3:10

Muthu uala mufundi se ua mu bazela lumoxi ni luiadi, mu ambule.

Jihebeleu 10:29

Abha-phe kia kà bhita kiebhi ni ió ua ditunu o Monʼ a Nzambi, iú ua mono kuila o manhinga ma kikutu kia Nzambi ma mu kolêsa, kima kia ngoho? Kia kà bhita kiebhi ue ni uoso u lokalala o Nzumbi ia kiadi kia Nzambi? Xinganekenu-phe, se o kaxtiku kê ka mu tokala, ka kà soka kiebhi!

I Phetele 1:8

Sumbala Kristu muene kiluua mu mu mona, maji mua mu zola. Sumbala kiki ki mua mu mono, maji mua mu xikana. Kienʼ iki, enu mua sanguluka kiavulu ni ngalasa ki i ẋikina ku tanga, ngalasa iavulu o uuabhelu.

II Phetele 2:3

O mu luimbi luâ lua kitadi ni kuzuela kuâ kua ku di dinga, a kà mi ta uenji. Enhó tunde okulu o kuêla kuâ ki ku kokoloka, o kubuika kuâ ki ku zeka!

I Nzuá 2:26

Imʼiii nga mi sonekena-iu, mukonda dia enhó a mu mesena ku mi jimbidisa.

I Nzuá 4:1

Enu akuetu, nga mi zola, kana kuxikana jinga ku athu oso a tanga kuila ala ni Nzumbi ia Nzambi. Athu kala iá mu a lola jinga phala ku a mona se ni kidi kiene ala ni Nzumbi ia Nzambi, mba kana. Mukonda Jipolofeta ja makutu javulu ja tubhuka mu ngongo.

Juda 1:18

Ene a mi ambela, exi: Mu izuua i sukidilà-ku, hinu kua kà kala jisemenhi jenda ni ku mi bhanga kasekelu, athu enda kioso kia a tumu jihânji jâ ja kubhuma.

Juda 1:4

Kuma sai-ku athu a kambe o kuxikana, a mi zombela mudienu ni ku dʼimbikisa, ene tunde ukulu a a xindi o kuêla, athu abhumu, o kiadi kia Nzambi ietu a ki kitula uhabhu, o Mesene ietu imoxi, ni Ngana Jezú Kristu, a ditunu-nê.

Dijingunuinu 13:14

Anga u nganala ene oso a tungu mu ngongo, mukonda dia iphata iê ia mu bhana kubhanga bhu pholo ia kiama kia dianga. Muène hé u ambela athu oso a tungu mu ngongo, kuila a bhange kitèka kia kiama kia dianga, mbé ende ni kufumanesa o kiamʼokio a mu tele o xibhata ia kùfua anga u iluka.

Dijingunuinu 2:13

Nga ku ijiia bhu ua tungu. Bhene bhuala o kiandu kia Satana. Eie-phe dijina diami ua di jijila, kua ngi di tunu o kixikanu kiami, né mu izuua ia Antipa mbangi iami, fiiele iami, a mu jibhila muʼaxaxe kenu bhenhobho bhua tungu Satana.

Dijingunuinu 2:9

Nga ku ijiia o hadi ié i uene kutala. Ngejiia ue o uadiama ué u uala na-u, maji ni kidi eie uala-phe u mvuama! Ngejiia ni kuxinga kua ió oso ambe exi tu Jijudé, manhi ki Jijudé, maji ene ala kibuka kia tokala Satana!

Dijingunuinu 3:8

Nga ku ijiia ima i uene kubhanga. Ngejiia kuma uala ni kanguzu kofèle. Maji o maka mami ua ma aiuka, o dijina diami kua ditunu-diu. Talesa, nga ku bhana muelu ua jikuka, kana muthu u tena ku u jika.

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.

Dijingunuinu 6:10

Anga ene a di kola ni dízui dia dikota, exi: Katé bhebhi, Muadi tata! Eie Muteni-a-Ioso, u kôla, u mukua kidi! Kumbi kuẋi ki u fundisa athu mu ngongo? Kizuua kiebhi ki ua kà bhana kastiku kua ió a tu jibhile?