II Malunda 9:8 - O Mikanda Ikola

⁸ Jihova dia Nzambi ié, a tane-ku! Ua ku uabhela eie, phala ku ku tula ku usobha bhu kiandu kiê, nda u kalele Jihova dia Nzambi ié; kuma Jihova dia Nzambi ié ua zola Izalaiele, phala ku mu tungisa ku mivu ni mivu sé dizubhilu; iu ua ku bhange eie kukala u sobha iâ, mbé o ku a fundisa ni ku a batuila milonga mu kidi.

II Malunda 9:8 ပူးပေါင်းရင်းမြစ်များ

II Samuuele 23:3

Nzambi ia Izalaiele ua zuela ditadi dia Izalaiele muene ua ngʼambela: muthu u tumina athu mu uiukilu uê, ió u tumina mu uoma ua Nzambi,

II Samuuele 8:15

Davidi anga u kala mu tumina Izalaiele ioso; Davidi u batula milonga, u kumbidisa o kidi muʼaxaxi ka mundu uê uoso.

I Jisobha 10:9

Jihova, Nzambi ié, ataneku! Ió ua ku uabhela eie, iu ua ku solo phala ku ku tula ku kiandu kia Izalaiele; mukonda Ngana ua zola Izalaiele ni ku hádia ni hádia, kiene kia mubhangesa ku ku bhanga sobha, nda u bhange kia mu uabhela muene ni kubatula milonga ni kuiuka.

I Jisobha 3:28

Izalaiele ioso anga evua o kubatula kuku kua batula muenexi, anga a kala ni uoma ua muenexi; kuma a mu mono ni kuijiia kua Nzambi kuala naku, mu kutungula ni kubatula o kidi.

I Malunda 17:22

Eie ua tumbika o mundu ué ua Izalaiele phala ku kala mundu ué, katé ku hádia ni hádia, eie, Ngana, eie uadibhange u Nzambi iâ.

I Malunda 28:5

O ku anʼ ami oso, (kuma Jihova ua ngi bhana ana avulu), Muène ua solo-bho monʼ ami Solomá phala nʼ a xikame ku kiandu kia Utuminu ua Jihova ku thandu dia Izalaiele.

I Malunda 29:10

Mukonda dia kiki, Davidi kia mu bhekela kuximana Nzambi bhu pholo ia kionge kioso, uixi: Tana-ku, eie u Jihova Nzambi ia tatʼ etu Jakobo, ku mivu ni minginda!

I Malunda 29:20

Bhenhobho Davidi uambela o kionge kioso, uixi: Kindala, Ximanenu Jihova Nzambi ienu. Bhenhobho o kionge kioso anga ki ximana Jihova Nza mbi ia jitata jâ, hé a bhetama, a fukama bhu pholo ia Jihova ni bhu pholo ia Sobha.

I Malunda 29:23

Kie nhiki Solomá anga u xikama ku kiandu kia Jihova mu kukala sobha, bhu kididi kia tatʼâ Davidi, anga u zediua; o akua Izalaiele oso a mu tumaka.

II Malunda 13:8

O kiki hanji mua te muẋima ua kuhandamena kúlua ni utuminu ua Jihova, uala bhu maku ma anʼa Davidi; kiene muene, enu muala mu kifuẋi kia dikota, o tungombe tua ulu tua mi bhangela Jelobouamu, ni tu kale jinzambi jenu, muala na-tu.

II Malunda 2:10

Tala-phe, o ngunza jé akua kukoka, a koka o miẋi, nga-nda ku a bhana makuinhi aiadi a midi ia isudi ia tidiku iòsuange, ni makuinhi aiadi a midi ia isudi ia sevada, ni makuinhi aiadi a midi ia itabhu ia vinhu ni makuinhi aiadi a midi ia itabhu ia maji.

II Malunda 2:11

O Hilamu, sobha ia Tilu, mu kuvutula u soneka anga uambela Solomá, uexi: Mukonda Jihova ua zola o mundu uê, ua a tela-ku eie ku usobha.

II Malunda 9:7

Azediua o athuʼé; azediua abhikʼé iá, ala izuua ioso bhu pholo ié, anga aia ni kuivua o unjimu ué!

II Malunda 9:9

Anga u bhana kua sobha hama ni makuinhi aiadi a jitalendu ja ulu, ni ima iate kiavulu ua i bhana ni kusukumuna kuoso, ni jiphelu ja nzaji; o ima iate kiavulu, ia bhana sobha ia Saba, ia muhatu, kua sobha Solomá, ima kiluua a i muene kala ioio.

Jisálamu 18:19

Ua ngi bheka ue kididi kiadisanze; ua ngi kudidla, mukonda nga mu uabhela.

Jisálamu 22:8

Ua di fiiala Jihova, kiki a mu kudile-phe; a mu bhulule, kuma muthu uê ua mu uabhela kiambote.

Jisálamu 72:2

Phala muene a fundise o mundu ué ni utuminu ua kidi, a batule kiambote o milonga ia jingadiama.

Jisálamu 99:4

Eie, ku ungana ué, uinda kufundisa kuambote; o ixi iasekalele, eie ua i fukula dingi kiengi; eie kufundisa kué mua Jakobo, kua kidi ni kutetuluka:

Jisabhu 21:3

Kubatula o milonga mu kidi ni kufundisa athu sè katungu, kia beta ku uabhela Jihova, ku mu bhakuila jisata, ndenge.

Jisabhu 29:4

Sobha, kufikidila oxi, kale u kaiela ubatuilu ua kidi; maji o kamba dia maujitu a madiminhinu, usendumuna oxi.

Izaía 42:1

Talesenu, selevende iami iú, nga mu fikidila eme, muthu uami nga mu solo, ua ngi uabhela ku muẋima; Nzumbi iami nga i te ku thandu diê; muene ua kà fundisa mu kidi akua matumbu.

Izaía 62:4

Ki bhu kala dingi o ku ku luka exi: Na-Ubheka, ni oxi ié ka kà i luka dingi exi, Kibuila; inda a kà ku luka: Ngina-hate; oxi ié-phe exi, Sakani; mbata Jihova ua di-uabhela nʼeie, oxi ié ia kà sakana ni muene.

Izaía 9:7

O kukula kua ulamba uenhú, ki kuene mbambe; o kutululuka kuê ki kuene kúbhua; ua tulama bhu kiandu kia Davidi ni ku usobha uê, phala ku u kuatesa bhu kididi, ni ku u fikidila mu kutetuluka ni mu uiukilu, tunde kiki katé ku hádia ni hádia; o muanu ua Jihova dia Ilômbo Ieta uene ua-nda ku bhanga kienhiki.

Matendelelu 7:8

Jihova muene-ku ua mi te muxima kuma ua mi zola, mu ku kumbidila o muloko uê ua lokela jitata jenu; Jihova iu ua mi katula ni lukuaku luê lua suina, iu ua mi kula ku dibhata dia ubhika ku mua kexile, bhu lukuaku lua Falaó, sobha ia Ijito.