II Nzuá 1:1 - O Mikanda Ikola

¹ Eme kikulakaji kia Ngeleja, nga sonekana Nga Muhatu, monʼ a ngene, ni anʼê nga a zola mu kidi. Ki eme ngó ubheka uami, maji ni ene oso, ejiia ue o kidi, a mi zola muène.

II Nzuá 1:1 ပူးပေါင်းရင်းမြစ်များ

Luka 1:3

Eme uami ki nga zubha ku ibhudisa kiambote tunde ku ia tundile, ngandala, Eselênsia diê Na Tiiófilo, ku ku sonekena na-iu mu kimoxi kimoxi,

Nzuá 8:32

o kidi mua-nda ku kʼijiia, o kidi anga ki mi bhana ufolo.

Jipoxolo 11:30

Anga a ki bhanga, o kitadi a ki tumikisa adiakimi a Ngeleja; ki endela ku maku ma Saúlu ni Barnabé.

Loma 16:13

Menekenenu Lufu, mukalakadi ua dikota mua Ngana, ni manhʼ â, eme uami ngi mu ila manhʼ etu, mukonda uene ku ngi bhanga kiambote kala ngi monʼ ê.

Ngalásia 2:14

Eme-phe ki nga mono kuma kala kuenda kia iuka kala kia fuama mu kidi kia Njimbu Iambote, ngʼambelele Phetele bhu pholo ia ene oso, ngixi: Eie uala u Judé, se ua tambulula kiá kikexilu kia umatumbu, o kia ujudé kana dingi, phala-hi u bhinjika dingi o matumbu kukuata ujudé?

Ngalásia 2:5

Enʼió-phe ki tua ẋikinine ku a enzela, mba ku a tolokela, né bhofele ngó, mbebhu o kidi kia Njimbu Iambote ki xale mu ʼaxaxe kenu.

Ngalásia 3:1

Mu akua Ngalásia, tata, o kutobha! Nanhi ua mi bhuiika? Mu athu a mʼidikisile Kristu ni kulomboloka kuoso kala ku mesu enu muene kua mu tela ku dikulusu!

Ngalásia 5:7

Enu mua kexi mù kuenda kiambote! Nanhi ua mi fudisa, phala o kidi mu kambe ku di tuma na-kiu?

Kolose 1:5

Kioso o ngolokela ia kidi, ia Njimbu Iambote, ki ia bhixila lua dianga kokuenu, kienhokio kiene ki muevua ue ku mi zuelela o kudielelʼ oko kuijiia ku Ngimbu Iambote. Kala kiki, o henda ni kuxikana ku muala na-ku kua tundu mu kidielelu kiokio ki muala na-kiu, kia kudielela ima ioio ia mi lundila mu diulu.

I Timote 2:4

Muène mukua kumesena kuila athu oso a bhuluke, eze mu kuijiia o kidi.

Jihebeleu 10:26

Mbata se o ituxi tu tona ku i ta ku luelu, ku thandu dia ku tu ijidisa o kidi, sata ia tokala ituxi ia xala-ku, ki i moneka dingi.

I Phetele 1:2

Enu oso a mi sola kuala Nzambi Tata mu kuijiia kuê kua ima ia kèza-ku, a mi bhana o kuzela kua muẋima kua kalakala o Nzumbi iê, phala ku mi longa o kutumaka Jezú Kristu, ni ku mi sangela o manhinga mê. O kiadi ki di xale dingi kiavulu mudienu, kumoxi ni kutululuka kua Nzambi.

I Phetele 5:1

Kiki-phe adikime mudienu nga a longesa, ngi muadikime ua Ngeleja ni mukuâ. Kuma ngi mbangi ia jiphaxi ja Kristu, ngi muthu nga tokala ue mu fuma ia kà tukuluka.

I Phetele 5:13

O Ngeleja kunu ku Babilonha, iòsole ue kua Nzambi kumoxi ni enʼuenu, ia mi menekena. Ni monʼami Marku ua mi menekena.

I Nzuá 2:21

Uila kiki, eme ki nga mi sonekena mukonda mua kambe kuijiia o kidi, maji mukonda o kidi mua kʼijiia, enu muejiia ue kuila kana-ku makutu ejiia ku kidi.

I Nzuá 3:18

Enu, tata, tuana tuami! O henda ietu i tu di zola na-iu, ki i kale ia maka ngó mu kuzuela mba izuelu ia hatu i tunga ngó bhu dimi. Maji ia fuama i kala henda ia kidi, i di londekeza jinga mu ima ioso i tu bhanga.

II Nzuá 1:13

O anʼ a phangʼié ia muhatu, monʼ a ngene, a mu sola kuala Nzambi, a tumu ku ku menekena. Mahezu.

II Nzuá 1:5

Kikiphe, nga ku bhingi, Ndona, kuila tu di zole mudietu. Kana kala nga ku sonekena kijila kiʼobhe, maji kiene kiá ki tuene na-kiu tunde ku dimatekenu, kia ku di zola mudietu.

III Nzuá 1:1

Eme kikulakaji kia Ngeleja, nga sonekena mukuetu Ngaio, kamba diami, nga mu zola mu kidi.