II Phetele 1:13 - O Mikanda Ikola

¹³ Nga ki mono kuila kia tokala, kioso ki ngala hanji ku muenhu iú o ku mi vunza jinga ni ku mi lembalesa o imʼiii.

II Phetele 1:13 ပူးပေါင်းရင်းမြစ်များ

Izaía 38:12

O thembu iami ia kulaia ia ngi bhu, a ngi sondolola-iu muene mukuâ ni kia sondolola o muionga ua kafunga. O muenhu uami nga u batula kala mutungi-a-thanga kia batula o lungoji lua fio iê; muene u ngi batula mukuâ ni ua ngi batula ku mulongo ua thanga; uandekela mu kimene, o kutula mu ngoloxi ua ngi zubha.

Ajeu 1:14

Jihova anga u phaphumuna o muẋima ua Zolobabele monʼa Selatiiele, nguvulu ia Juda, ni muẋima ua Josuué, monʼa Jozadake, nganga ia dikota, ni muẋima ua mundu uoso, anga eza a kalakala ku inzu ia Jihova dia Ifuẋi, Nzambi iâ.

II Kolindo 5:8

Tua suina dingi kiengi, kieju tu uabhela kuila tueha kutunga mu mukutu iú, anga tuia mu kutunga ni Ngana.

Filipe 1:7

Enu mua ngi kala ku muẋima izuua ioso! Nga fika kia ngi tokala muene ku mi xinganeka kieniiki enu oso, mukonda ni ku malubhambu, ni mu kuzokela o Njimbu Iambote, ni mu ku ijidisa kia fuama, enu oso mua nomona ni eme ku kiadi kia ujitu iú ua ngi bhana Nzambi.

Filipe 3:10

Mukonda ngendi ngó kuila Kristu ngi mu ijiia muene, ni nguzu ia kufukunuka kuê, ni ngi kale mu kisangela kia jihadi jê, ngende ni kudifangana-nê mu kufua kuê;

II Timote 1:6

Mukonda dia kiki, kiene ki nga ku lembalesa, phala u ende ni kuvunza uhete ió moxi dié, ua ku bhana Nzambi mu ku ku tula makuʼami ku thandu phala ku ku lumbila mu kikalakalu kia Ngana. Eie-phe tema-bhu u bhane mulengu.

Jihebeleu 13:3

Lembalalenu oso ala ku malubhambu, kala enu uenu a mi kuikila-nâ kumoxi. Lembalalenu oso ala ku tala hadi, kala enu uenu mualù tala-nâ hadi kumoxi.

II Phetele 1:12

Mukonda dia kienhiki, ki nga-nda kueha o ku mi lembalesa jinga imʼiii, sumbala muaʼijiia, enu mua kolo kiá mu kidi ki mua tambula.

II Phetele 1:14

Kuma nga kʼijiia kuila kindala kuanda ku ngi bhinga kuzula o mukutu iú ua kalunga, uila kia ngʼidikiza-kiu ni kulomboloka kuoso, kuala Ngana ietu, Jezú Kristu.

II Phetele 3:1

Enu akuetu, nga mi zola, uenhú mukanda ua kaiadi kiá u nga mi sonekena. O mu mikanda iiadi ioso nga mi vunza ixinganeku ia miẋima ienu ia kambe kádia, phala ku mi lembalesa jinga ima ienhiʼii.