II Malunda 7:20 - O Mikanda Ikola

²⁰ bheneʼobho-phe eme ue ngi mi vuza mu ixi iami i nga mi bhana, o inzu iii i nga kôlesa mbé dijina diami, nga kà i texi dikanga, mu mesu mami i tundamu, kienʼiki anga kia kà di bhanga Sabhu ni diba dia maka mu kaẋi ka akua jixi joso.

II Malunda 7:20 ပူးပေါင်းရင်းမြစ်များ

I Jisobha 14:15

O Ngana ua-ndu kuama ue Izalaiele, kala ki a tutumbisa o dithethele dia mu kunguluka ku menha kiene ue Jihova ua kà vuza Izalaiele mu ixi iambote iii ia bhele ku jitata jâ, anga ua kà a muangena ku sámbua diná dia ngiji ia Ufalate, mukonda a di bhangela mixitu iâ, mu kulokalala o njinda ia Jihova.

I Jisobha 9:7

bhenhobho Izalaiele nga kà mu buidisa mu ixi i nga a bhana; anga o inzo iii i nga kôlesela dijina diami, nga kà i takula dikanga, o bhu pholo iami i tunda-bhu; anga Izalaiele ua kà xala mukuâ ni Sabhu, ua kà di bhanga môndo muʼaxaxi ka madiembu oso.

II Jisobha 17:20

Kala kiki-phe, o Jihova ue mbutu ioso ia Izalaiele ua i jini, iú ua a bhondeleka, ua a bhakula bhu maku ma ingumba, o abhundi, iú ua a kaiesa bhu pholo iê.

II Malunda 36:19

O inzu ia Jihova anga a i oha, o imbaka ia Jeluzaleme hé a i bula-bula; o jinzu jê joso ja matala a ji oha mu túbhia, ni itutu iê ioso ia makembu a i jikinisa ue.

Jisálamu 44:14

Tua fumana mukua ni Sabhu ku akua jixi ja matumbu; athu amukuá kia tu mona a kubuakesa ku mítue.

Jisálamu 52:5

Kiene kimoxi Nzambi-phe hinu u ku bula, kà ku tunga, kana! Hinu u ku tukula, u ku zangumuna mu balaka ié, u ku vuza muene ni lundanji bhoxi, phala ku xale dingi mbutu.

Jelemiia 12:17

O ki ela-phe nguâ kuivua, muiji uenhó hinu nga kà u vuza hé u bhua-bhu anga nga a jimisa o mbutu, Jihova ua ki tange.

Jelemiia 16:13

Kala kiki-phe, nga-nda ku mi kaia moxʼumu, muia ku ixi ki mua ijiia nʼenu ni jitata jenu; o kuenhoko kuene ku mua kà bhikila o jinzambi jengi mu muanha ni mu usuku; kuma o koko ki nga-nda ku mi kuatela dingi henda.

Jelemiia 18:7

Bhu kithangana kioso ki ngi kanena o kifuxi mba utuminu, phala ku u vuza, ni ku u lundumuna, ni ku u buikisa.

Jelemiia 22:8

Anga o ifuẋi ia ndumba ia kà ku bhita mu mbongeʼumu, hé kala muthu ua kʼambela mukuá uixi: O Jihova ua bhangelaʼhi kiki ku kimbonge kiosuʼiki?

Jelemiia 24:9

Anga ngʼa bhakula phala nʼa kituke kima ki kuatesa uoma, kuxixima kua mautuminu moso mu ngongo, lusebu ni Sabhu, môndo ni mázui mu ididi ioso mu nga-nda ku a takuila.

Jelemiia 31:28

Hé kia kà kala phe kiki: Mukua ni ki nga fulu kilu ku thandu diâ, phala kuvuza, phala kubula, ni kuvutula kuema, phala kumuanga, phala kutatesa, kiene ue ki nga-nda kufula o kilu ku thandu diâ, phala kutunga ni ku kuna, Jihova ua ki tange.

Jelemiia 44:8

O ki mua-nda ku ngi thathamesa ni ikalakalu ia maku menu, kioso ki muʼoha uasu ua dizumba ku jinzambi jengi mʼoxi ia Ijitu, mu mua bokona, enu, phala kunhunganena-mu, mbebhu kʼenuʼenu mua-nda ku di jimisa o mbutu anga mu di bhanga mu akua mázui ni lusebu mu kaxi ka miji ioso mu ngongo?

Jelemiia 45:4

Eie-phe u mu tangela kiki: Jihova uambe, uixi: Tala, kioso ki nga tungu, ngi ki bula; o kioso ki nga phaphe, ngi ki vuza; kienhiki muene mu ixi ioso muenhumu.

Izekiiele 7:24

Anga ngʼixana athu a beta kota mu kuiibha, ene mu kaxi ka miiji ku mundu, ene a kà tunga mu jinzu jâ; anga ngi buisa-ku o kuzangalala kua mazonda, o ididi iâ ikôla ia kà sebuluka.

Dialuilu 32:15

Hé mua mu baluka dingi, muene-phe u mi ehelela dingi mu kikangalakata; ni kikuẋi kioso kiki mua-nda ku ki buidisa ngó.

Matendelelu 28:37

Kuabhu-phe, ua kà di bhanga u kidiuanu, uà kà kituka u musoso, ua kà kala u kima kia jingolela muʼaxaxi ka ifuẋi mua-nda kuà ku bheka kuala Jihova.

Matendelelu 29:28

Jihova ue, iu ua a katula ni njinda ni kutema, ni kudimbuluka kuònene, iu ua a takuila kʼoxi iengi, kala ki kia di monekena leluʼiki.

Juda 1:12

Enʼ iâ a di bhanga dilebhu phala enu, ki mu kala kudia-nâ mu fesa jenu ja ukamba, ni kukodiua kuâ ku kuatesa jisonhi. A kala mu ku di dikila, ni kudisuua ngó ene. Edi kala matuta ma kambe menha, ma phephuluka ni kitembu, ki ma bhana mvula ia kima. A di bhange mixi ia tokoka o kuima, né bhu mvula ia kudinji, ki i moneka kibundu. A di fuangana mixi iòvuze ni jindanji, ia fuila-ku kiá muene.