II Malunda 7:5 - O Mikanda Ikola

⁵ O Sobha Solomá anga u bhakula makuinhi aiadi ni kiiadi a midi ia sata ja jingombe, ni hama ni makuinhi aiadi a midi ia jimbudi; anga sobha ni kituxi kioso a lumba kienʼiki o inzu ia Nzambi.

II Malunda 7:5 ပူးပေါင်းရင်းမြစ်များ

I Malunda 29:21

O mu kizuua kiamukuá hé a satela Jihova o jisata ni kubhana kua Jihova o maujitu ma kuoha, midi ia ngalote ia ngombe, midi ia ilumbe ia mbudi, midi ia tumbudi, ni mibhaku ia makunua; ni jisata ja nzungule ja sate akua Izalaiele oso.

II Malunda 1:6

Solomá bheneʼobho anga u bhakula jisata bhu pholo ia Jihova, ku thanduʼa Kalatódio ka Kobidi kala mu balaka ia kionge, ku thandu diê ua bhela-ku midi ia jisata.

II Malunda 15:11

Mu kizuua kieneʼokio anga a bhakula kua Jihova, ujitu ku ima ia bhundu, ieza na-iu, hama jisamanu ja jingombe ni midi jisamanu ja jimbudi.

II Malunda 2:4

Talesa-phe, kuma, o dijina dia Jihova Nzambi iami ngala kiá phala ku di tungila inzu, i ngi mu lumbila, mbé o kuia ni ku muʼohela uasu ua dizumba bhu pholo iê, ni mbolo ia ku mu tela jinga izuua ioso, ni jisata ja kimene ni ngoloxi, ni mu jisabhalu, ni bhu jimbeji ja thethama, ni mu izokola ia Jihova Nzambi ietu; mbata Izalaiele kiene kia mu fuama kubhanga jinga katé ku hádia ni hádia.

II Malunda 30:24

Mukonda Ezekiia, sobha ia Juda, kionge ua ki bhakuila midi ia tungombe tua ndumbe, ni sambuadi dia midi ia jimbudi; o makota ma jinganga ue kionge a ki bhakuila midi ia tungombe tua ndumbe, ni kuinhi dia midi ia jimbudi; o jinganga ue ndumba a di lumbila.

II Malunda 5:6

Bheneʼobho-phe, Solomá ni kifuẋi kioso kia Izalaiele, kia di bhongoluele kumoxi ni muene bhu pholo ia álaka, anga a bhana jisata ja jimbudi ni jingombe, ki ji xikina ku ji tanga mba ku ji alula mukonda dia kuvula kinéne.

II Malunda 7:4

Bheneʼobho sobha ni kifuẋi kioso a kuata kubhakula jisata bhu pholo ia Jihova.

II Malunda 7:6

O jinganga emana ku ibuka iâ; jilevita ue emana ni ima ia kuxikila mimbu kua Jihova, ia bhangele sobha Davidi phala ende ni kuximana Jihova, mukonda o kulenduka kuê ki kuene kúbhua, kioso Davidi kia kexi mu ku mu ximanena ku ukunji ua ene; o jinganga aia ni kuxika jikoloneta bhu pholo iâ, o Izalaiele ioso-phe emana.

Izekiiele 45:17

O kilamba muene ua kà lunda o mibhaku ioso ia jisata ja kubhakula ni túbhia kua Jihova, ni mibhaku ia mákudia, ni ia mákunua, ni izokola ioso mu jimbeji ja thethama, ni mu jisabhalu, ni mu ionge ioso ia ujitu mu muiji ua Izalaiele; muene, muene u bhanga o kiamenga kia ituxi, ni kubhakula o ujitu ua mákudia, ni sata ia kubhakula ni túbhia kua Jihova, ni jisata ja uembu, mbé o kubhanga o kiamenga phala o dibhata dia Izalaiele.

Mikeia 6:7

Nzambi u xikina ku mu bhomba ni jimidi ja jimbudi? Inga ngi mu bhomba ni kuinhi dià midi ia tungiji tua maji? Ngi mu bhana monʼami ua diiala ua phande-kumbi, mu mulonga uami? Mba o mbutu ia tundu mu mala diami, mu kituxi kia muenhu uami?

Dialuilu 7:10

Ilamba anga a bhana ue maujitu mû ku lumbila kalatódio, kizuua kia ka undu ni maji, ilamba a bhana maujitu mâ ku pholo ia kalatódio.

Nzuá 10:22

Mu Jeluzaleme anga mu bhita Fesa ia Kuzelesa mu tembulu, bhu thembu ia kixibhu.