II Malunda 7:6 - O Mikanda Ikola

⁶ O jinganga emana ku ibuka iâ; jilevita ue emana ni ima ia kuxikila mimbu kua Jihova, ia bhangele sobha Davidi phala ende ni kuximana Jihova, mukonda o kulenduka kuê ki kuene kúbhua, kioso Davidi kia kexi mu ku mu ximanena ku ukunji ua ene; o jinganga aia ni kuxika jikoloneta bhu pholo iâ, o Izalaiele ioso-phe emana.

II Malunda 7:6 ပူးပေါင်းရင်းမြစ်များ

I Malunda 13:8

Davidi-phe, ni Izalaiele ioso, anga akala mu sanguluka enhoso kumoxi bhu pholo ia Ngana Nzambi, ni nguzu iâ ioso, ala mu kuimba, ni tukoxi, ni isàka, ni isanji, ni tungoma ni tumingeia, ni jikoloneta.

I Malunda 15:24

O Sebaniia, ni Jozafate, ni Natanele, ni Amasai, ni Zakadiia, ni Benaia, ni Eliiezele, o jinganga, a kala mu xika o jikoloneta ku pholo ia álaka ia Nzambi. O Obede-Edomo, ni Jehiia, ene akexile alangi a mielu ia álaka.

I Malunda 16:34

Sakidilenu Jihova, kuma muene mukua kubhanga mbote; mbata kulenduka kuê ki kuene kúbhua.

II Malunda 23:18

O ima ia tokala kubhanga, mʼonzo ia Jihova, Joiada ua i te mu ididi iê, bhoxi dia lukuaku lua jinganga, o jilevita, a a solele kuala Davidi phala ukunji ua inzu ia Jihova, nʼende ni ku bhana o maujitu ma kubhakula ni túbhia kua Jihova, ni kusanguluka ni kuimba, kala kia ki soneka mu kitumu kia Mozé kala kia ki longo ue Davidi.

II Malunda 29:25

Anga u ta o jilevita mʼonzo ia Jihova ni jingoma ja ngondo, ni jikakoxi ni jimbanza kala kia tuma Davidi ni Ngade, ua kexe mu ku zambuila sobha ni polofeta Natane; mukonda kiene kia tumina Jihova, ku lukuaku lua jipolofeta jê.

II Malunda 29:27

Anga Ezekiia u a ambela kubhana o sata ia kubhakula ni túbhia kua Jihova ku thandu dia kalatódio. O kiene ngó kia mateka o kusatela, a mateka ue ni muimbu ua Jihova, ni jikoloneta ni ima dingi ia kuxikila o mimbu, ia Davidi, sobha ia Izalaiele.

II Malunda 5:12

Ni jilevita, ni akua kuimba ene oso, ni akuʼAzafe ni akua Hemane ni akua Jedutune, ni anʼâ ni jiphange jâ, a kembe ni izuatu ia linhu ia nzeta, (a kuata jingoma ja ngòndo ni tukoxi ni jimbànza, emanena ku mbandu ia thunda ia Kalatódio, ni ene kiá kumoxi ni hama ni makuinhi aiadi a jinganga a kala mu xika jikoloneta).

II Malunda 5:13

Ene há a tongesa muene mu kuxikila jikoloneta kumoxi, ni mu kuimba ue, embila mbimbi imoxi ngó i uivua, mu ku tumbula o mbote ni kuximana Jihova; o kioso ene kia zangula o mbimbi kumoxi ni jikoloneta ni jingoma ja ngòndo ni ima dingi ia mukuá ia kuxika o mimbu, ni kutumbula Jihova kuma mukua Mbote, mukonda o kulenduka kuê ki kuene kúbhua, inzu ioso muene iezala ni dituta, o inzu ia Jihova.

II Malunda 7:3

Ana oso a Izalaiele kia mono o túbhia ni unéne ua Jihova ua mu tuluka ku thandu dia inzu, a bhetamena jipholo bhoxi, ku mavu, hé a diunda, a ximana Jihova; mukonda mukua mbote, mbata o kulenduka kuê ki kuene kúbhua.

II Malunda 7:5

O Sobha Solomá anga u bhakula makuinhi aiadi ni kiiadi a midi ia sata ja jingombe, ni hama ni makuinhi aiadi a midi ia jimbudi; anga sobha ni kituxi kioso a lumba kienʼiki o inzu ia Nzambi.

Ejidala 6:18

Anga jinganga a ji uana ku ibuka ni jilevita mu jimbambe já, phala o ukunji ua Nzambi uala mu Jeluzaleme; kala kia ki soneka mu divulu dia Mozé.

Jisálamu 106:1

Haleluia! Sakidilenu Jihova; kuma muene mukua kubhanga mbote; mukonda o jihenda jê ki jene kúbhua.

Jisálamu 107:1

Ximanenu Jihova, o mbote iê iene mu bhanga; mukonda o jihenda jê ki jene kúbhua.

Jisálamu 138:8

Jihova u ngi zubhila ioso ia ngi kambe; o kiadi kié, Ngana, ki kiene kúbhua; kana kuehelela o kikalakalu kia maku mé.

Jisálamu 87:7

Ni iá akua kuimba, ni iá akua kukina, hé a ki ta muene ku mukumbi, exi: Bhʼotho ietu, bhu tunda o kuzediua kuetu, bhenhobho, Ngana, bho-bhué.

Izaía 52:6

Mukonda dia kiki, o mundu uami ua kʼèjiia dijina diami, mu kizuua kiná; kuma ememuène nga-nda kuila: Emeʼamiʼú.

Amoji 6:5

Mu kala mu kukina, o kia xika kakoxi enu muimba; mu di iudikila ima ia kuxikila mimbu kala Davidi;

Josuué 6:4

Ku kala sambuadi dia nganga, a tuamenena ku pholo ia álaka, a kala ni sambuadi dia jimbungu, dia kuata bhu maku, ja jimbinga ja ilumbe ia jimbudi. O mu kizuua kia kasambuadi-phe, mbonge mu i kondoloka lusambuadi; o jinganga a kala mu xika o jimbungu.