II Phetele 1:5 - O Mikanda Ikola

⁵ Mukonda dia kienhiki, enʼuenu mu ta-ku nguzu ni kukuata muanu uoso, phale ku kuxikana kuenu mu bandekeze-ku o dijinu, o ku dijinu mu bandekeza-ku o kilunji,

II Phetele 1:5 ပူးပေါင်းရင်းမြစ်များ

Jisálamu 119:4

Eie ua tu bhana o phangu ni ndongo phala tu kuate muanu mu ku i aiuka.

Jisabhu 4:23

Ku ioso ia fuama ku langa, langa o muẋima ué, kuma mu muẋima muene muala o dimatekenu dia matundilu moso ma muenhu.

Izaía 55:2

Kitadi kienu mua mu ki zangela-hi ku ima ia ngoho ki kúdia? O ima i tunda mu ikalakalu ia maku menu anga mu i zangela ngoho mu ioio ki i tena kuikutisa? Kuatenu kilunji mu ngʼivue, nda mu die kiauabha, o muenhu uenu u tane ni ima ianete.

Zakadiia 6:15

O ió oso ala ku makanga, a kèza mu ku kuatekesa kutunga Tembulu ia Jihova, enu anga mu kʼijiia kuila Jihova dia Ilombo leta, muene ua ngi tumu kokuenu. Kienhiki kia kà bhita, se enu muividila muene kiambote o dízui dia Nzambi ienu.

Luka 16:26

O kia mukuá dingi, bhu kaxi ketu, ni enu ni etu, bhua bhiti kidikungu kiònéne; oso edi a tunda kunu, aia ku mualʼoko, ka tena, o ió koko, ka tena ue kutunda ku mualʼoko ni eza kunu.

Luka 24:21

Etu-phe tua kexi ku dielela tuixi, Muène kiá ua-ndu bhandulula o mundu uetu ua Izalaiele! Euá, ima ioso iíi, lelu tatu kizuua tunde ki ia bhiti.

Nzuá 6:27

Kana kukalakela o kúdia ku bola, kota o kukalakela kúdia ku nanga katé ku muenhu ki uábhua. Monʼ a Muthu u mi bhana na-ku, mukonda Nzambi Tata ua mu te kidimbu kiê.

I Kolindo 14:20

Jiphange, kana kuxinganeka kala mu anandenge. Mu iaiibha mu kala mu ana auisu, maji-phe mu kuxinganeka mu kala mu adiakimi.

Efezo 5:17

Kana kukala-phe mua tobho, maji mu tongolola ioso o vondadi ia mi mesena Nzambi o kubhanga.

Filipe 1:9

Mu musambu uami nga bhingi-phe kiki: Kuma o henda ienu i vule dingi kinéne, mbé mu kale ni kuijiia, mu kale ni kilunji kia tongoloka,

Filipe 2:12

Uila kiki, enu akuetu, kuma enu mu akua kutumaka jinga, kana ngó bhu pholo iami kioso ki ngi kala-bhu maji mua fuama mu kala dingi kota mu ku ngi tumaka, kiki ki nga tundu-bhu. Mu kieniiki, tutumbenu ni ujitu uoso ni uôma, phala mu mone o kubhuluka.

Filipe 4:8

Mu ku mi bhana-phe o mahezu, jiphange jami, ioso ima ia kidi, ioso ima ia ujitu, ioso o ima iaiuka, ioso o ima iazele, ioso ima iauabha, ioso o ima iene ku i tumbula, se sai-ku uthu, se sai-ku kia kuximana, iene ima i mu xinganeka.

Kolose 1:9

Mukonda dia kiki, etu uetu, tunde kizuua ki tua kʼivu, tua kuata kusamba kua Nzambi sé kufula, ni ku mi bhingila enu. Tua mu bhinga kua Nzambi, phala enu muizale ni kuijiia kua kutongolola o vondadi iê muene, ni unjimu ua kutongoloka koko kuene mú bhana o Nzumbi ia Nzambi.

Kolose 2:3

Kuma ima iambote ia unjimu ni kuijiia i tunda kua Nzambi, iene ioso iosueke mua Kristu. Kristu mué ne o sabhi ijikula ioso.

Jihebeleu 11:6

Muthu-phe ua kambe o kuxikana ka tena kuuabhela Nzambi. Kuma uoso uiza kua Nzambi ki kala u xikana kuila sai-ku Nzambi, kuma muène mukua kubhandulula oso a mu sota ni muanu.

Jihebeleu 12:15

Muila ni ku di langa kiambote, phala mudienu ki mu kale muthu u tokoka o kiadi kia Nzambi. Di langienu, phala ki bhu kale muthu uila kala muxi ua lulu, u sabhuka, ni u mi tatese, hé u sambukisa athu avulu ni ndululu iê ia kulula.

Jihebeleu 6:11

Tuinda enu oso mu idikiza muanu uenʼiú mu kutambula ioso i mua dielela katé mua zubha.

Josuué 7:3

Anga a vutuka kua Josuué, exi: Ki ki bhingi kuia ngó mundu uoso; ku bande ngó midi jiiadi mba jitatu ja makuenze, a soko kubeta Hai, mundu uoso ka a talese ngó hadi ia kuia-ku, kuma kuenhoko a toloʼâ.

I Phetele 3:7

Enu mala ue kiene, akaji enu mu tunga-nâ ni kilunji. Mu bhana muhatu ujitu, kuma muène kitutu kia tolo nguzu. Mbata muène ue mukuenu ua sokela-nê mu kulundula o muenhu Nzambi ua-nda ku mi bhana enu. Se mua kambe ku ki bhanga, misambu ienu i sukamena.

II Phetele 1:10

Uila kiki, enu mu akuetu, phange jami, Sotenu izuua ioso kukala ni muẋima ua kolo mu kuijiia kuma Nzambi kidi kiene, muène ua mʼixana iú ua mi solo. Mbata se kiene ki mu bhanga, ki mua-nda kudibhala dingi.

II Phetele 1:11

Maji mu kubhanga kiki, a kà mi bhana ungana ua kubokona mu Mbanza ixalela, ia ngene ia Ngana ietu. Mubhuludi Jezú Kristu.

II Phetele 3:14

Uila kiki-phe, enu akuetu, nga mi zola, kuma mua kinga o Kizuuʼ okio, kuatenu muanu phala ki mi sange muala ku paze ni Nzambi, sé ngó dixaka, sé kuêla, ku mesu mê.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.