II Nzuá 1:2 - O Mikanda Ikola

² Kia mi bhangesa o ku mi zola, o kidi kia tunga moxi dienu, ki tuandú xala jinga na-kiu katé ku hádia ni hádia.

II Nzuá 1:2 ပူးပေါင်းရင်းမြစ်များ

Nzuá 14:16

Eme nga kà bhinga Tata, muène u mi bhana Mukuatekexi ua mukuá, u xalela-ku kiá, ka kà mi xa dingi. Muène o Nzumbi Ikôla.

Nzuá 15:7

Se mua xala mo muami, o maka mami ni ma xala mo muenu, bhingenu ioso i mua mesena, a mi bhana-iu.

I Kolindo 9:23

Ima ioso iii ngi i bhanga mukonda dia Njimbu Iambote, phala ngi tambule ku mbote iê kumoxi ni akuetu.

II Kolindo 4:5

Kuma, etu ki tua di kola etu ene, maji tua kola Kristu Jezú kuma muene Ngana, o etuku tuala tu abhikʼenu mukonda dia Jezú.

Kolose 3:16

O maka ma Kristu ni jimbote jê joso, ma mi tunge kia nzungule moxi dienu, ma mi bhane kilunji. Mu kala mu ku di longa mudienu, ni ku di bhana phangu ni unjimu uoso. Muimba jinga mu jisalamu, ni mikumbi, ni mimbu ioso ia nzumbi. Muimbila jinga Nzambi ni muẋima uezala kisakidilu.

II Timote 1:5

Kuma nga lembalala o kuxikana kuala moxi dié, kua kidi, ki kua ku di bhangesa; kuene kiá kua tungile mua kukuʼenu Loue, ni mamʼenu Unise. O kiki nga mono ue kuma kuene kumoxi ni kua tungu momué.

II Phetele 1:12

Mukonda dia kienhiki, ki nga-nda kueha o ku mi lembalesa jinga imʼiii, sumbala muaʼijiia, enu mua kolo kiá mu kidi ki mua tambula.

I Nzuá 1:8

Se tuedi tuixi ki tu moneka ituxi, tua di nganala etuene, o moxi dietu ki muala kidi.

I Nzuá 2:14

Nga mi sonekena, enu tuana, mukonda o Tata mua mu ijiia. Nga mi sonekena, enu jitata, mukonda ió ua kalèla-ku tunde ku dimatekenu dia mundu mua mu ijiia. Nga mi sonekena, enu minzangala, mukonda mua suina. Mbata o maka ma Nzambi ma tungu moxi dienu, o Diabhu ió mukua kutondalesa, mua mu tolola.

I Nzuá 2:17

O mundu-phe u buila, ni ima iê ioso iene mu kuinda athu. Maji uoso-phe u bhanga o vondadi ia Nzambi, ió muène o muthu u nangenena.