II Nzuá 1:12 - O Mikanda Ikola

¹² Ngala ni maka mavulu ma ku mi tangela, maji ku a ta ku phaphela ni tinda-phe, ki kiene ki nga mesena. Mukonda ngandala kuila hinu ngi mi sanga, ni tu di kunde pholo ni pholo, phala ngalasa ietu i tenene.

II Nzuá 1:12 ပူးပေါင်းရင်းမြစ်များ

Dialuilu 12:8

Muene ngi zuela-nê kanu ni kanu, ki jimbuluka muene, ki ki kala ngó mu ifika; kidifua kia Jihova u ki mona; enu-phe mua kambela-hi uoma ua kuâmba mubhikʼami, kuamba Mozé?

Nzuá 15:11

Nga mi ambela imʼiíi, phala o kusanguluka kuami ku kale moxi dienu, o kusanguluka kuenu ku tenene.

Nzuá 16:12

Ngala hanji ni ima iavulu ia ku mi ambela, maji enu-phe ki mu tena luua ku ívua.

Nzuá 16:24

Katé ni kiki, ki mu kexi mu kubhinga luua kima mu dijina diami. Bhingenu kiá nda mu tambule, o kutana kuenu ni kuvule kutenena.

Nzuá 17:13

Kiki-phe ngiza kiá ko kué. Maji imʼiíi-phe nga i zuelela mu ngongo phala o ngalasa iami ni i tenene moxi dia miẋima iâ.

Nzuá 3:29

Mu ukaza, uoso uala ni dibhanga, muène nga-iala. Dikamba-phe dia ngaiala, ua mu imanena ngó ni ku mu ívua, u sanguluka kiavulu, mukonda dia kuívua dízui dia nga-iala. Eme uami ki ngʼ ívua ioso ia-lu bhita, kuene o kuzediua kuami, kua ngi soko.

Loma 15:24

nga kinga ku ki bhanga kiá kindala. Kioso ki ngenda njila iami ia kuia ku Xipânha, nga mesena ngi mi mona mu kubhita, enu ue phala mu ngi xinjikile mu kuia koko, ki ngi mona kuila o vondadi ia ngi sosoloka kiá ia ku di mona ni enu.

II Timote 1:4

Nga mu kuinda ku ku mona kioso ki ngi xinganeka o masoxi mé, phala kioso ki ngi ku mona, ngʼizale ni ngalasa.

Filemone 1:22

Kiosuʼiki-phe ngi iudikile kizalu, kuma nga fika Nzambi mù kuivua o kusamba kuenu nganda kujituka, phala ni ngi mi sange koko.

Jihebeleu 13:19

Nga mi bhingi, ku ngi sambela kiavulu, phala Nzambi a ngi vutule kindala ku mi sanga ku mualʼoko.

Jihebeleu 13:23

Ijiienu-kiu kuila o phange ietu Timote ua jituka kiá muʼaleia. Se muene nʼeza kindala kunu, ngʼila-nê kumoxi mu ku mi kunda.

I Nzuá 1:4

Imʼiii tua mi sonekena-iu, phala tu kale ni kusanguluka kua tenena.

III Nzuá 1:10

Kienʼ iki, se ngaii-ku, nga kà mu lembalesa o ima iê ioso iene mù bhanga, ni kusabhula kuê kua phulu, kua ku tu balukila etu, ni makutu ene mù tanga. O kieniokio-phe ngó, ki kia mu soko, maji uate-ku dingi o kudituna kutambulula jiphange joso jiia koko. Se bhu kata muthu uambe ku a tambulula, muène ka ki ehela; o muenʼ ió u mu kaia mu Ngeleja!