II Phetele 1:9 - O Mikanda Ikola

⁹ Uoso-phe imʼiii ia mu kambe, uala kifofo, mba muthu u mona ngó bhua zukama, iú ua di jimbi kuila a mu ixika kiá o ituxi iê iokulu.

II Phetele 1:9 ပူးပေါင်းရင်းမြစ်များ

Ijila 13:55

o nganga-phe kia talela o kizuatu, se ua mono kuma o dibaka dia jiji muene, sumbala a di sukula kiá, ki dia di sanhe maji bhene bhu dia tela bhene, kizuatu kiókio mba kima kiókio jikatesenu-kiu mu túbhia; kia tambula bhute dia kajiki-jiki, né diala ngó mbandu imoxi, mba dia tundidila ku mbandu ia mukuá.

Marku 10:21

Jezú ua muʼixi sui, ua mu zolo. Anga u mu ambela, uixi: Eie kima kimoxi ngo kia ku kambe-ku: Ndé, ka sumbise ioso i uavu, o kitadi u ki uanene jingadiama, mbe u kale ni jimbongo ku diulu; nda uize kiua, u ngi kaiele.

Luka 18:22

Kia kʼivu, Jezú u mu ambela, uixi: Kua ku kambe hanji kima kimoxi: Sumbisa ioso i uala na-iu, o kitadi u ki uanene o jingadiama, phala u kale ni jimbongo mu diulu. Nda uize kiua, u ngi kaiele eme.

Loma 6:11

Kiene kimoxi, enu uenu mu di xinganeka jinga kuma ku ituxi muafu kiá, maji-phe muala ku muenhu phala Nzambi mua Kristu Jezú, Ngana ietu.

Ngalásia 5:13

Kuma enu, jiphange, a mʼ ixanena kukala mu jifôlo. Maji o ku ofôlo uenu ki mu katule-ku maditatu ma kuehela o jihanji ja xitu ku mi tumina, maji muenda ni ku di bhikila mudienu ni henda.

Ngalásia 5:6

Kuma kioso ki tu kala mu umoxi ni Kristu Jezú, ki u kala a ku saie, ki u kala ka ku saie, kiene kioso ki kia kate kima; kia kate-ku o kuxikana ku kalakala ni henda.

Efezo 5:26

Muène ua bhange kiki phala kulumbila o Ngeleja iê kua Nzambi, mu ku i sukula ni menha, ni ku i zelesa ni dibônzo dia maka mê.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

Jihebeleu 9:14

Se phe kienʼ iki kiene, xinganekenu hanji kioso kia soko ukota uê, mba o kutena kua manhinga ma Kristu! Kuma ku Nzumbi iê ia kaiela-ku, ua di bhakula muène-muène kala sata ia tenena kua Nzambi. O manhinga mê ma tu iẋika-phe o itongoluelu ietu, ku ibhangelu ia di fuila, phala tu tene kubhiẋila Nzambi ia muenhu.

I Phetele 3:21

O menha enhó-phe ene a di fuangana ni batizu iala ku mi bhulula mu leluʼidi. O batizu ki kima phala kudisukula o dixidilu dia mukutu, maji polomesa i tu bhanga kua Nzambi, i tunda ku kitongoluelu kia zele kiambote. O kubhuluka kuenhuku kuijiia mu kufukunuka kua Jezú Kristu,

I Nzuá 1:7

Maji, o ki kala-phe tuenda mu mukengeji, kala Nzambi muène kiene mu mukengeji, tu kala ku ukamba mudietu, o manhinga ma Jezú, Monʼê, kala kienda jinga Jezú Kristu.

Dijingunuinu 3:17

Mukonda eie uambe, uixi: Ngi mvuama, nga mono jimbongo, ioso ngala na-iu ki nga bhindamena kima. Maji kua kʼijiia ngó kuila uala u sébhue, ua tate! Uala u ngadiama, u kifuôfo, u mukua tuẋi!