II Malunda 9:2 - O Mikanda Ikola

² O Solomá-phe, izuelu iê ioso anga u mu lomboluela na-iu; ki bhu kexile kima kia suama, Solomá anga u kamba ku mu tangelakiu o dilomboluelu diê.

II Malunda 9:2 ပူးပေါင်းရင်းမြစ်များ

I Jisobha 3:12

talesa, ngi ku bhanga kioso ki ua zuela: Ngi ku bhana o muẋima ua kuijiia kinéne ni kutongoloka katé kibhinga eie ku moneka luiadi, ni ku iá oso a ku bhingana, ki bhuà kala mukuenu u soka-nê.

I Jisobha 4:29

O Nzambi anga u bhana Solomá kuijiia ni kutongoloka kuavulu ni muẋima uakulu mu kutetuluka mukuâ ni kisékele ku ndundu ia kalunga.

II Malunda 9:1

O Sobha ia muhatu, ia Saba, kioso kievu o fuma ia Solomá, uiza mu Jeluzaleme, mu kulola Solomá, ni jihengele, anga uiza ni kifuẋi kia dikota kia mu kuenda na-kiu, ni jikamelu jambata imbamba ia matunda ni ulu ua vulu ni jiphelu ja nzaji; hé uiza kua Solomá, anga uzuela-nê muene ima ioso ia mu kexile ku muẋima uê.

II Malunda 9:3

Sobha ia Saba-phe, ia muhatu, kia mono o unjimu ua Solomá, ni inzu ia tungu,

Jisabhu 13:20

Uoso uenda ni jinjimu, u biluka njimu; uoso-phe u kala kamba dia ku kaiela o ioua, kanange kukituka kala ene.

Jisabhu 18:4

Hete ia diiala, o maka mê mukua ni ngiji iazongo; o fixi ia unjimu, mukua ni dibhubha dia menha.

Marku 4:11

Muéne anga ua ambela, uixi: Enu Nzambi ua mi bhana o kuijiia ikutu ia Utuminu ué. Ió-phe, oso ala ku kanga, ima ioso a a tela-iu mu ifika.

Marku 4:34

Ka a tangela kima se kifika. Maji ku ubheka, jixibulu je u a lomboluela jinga ima ioso.

Nzuá 15:15

Ki ngi mʼixana dingi abhika, kuma mubhika kejiia ioso i bhanga ngana iê. Maji enu nga mʼixana-phe mu makamba, mukonda ima ioso i ngevu kua Tata iami, nga mʼ ijidisa-iu.

Kolose 2:3

Kuma ima iambote ia unjimu ni kuijiia i tunda kua Nzambi, iene ioso iosueke mua Kristu. Kristu mué ne o sabhi ijikula ioso.

Jihebeleu 4:12

Kuma o kizuelu kia Nzambi kima kia muenhu, ki ala ni kutena. Kia beta kutua o xibhata ia mazu a iadi ndenge. O kubatula kuê, ki sesa ni muenhu, ni nzumbi, ni masokuelu, ni uongo ua ifuba. Ki tungula ni jivondadi, ni mabanzelu ma miẋima ia athu.

Tiiaku 1:5

Maji se sai muthu mudienu ua kambe unjimu, a u bhinge Nzambi, muène anga u mu bhana-u. Mbata muène u bhana kiavulu, mukua kuila ene oso u a bhana ni vondadi, kene mu baúla muthu.