II Phetele 1:10 - O Mikanda Ikola

¹⁰ Uila kiki, enu mu akuetu, phange jami, Sotenu izuua ioso kukala ni muẋima ua kolo mu kuijiia kuma Nzambi kidi kiene, muène ua mʼixana iú ua mi solo. Mbata se kiene ki mu bhanga, ki mua-nda kudibhala dingi.

II Phetele 1:10 ပူးပေါင်းရင်းမြစ်များ

Jisálamu 112:6

Muthu ió uemana kididi, ka mu lundumuna; u xia dijina, a mu lembalala jinga o kuiuka kuê.

Jisálamu 121:3

Ka ku ehela kinama kié kuẋangumuka; Ió uene mu ku ku langa, kʼàia dingi ku kilu.

Jisálamu 15:5

ka bhana kitadi mu kutambula avasu, ka xikina kitadi kia kúdia mangonha. Uoso u bhanga ima iii, uemana kididi, ka mu lundumuna.

Jisálamu 37:24

Né ua di bhale, ka di bhalelà-ku; kuma Jihova u mu kuata ni lukuaku luê.

Jisálamu 62:2

Nzambi muene ngó o ditadi diami di ngi bhana muenhu; kua muene ku nga kondamena, ka ngi zambesa kiavulu, kana!

Jisálamu 62:6

Muene ngó o ditadi diami di ngi lengela; muene kubhuluka kuami; kua muene ku nga kondamena, ka ngi zambesa, kana!

Izaía 56:2

Uazediua o muthu uoso u bhanga kiki, ni monʼa muthu uoso u ki ta lukuaku; uoso u di langa phala ka fukuile o kizuua kia sabhalu, anga u langa o lukuaku luê phala kà bhange kima kiaiibha.

Mikeia 7:8

Eie kana kusanguluka, nguma iami, ki u mona nga di-bhale, kuma né nga di bhale, hádia ngi balumuka dingi. O kioso ki ngiza kitombe, Ngana ua kà kala mukengeji uami.

Matesu 22:14

Mbata avulu a exana; atolo a a tungula.

Loma 11:29

Kuma Nzambi kene kualuluka mu ubanzelu uê, ku mbandu ia ió uoso a mu sola kuala muène anga u mu zediuisa.

II Timote 2:19

Maji o dimanenu dia te Nzambi-phe hanji dia kolo, ki di tunguta. O ku dimikinu dienhidi dia te Nzambi, a soneka-ku exi: Ngana uejiia oso a mu tokala. Exi dingi: Muthu uoso u amba kuila ua tokala Ngana, ki bhinga ituxi u i ambula.

Jihebeleu 6:11

Tuinda enu oso mu idikiza muanu uenʼiú mu kutambula ioso i mua dielela katé mua zubha.

Jihebeleu 6:19

Kudielela kua kidi, ku kuatesa mienhu ietu mukua ni ombua ia naviiu. Kuene kua kuata, kua kolo, ku bhixila katé kuema dia kibatulu kia tembulu mu diulu, anga ku bhita katé moxi dia kididi kikôla.

Tiiaku 2:10

Kuma uoso u aiuka o Kitumu kioso, hé u di bhukana-ku ngó diba dimoxi, Kitumu kioso ua ki tondala.

Josuué 7:3

Anga a vutuka kua Josuué, exi: Ki ki bhingi kuia ngó mundu uoso; ku bande ngó midi jiiadi mba jitatu ja makuenze, a soko kubeta Hai, mundu uoso ka a talese ngó hadi ia kuia-ku, kuma kuenhoko a toloʼâ.

I Phetele 1:2

Enu oso a mi sola kuala Nzambi Tata mu kuijiia kuê kua ima ia kèza-ku, a mi bhana o kuzela kua muẋima kua kalakala o Nzumbi iê, phala ku mi longa o kutumaka Jezú Kristu, ni ku mi sangela o manhinga mê. O kiadi ki di xale dingi kiavulu mudienu, kumoxi ni kutululuka kua Nzambi.

I Phetele 1:5

O mabesá enʼiâ phala enu oso mu kutena kua Nzambi, a mi lange mu kuxikana, ni mu kukinga o kubhulukʼ oko kua-ndù tukuluka mu kithangana kia kà suka-ku.

II Phetele 1:3

Kuma o kutena kua Nzambi kua tu bhana o ima ioso i tua bhindamena, phala tu kale ni muenhu, ni uendelu uambote; a tu bhana-iu mu ku dʼijiia ni muène, ió ua tu ixana phala tu kale ni mbandu ku fuma iê ni mbote iê.

II Phetele 1:5

Mukonda dia kienhiki, enʼuenu mu ta-ku nguzu ni kukuata muanu uoso, phale ku kuxikana kuenu mu bandekeze-ku o dijinu, o ku dijinu mu bandekeza-ku o kilunji,

II Phetele 3:14

Uila kiki-phe, enu akuetu, nga mi zola, kuma mua kinga o Kizuuʼ okio, kuatenu muanu phala ki mi sange muala ku paze ni Nzambi, sé ngó dixaka, sé kuêla, ku mesu mê.

II Phetele 3:17

Enu-phe akuetu nga mi zola, imʼ iii mua dianga kiá ku ijiia. Kala kiki, dimukinenu o makutu ma athu abhukumuka, phala ki ma mi bhitule, anga mu di bhala bhu ditala dia kolo bhu muemana.

Juda 1:24

O kiki Nzambi ió ua tena ku mi fudisa ku-di-bhukana ni mu di bhale, ua tena ku mi bhixidisa bhu pholo ia kubenha kuê ni kusanguluka, sé ngó kisemu,

Dijingunuinu 22:14

Azediua oso a sukula izuatu iâ, phala a mone disesa dia kubhiẋila ni kúdia ku kibundu kia muxi ua muenhu, ni kutena kubokuena bhu mielu iê katé mu mbanza.