II Phetele 1:16 - O Mikanda Ikola

¹⁶ Kuma etu ki tua kaiela misoso iofunhe ni ndunge ja muthu uoso-uoso, kioso ki tua mi tudila o Njimbu ia unéne ni kuiza kua Ngana ietu, Jezú Kristu. Maji etu tuala tu jimbangi, kuma o unéne uê tua di muena-u ni mesuʼetu!

II Phetele 1:16 ပူးပေါင်းရင်းမြစ်များ

Malakiia 3:2

Maji nanhi ua kà kolokota bhu kizuua kia kuiza kuê? Mba nanhi ua kʼèmana-bhu kioso muene kia kà tukuluka? Mukonda muene ua kà kala mukuâ ni túbhia tua musudi-a-thumba; ua kà di fuangana kala nzabá ia musukudi.

Malakiia 4:5

Talesenu, kuma eme ngi mi tumikisa polofeta Elija, kiosuʼiki kiluua kiza kizuua kiókio kia Dikota, kia Ngana, kizuua ki bheka uôma.

Matesu 16:27

Mbata Monʼa Muthu ua kèza mu kijingu kia Tata iê, kumoxi ni ji-anju jê; Thembuʼoio, kala muthu, ua kà mu vutuila kioso kia tokala mu ikalakalu iê.

Matesu 16:28

Ngi mi ambela kidi, emana bhabha, sai-bhu ni iá ka kà lola kalunga, katé kia kà mona o Monʼa Muthu uala kuiza mu ungana uê.

Matesu 17:1

Kubhita izuua isamanu, Jezú u katula Phetele, ni Tiiaku, ni phangʼiê Nzuá, hé u a bheka ku thala ia mulundu ualebha, kʼubheka uâ.

Matesu 24:27

Mbata mukuâ ni kioso ki teleka nzaji hé i di monekena tunde ku thunda katé ku luiji, kiene ue kia kà kala o kutukuluka kua Monʼa Muthu.

Matesu 24:3

O kia xikama ku mulundu ua Midiva, jixibulu jiza kua muène ubheka uâ, exi: Tu tangele, ima iíi mba ia kà bhita thembu kuxi? Kijimbuete kiê kiahi, kia kutukuluka kué, ni kia dizubhilu dia mundu?

Matesu 28:18

Jezú anga uiza, u a ambela, uixi: O kutena kuoso a ngi bhana-ku eme, ni mu diulu, ni mu ngongo.

Marku 13:26

Kienhókio kiene kia ka mona o Monʼa Muthu iu uiza ku matuta ni kutena kuavulu ni ungana.

Marku 14:62

Jezú uixi: Eme-muene. Enuʼenu oso hadia mua ka mona Monʼa Muthu ua xikama ku madilu ma Nzambi Uatena Ioso, ni kia kejiia ni kutuluka ku matuta ma diulu!

Luka 1:2

Ene a i soneka kala kia tu tangelele na-iu oso a kexile jimbangi tunde ku dimatekenu, anga a kala jiphoxi ja diambu.

Luka 9:43

Ene oso anga a diuana o kutena kua Nzambi. Kiosuʼiki-phe mundu ki ala mù diuana ima ioso ia bhange Jezú, muène uambela, jixibulu jê, uixi;

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Nzuá 17:2

Mbata o Mona ua mu bhana ungana ua kutumina athu oso, phala oso ua mu bhana-nâ, muène a a bhane o muenhu ki uábhua.

Loma 1:4

O mu kuidikiza kuzela kuê kua unzambi, o kufukunuka kuê kuene kua londekesa ni kutena kuonène, kuila Muène muene o Monʼ a Nzambi.

I Kolindo 1:17

Kuma Kristu ka ngi tumikisa mu kubatizala. Maji muène ua ngi tumu kukola o Njimbu iê Iambote, kana ku i kola ni kuzuela kua unjimu ua athu, mbebhu o dikulusu dia Kristu phala ki di biluke dia ngoho.

I Kolindo 1:23

Maji etu-phe tuala mù kola Kristu, muthu ua fuila ku dikulusu, kia bhingi o Njimbu iê phala Jijudé kima kia a xitisa mu thulu phala ió ki Jijudé exi uoua.

I Kolindo 1:7

katé kana-ku dibesá di mua fulu o kutambula, kiosuʼiki mua mu kinga o kutukuluka kua Ngana ietu Jezú Kristu.

I Kolindo 2:1

Eme-phe, jiphange jami, thembu i nga mi sangediʼ oio, mu ku mi kolela o kidi kia kasuekele kia Nzambi, vulu, mba unjimu uònene.

I Kolindo 2:4

O kuzuela mu kulonga kuami-phe, ni njimbu iami i nga boka jinga, ki kua kexile kua maka ma kaiela mu unjimu ua uzuelelu ua athu, maji kua kexile kua maka ma kaiela mu unjimu ua uzuelelu mu uijidisu ni nguzu ia Nzumbi ia Nzambi.

I Kolindo 5:4

Kioso ki mu bhongoloka, nganda kukala ni enu mu nzumbi. Kienhokio, mu nguzu ia Ngana ietu Jezú, uanda kukala ue kuenhoko ni etu kumoxi,

II Kolindo 2:17

Kuma etu ki tua sokela ni athu avulu, a bhinga kuila kia tanga o Maka ma Nzambi ela kala ala ngo mu kuta uenji uâ uosouoso. Maji etu-phe Nzambi muene ua tu katula, kiene kia tu bhekela kuila mù tanga o Maka mê, ki tu zuela ni mangonha bhu mesu mê, kuma tu akalakadi a Kristu.

II Kolindo 4:2

Imbamba ioso-phe ia kubhanga ni kusueka ni ioio ia jisonhi, tua i dila hunji. Ki tu bhange kudimuka, o maka ma Nzambi ki tu a lungulule mu mangonha. Inda tu bhanga jinga ima ia fuama o kidi, kiene kia bhekela o ku tu tumbula kuala enhoso, bhu pholo ia Nzambi.

Efezo 4:14

Uila kiki, kana, ki tu kala dingi tu anandenge, a tu takujula ku mabhuku, ni ku tu xinjijika kuala o kitembu kia ulongelu uengi uiza-ku ua athu akua mangonha. Kuma enʼiâ mu jindunge jâ kala mibhetu, ambata akuâ mu jinjila ja kutexika.

Filipe 3:21

Muène, o mukutu uetu uasebuluka ua kalunga, ua kà u bhana kidifua kiòbhe, phala u di fangane ku mukutu uê Muène ua kubenha, kabasa o kutena kuê kuala na-ku, kuasoko mú tolola ima ioso ni i mu belesela muène.

I Tesalonika 2:19

Kuma kudielela kuetu kuahi kuene, mba ngalasa ietu iebhi, mba dibete dioso di tu ta bhu pholo ia Ngana jezú, bhuoso hinu bhua kà tukulukila, manhi ki enʼuenu ngó?

II Tesalonika 2:9

Kuma o Kisueia iuná, o ku dʼidikisa kuê, kuenda ni kukalakala kuoso kua Satana, ni nguzu ioso ni iphata ni madiuanu ma makutu.

I Timote 1:4

Athu enhá a tangele kuila, kana kukaiela ue mísoso, ni jingo ja vumu ki ji moneka bhu ja suku, ji bheka ngó jiphata, ki ji bheka kudibanda mu kuxikana kuala mua Nzambi.

I Timote 4:7

Misoso ia ulalu-phe, ia akua mundu, ditune jinge-iu kuma ni ku i tanga ngó ki ia fuama. Inda-xi sota jinga kudilonga o ima ia nzumbi, u mone ki uia ku pholo mu kuxila Nzambi.

Tito 1:14

Ka landukile maka ma Jijudé ma kusabhula, ni ima ia a tuma ku athu ala kuila o kidi a ki baluka.

II Phetele 2:3

O mu luimbi luâ lua kitadi ni kuzuela kuâ kua ku di dinga, a kà mi ta uenji. Enhó tunde okulu o kuêla kuâ ki ku kokoloka, o kubuika kuâ ki ku zeka!

I Nzuá 4:14

Etu tua ki mono, tua ki kundila ue akuetu kuila, Nzambi ua tumikisa Monʼê mu kukala Kibhamuenhu kia mundu.

Juda 1:14

Enoko, muène sambuadi mu ku di vuala tundé kua Adá, ua a tange enʼ iâ mu upolofeta tundé mu ukulu munhá, uixi: Talesenu! Ngana hádia uiza ni makuinhi a jimidi ja akunjiʼê a ngene,

Dijingunuinu 1:7

Talesenu, muène hinu uiza ku matuta! Ene oso a ka mu mona mesu, katé ni ió oso a mu kubuile. Miji ioso mu ngongo ia kà dila jingololo mukonda diê. Kiene muene. Amén!