II Phetele 1:11 - O Mikanda Ikola

¹¹ Maji mu kubhanga kiki, a kà mi bhana ungana ua kubokona mu Mbanza ixalela, ia ngene ia Ngana ietu. Mubhuludi Jezú Kristu.

II Phetele 1:11 ပူးပေါင်းရင်းမြစ်များ

Jisálamu 145:13

Utuminu ué, utuminu uanangenena, o ukota ué u xalela ni ku miji ioso.

Jisálamu 36:8

Musonhi ué-eie, u ikuta ni kúdia kua nete; sai ngiji ia jimbote jé, ku u a bhana kúnua.

Mukumbi ua Mikumbi 5:1

Nga bokona kiá mu kadíbhia kami, phangʼiami ia muhatu, bhànga diami! Nga munu uasu uami ua sumuna ni ima iami ia mazumba; nga katula kixila kiami, eme nga ki di ni uiki; o vinhu iami nga i nu ni lete. Dienu, nuenu, enu mu makamba mami! Enu nga mi zola kiavulu, nuenu muene kioso ki mua tena!

Izaía 35:2

Dia kà tulula muene kiavulu, di sanguluka ni kutana kuonéne, dia kà tumbujuka ni ngalasa; a mu bhe kijingo kia Libano, ni makembu ma Kalamelu ni Salone; ene a kà mona o fuma ia Jihova, kioso kiene o unéne ni kujinga kua Nzambi ietu.

Izaía 9:7

O kukula kua ulamba uenhú, ki kuene mbambe; o kutululuka kuê ki kuene kúbhua; ua tulama bhu kiandu kia Davidi ni ku usobha uê, phala ku u kuatesa bhu kididi, ni ku u fikidila mu kutetuluka ni mu uiukilu, tunde kiki katé ku hádia ni hádia; o muanu ua Jihova dia Ilômbo Ieta uene ua-nda ku bhanga kienhiki.

Daniiele 7:14

Anga a mu bhana o kutumina, ni kijingo, ni ungana, phala miji ioso, ni ifuẋi, ni madimi moso ende ni ku mu bhikila muene. O kutumina kuê kua miaka, ku kuene dizubhilu, o ungana uê uene ngó, ka tena ku u bhuisa-ku.

Daniiele 7:27

O utuminu-phe ni ungana, ni ulâmba ua ma-usobha moso, mene bhoxi dia diuluʼabha, a kà u bhakuila o athuʼê angene a Ió ua Suka-ku ku Ukota; o utuminu uâ ene-phe ua kà nangenena, ma-utuminu moso ma kà a bhikila ene, ni ku a beleselela.

Matesu 25:34

Muenexi anga uà kʼambela iá ala ku dilu diê, uixi: Zenu a mi zediuisa kuala Tata iami! Zenu mu lundule o Ungana, a mi iudikila na-u kuala Tata iami tunde ku dimatekenu dia ʼxi.

Nzuá 10:10

O muíi uiza ngó mu kunhana, ni kujibha, ni kumuanga. Maji eme ngeza, phala o jimbudi ji kale ni muenhu, ji bhanduluke kiavulu.

Loma 2:4

Inga eie ua mu tobhesa o jinzungule ja kulenduka, ni kudixibha, ni kuxididika kua Nzambi? Eie ua kʼ ijiia kiambote kuma o Nzambi ua lenduka, ni kuila muène ua mesena ku ku sunga mu kudiela.

I Kolindo 15:24

Kiene kiua kià kèza o dizubhilu. Kristu hinu ua kà zubha-ku o mautuminu oso a nzumbi, ni maungana moso, ni nguzu joso, hé ungana uoso ua kà u bhakuila Nzambi, muène Tata.

II Kolindo 5:1

Mukonda tua kʼijiia kuila kioso kia-nda kubudika o fundu iii mu tua tungu, uene o mukutu uetu mu ngongo mumu, Nzambi ku diulu hinu ua kà tu bhana inzu mu tu tunga. Inzuʼoio-phe a i tungu kuala Nzambi muene, i xalela-ku kiá katé ku hadia ni hadia.

Efezo 3:20

Kiki o Nzambi muenʼió ua soko-bhu kubhanga ioso i tua tena o kubhinga, ni ioso i tua tena o kubanza, nʼa te-ku dingi kiatundu kiavulu, mu nguzu iê i tu kalakala moxi,

I Timote 6:17

Oso ala jimvuama mu ngongʼumu, a tendelele, ka di kake, ka dielele o jimbongo ja makutuʼiji, ki ji tena kubhandulula kima. Maji a dielele Nzambi, Ió ua tena ku tu bhana kumona kia nzungule o ima ioso ia kuzediua phala o mbote ietu.

II Timote 4:18

Ngana hanji u ngi kudila ku phulu ioso i ambe ku ngi bhanga, hé u ngi bhulula katé ku Mbanza iê ia diulu. O fuma ioso i kale ia Muène katé ku hádia ni hádia. Amén.

II Timote 4:8

Tundé kiki, kua ngi xikamena kiá kitundu kia kuiuka, Ngana, o Mufundixi uaiuka, ua kà ngi bhana-kiu bhu kizuua kiná; ki eme ngó a ngi bhana, maji ni ene oso kiá a zola o ku di mona mi Muène kià kèza.

Jihebeleu 6:17

Uila kiki, Nzambi kia mesenene o ibhinganu ia polomesa iê u a zubha phata, kuila o kizuelu, kiê ki kiene dingi kulueza, ua bhitisa-bhu muloko. Mukonda dia kiki, ku thandu dia muloko, ua bhana o polomesa.

II Phetele 1:1

Eme Ximá Phetele, ngi mubhika, ngi Poxolo ia ngene ia Jezú Kristu. Nga sonekena akuetu, a mono ue kuxikana kua sokela ni kuetu mu ujitu, a ku muena mu kuiuka kua Nzambi ietu, ni Mubhuludi Jezú Kristu.

II Phetele 1:5

Mukonda dia kienhiki, enʼuenu mu ta-ku nguzu ni kukuata muanu uoso, phale ku kuxikana kuenu mu bandekeze-ku o dijinu, o ku dijinu mu bandekeza-ku o kilunji,

II Phetele 2:20

Kuma athu, se a bhulukile kiá ku maufusa ma mundu iú, mu kuijiia Ngana ietu, Mubhuludi Jezú Kristu, maji o ku pholo ku eza kunu afu dingi mu mibhetu ia ima iene ku mundu, a toloka, eza ditala dia kuxixima kuengi, inda hanji kia diangele kukala.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.

Dijingunuinu 3:21

Uoso u tolola, ngi mu bhana o kuxikama nʼeme bhu kiandu kiami, uila eme ki nga tolola, eme nga xikama ni Tata iami bhu kiandu kiê.

Dijingunuinu 5:10

Eie ua a bhake ku usobha ni unganga ua Nzambi ietu, ene hinu à kala mù tumina mu ngongo.