II Phetele 1:8 - O Mikanda Ikola

⁸ Kuma imʼiii se mu kala na-iu, anga i vula, i mi bhangesa ki mu kala ni usonde, ki mu kambe kuima ibundu ia ibhangelu iambote mu kuijiia kua Ngana ietu Jezú Kristu.

II Phetele 1:8 ပူးပေါင်းရင်းမြစ်များ

Jisabhu 19:15

Usonde, u bheka kuia ku kilu kia muioko-ioko; maji o muthu-phe u kamba kututumba ni kukalakala, nzala i mu dia.

Matesu 13:22

A mu kuua mu minha, muenhú uívua maka, maji o luímbi lua mu ngongo-phe ni kusênduka kua jimbongo, kubhaka o maka mu a vundu, anga u tokoka kuima ibundu.

Matesu 20:3

Ku ola ia katatu anga u tunda dingi, u sanga amukuá ala ku di nanga bhu kitanda;

Matesu 20:6

Ku ola ia kakuinhi ni imoxi u tunda, anga u sanga amukuá emana. Anga u a mbela, uixi: Mua di nangenʼahi kumbi diosuʼidi, né ngó kubhanga kima?

Matesu 25:26

Kuala ngana iê-phe: Eie ua bhukumuka, u kilalu kia selevende! Eie ua ngʼijila kuila, bhuma ki nga kuu-bhu, bhene bhu ngi muna, bhuma ki nga phaphe-bhu, bhene bhu ngi bhongolola.

Nzuá 15:2

Thangu ioso iala mo muami, maji i kamba kubhana ibundu, muène u i batula. Maji o thangu ioso i bhana ibundu, u i solala, hé u i zelesa, ni i bete o kubhana.

Nzuá 17:3

O muenhu ki uàbhua uenhú: Kuila oso a ku ijiie eie u Nzambi ia kidi imoxi-èlele, ni kuijiia ue Jézú Kristu, ió ua mu tumu eie.

Nzuá 5:42

Eme nga mono kuma, Nzambi ki mua mu zolo mu kidi moxi dienu.

Loma 12:11

Ki mu kale mu asonde, inda kalakalenu kiasoko. Muenda ni kubhikila Ngana ni muẋima ua fulujuka.

I Kolindo 15:58

Uila kiki, enu phange jami, kolokotenu, ki mu toloke. Mu suine jinge mu kikalakalu kia Ngana, kabasa mua kʼ ijiia kuma Ngana se mua mu talela hadi, o hadi ki i kala ia ngó.

II Kolindo 13:5

Di lodienu enu-enu mba mu kuxikana enu momo. Inga ki mua kʼijiia kuma Kristu u kala moxi dienu? Kukamba kukala moxi dienu, kikale mua sekala.

II Kolindo 8:2

Kuma ene mu ku a lola mu polova ia jihadi javulu. Maji ezala ni ngalasa iâ, o mu uadiama uâ uazongo a bhana kia nzungule mu kubindumuna.

II Kolindo 8:7

Mu ima ioso enu mua londekesa kuila muala kota, o akuenuʼ oso ndenge; ni mu kuxikana, ni mu kuzuela, ni mu kuijiia, ni mu vondadi ioso i muala na-iu ia kukuatekesa akuenu, ni mu henda, i mua tu kala na-iu. O mu kikalakalu kia henda, tuandala ue kuila enu mu kala kota mu kubhanga, o akuenu oso ndenge.

II Kolindo 9:14

Uila kiki, ene uâ mu ku mi sambela a kà ki bhanga ni huii iavulu, mukonda dia henda ionéne ia Nzambi iene ku mi kuatela enu.

Filipe 1:9

Mu musambu uami nga bhingi-phe kiki: Kuma o henda ienu i vule dingi kinéne, mbé mu kale ni kuijiia, mu kale ni kilunji kia tongoloka,

Filipe 2:5

Mu kaxi kenu, kuatenu muẋima iú kala ua kexile na-u Kristu Jezú;

Filipe 3:8

Kidi kiene, ima iosololo ngi i kita kingoho mu ujitu ua kuijiia Kristu Jezú, Ngana iami. O mukonda dia muène, ima i nga kuatele, nga i texi dikanga, ioso ia di boto. Ememuene-phe nga i kiti dixilu, phala ngi nganhale Kristu, nda ngi kondamene kua Muène.

Kolose 1:10

Phala mu kale mù kuenda kioso kiandala Ngana, ni kubhanga jinga ioso ia mu uabhela kiambote muène. Muandù kuima ibundu mu ikalakalu iambote, hé muenda ni kukula mu kuijiia kua Nzambi.

Kolose 2:7

Mu ta jindanji jenu mua muéne, anga mu sabhuka mua muène, mua di sokejeka mienhu ienu mua muène, mua kolo mu kuxikana kuenu, kala kioso kia mi longo na-ku. Hé muizala ue ni ku mu sakidila jinga muène.

Kolose 3:16

O maka ma Kristu ni jimbote jê joso, ma mi tunge kia nzungule moxi dienu, ma mi bhane kilunji. Mu kala mu ku di longa mudienu, ni ku di bhana phangu ni unjimu uoso. Muimba jinga mu jisalamu, ni mikumbi, ni mimbu ioso ia nzumbi. Muimbila jinga Nzambi ni muẋima uezala kisakidilu.

I Tesalonika 3:12

Enu-phe Ngana a mi bandekese, a mi vudisile dingi o henda ienu mudienu ni athu oso. O henda ienu ieneʼ oio i kule dingi kinéne, kala o henda ietu i tua mi kala na-iu.

I Tesalonika 4:1

O kiki, enu jiphange, mua di longo kiá kokuetu kioso ki mua tokala kuenda ni kuuabhela Nzambi. Enʼuenu kiene kiá ki mua mu kuenda. Kala kiki, tua mi bhingi, tua mi longesa dingi mu dijina dia Ngana Jezú, kolokotenu ni ku ki bhanga jinga dingi kiavulu.

II Tesalonika 1:3

Etu tua tokala tu sakidila jinga Nzambi mukonda dienu, enu jiphange! Mukonda kia tu fuama muene ku ki bhanga, kuma o kuxikana kuenu kua mu kula dingi kiengi, ni henda ienu i mua di kuatela mudienu iavulu dingi.

I Timote 5:13

Kua di te dingi kuila a di longa usonde, hé a kuata kunhunga ngó inzu ni inzu. O kia beta dingi kuiibha, o kuila ku usonde ene a ta-ku dingi kabódio, a kala itoka, a zuela ima ki ia tokala.

Tito 3:14

O mundu uetu ue a di longe kubhanga midimu ia mbote, mbebhu o kubhindumuna, phala ene ue ka kambe kukala ni ibundu.

Filemone 1:6

Ngalù bhinga ue Ngana Nzambi phala o kuongama kuetu mu kuxikanʼoko kua tu kutu kumoxi ni eie, kubhekele o kuijidisa dingi kiasoko o mabesá moso mu tuene mu kutambula ku muenhu, mukonda dia kisangela kietu ni Kristu Jezú.

Jihebeleu 6:12

Ki mu kale-phe ni usudi, inda mu fikisa ió oso a xikana, ni muanu uâ, phala mu tambule jipolomesa mu kuxikana Nzambi ni kinhenge.

II Phetele 1:2

O kiadi ki di xale mudienu, ni paze ia nzungule, mu ku dʼijiia ni Nzambi, ni Jezú Ngana ietu.

II Phetele 1:3

Kuma o kutena kua Nzambi kua tu bhana o ima ioso i tua bhindamena, phala tu kale ni muenhu, ni uendelu uambote; a tu bhana-iu mu ku dʼijiia ni muène, ió ua tu ixana phala tu kale ni mbandu ku fuma iê ni mbote iê.

II Phetele 2:20

Kuma athu, se a bhulukile kiá ku maufusa ma mundu iú, mu kuijiia Ngana ietu, Mubhuludi Jezú Kristu, maji o ku pholo ku eza kunu afu dingi mu mibhetu ia ima iene ku mundu, a toloka, eza ditala dia kuxixima kuengi, inda hanji kia diangele kukala.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.