II Malunda 9:1 - O Mikanda Ikola

¹ O Sobha ia muhatu, ia Saba, kioso kievu o fuma ia Solomá, uiza mu Jeluzaleme, mu kulola Solomá, ni jihengele, anga uiza ni kifuẋi kia dikota kia mu kuenda na-kiu, ni jikamelu jambata imbamba ia matunda ni ulu ua vulu ni jiphelu ja nzaji; hé uiza kua Solomá, anga uzuela-nê muene ima ioso ia mu kexile ku muẋima uê.

II Malunda 9:1 ပူးပေါင်းရင်းမြစ်များ

Dimatekenu 10:28

Obale, Abimale, Seba;

Dimatekenu 10:7

Anʼa Kuxi enhá: Seba, Havila, Sabata, Lahama, Sabateka; anʼa Lahama enhá: Seba ni Dedane.

Dimatekenu 25:3

Jokosane anga u vuala Seba ni Dedane; anʼa Dedane, Axudimi, ni Letusime, ni Leumine.

I Jisobha 4:31

Muene ue kiá o muthu uabetele mu kuijiia athu oso ndenge, kuma muene ua kexile kota mu kuijiia. Etane, mukua Zola ndenge, o Hemane, ni Kalekale, ni Dana anʼa Mahole ue, ndenge. O fuma iê anga idimuangena mu jixi ku jimbandu joso.

II Malunda 1:1

Solomá, monʼa Davidi, anga u kala ni kutena kua vulu mʼoxi ia utuminu uê; o Jihova, Nzambi iê anga u kala-nê kumoxi, anga u mu zangeleka kiavulu kinéne.

II Malunda 1:12

o unjimu ni kuijiia a ku bhana-u; nga-nda ku kubhana ni umvuama, ni jimbongo, ni kijingu, kia bhingi kuila kana-ku sobha ua kexile na-kiu kuema dié, o ku pholo ue kana muthu dingi ua kà kala na-kiu.

II Malunda 9:2

O Solomá-phe, izuelu iê ioso anga u mu lomboluela na-iu; ki bhu kexile kima kia suama, Solomá anga u kamba ku mu tangelakiu o dilomboluelu diê.

II Malunda 9:9

Anga u bhana kua sobha hama ni makuinhi aiadi a jitalendu ja ulu, ni ima iate kiavulu ua i bhana ni kusukumuna kuoso, ni jiphelu ja nzaji; o ima iate kiavulu, ia bhana sobha ia Saba, ia muhatu, kua sobha Solomá, ima kiluua a i muene kala ioio.

Jisálamu 142:2

Nga lundulula muene o ku di tenda kuami bhu pholo iê; nga mu tangela muene o dilamba diami dioso.

Jisálamu 49:4

Ngʼividila kiambote ku tunda o kifika; o Sabhu iami ngenda ni ku i xikila ku mbànza.

Jisálamu 72:10

Jisobha ja Talxixi ni mu ikolo a kà mu bhana o lubhaku; o jisobha ja Xeba ni Saba ja kà mu bhekela maujitu.

Jisálamu 72:15

Mu kienhiki, a laie! Hé a mu bhakuila o ulu ua Xeba; athu a kale mu ku mu sambela sé kufula; a mu tanese kizuua ni kizuua.

Jisálamu 78:2

Ngi jikula dikanu mu kuata kifika; ngi tanga nongonongo jami ja imbamba ia xahulu.

Jisabhu 1:6

Phala kubatekela o Sabhu ni dilomboluelu diê; ni kubatekela o maka ma jinjimu, ni ixima iâ.

Izaía 60:6

A-nda ku kuizalesa ni jikamelu; ni jikamelu ji tunda ku Midiiane ni ku Efa, bhuila bulukutu mvengete; ene oso a kà tunda ku Seba; a-nda kubheka ulu ni uasu ua mazumba; anga a fumanesa o diximanu dia Jihova.

Matesu 12:34

Enu mu muiji ua madiuta! Mu tena kiebhi, ki mua iibhʼiki, o kuzuela ima iambote? Mbata kioso kiezala mu muẋima, kiene ki zuela o dikanu.

Matesu 12:42

Sobha ia Sulu ia muhatu mu kizuua kia kufundisa ua kà balumuka mu ku funda ni muiji uenhú, nʼa u belesa; mbata muène ua tundile kua suku oxi, hé uiza mù kuivua o unjimu ua Solomá. Bhenhabha-phe sai-bhu ni iú ua tundu Solomá!

Matesu 13:11

Muène u a vutuila, uixi: Enu Nzambi ua mi bhana-kiu, o kuijiia ikutu ia Utuminu ua Diulu, ene-phe ka a bhana-kiu.

Matesu 13:35

phala ni ki bhite kia tangele polofeta, uixi: Dikanu diami ngi di jikuila mu ifika, ngi tanga ima iósueke tunde ku dimatekenu dia ixi.

Matesu 2:11

Anga a bokona mʼonzo, hé a sanga kamona ni Madiia mamʼâ; anga adibhala, hé a mu sambela. O kuila a jikula mu imbamba iâ, a mu bhanga ujitu, ni ulu, ni uasu ua dizumba ua libana, ni uamukuá ua sumuna; a mu bhana.

Luka 11:31

Mu kizuua kia kufundisa, Sobha-ia-Muhatu, ia Sulu, ua kà balumuka mu kufunda, kumoxi ni enu mu mala a muiji iú, hé ua kà miʼêlesa; mukonda muène ua tundile dikanga ku maẋokololo ma ixi mu kuívua o uhete ua kuijiia kua Solomá. Maji, ijiienukiu-phe kuma, bhenhabha bhu tuala, sai-bhu ua tundu Solomá mu ukota!

I Samuuele 1:15

Hana-phe anga u vutula, uixi: Kana, ngana iami, tata! Ngi muhatu ua mukua malamba; ki nga nu, né ngó vinhu, mba kúnua kuengi kuoso-kuoso ku kodiuisa; maji nga mu lunduluila o muenhu uami bhu pholo ia Jihova.