II Malunda 7:16 - O Mikanda Ikola

¹⁶ mukonda o kiki nga solo inzu iii, eme nga i kôlesa, mbé o dijina diami di kale jinge mueneʼomo ku mivu sè dizubhilu; kienʼiki o muẋima uami ni mesu mami andu tala jinga kʼonzo kueneʼoko izuua ioso.

II Malunda 7:16 ပူးပေါင်းရင်းမြစ်များ

I Jisobha 8:16

Tunde kizuua ki nga katula o kifuxi kiami kia Izalaiele mu Ijito, ki nga solo sanzala iengi mu miji ioso ia Izalaiele, ni ngi tunge-mu inzo mu ngi tumbika o dijina diami; maji nga solo-phe Davidi, nda a tumine o kifuxi kiami kia Izalaiele.

I Jisobha 8:35

Kioso o diulu ki di jika, anga mvula i kamba kunoka, mukonda ene a ku tela kituxi, ene anga eza kusamba mu kididi kiki, ni kuximana o dijina dié, anga a diela ku ituxi iâ, kia mona kuila eie ua a tatesa,

I Jisobha 8:44

Kioso kiia o kifuxi kié mu ita, mu kúlua ni nguma iâ, mu njila i ua a tumikisina, ene anga a sambela Ngana, ni ku lungila pholo ku sanzala iii i ua tungula, ni ku inzo iii i nga tungila o dijina dié,

I Jisobha 8:48

anga kuenhoko a diela ko kué ni muẋima uâ uoso ni muenhu uâ uoso, o mu ixi ia jinguma jâ ja ambata ku ubhika, anga a ku sambela eie ni kulungila o pholo ku ixi i ua bhele o jitata jâ, ni ku sanzala iii i ua tungula, ni ku inzo iii i nga tungila o dijina dié,

I Jisobha 9:3

Anga Ngana u mu ambela, uixi: Musambu ué nga uivu, ni kioso ki ua dionda bhu pholo iami; nga kolêsa o inzo i ua tungu, kutula dijina diami katé ni ku hádia; kala kiki o mesu mami ni muẋima uami, kuene ku ua-ndu kala jinga izuua ioso.

II Jisobha 21:4

O mʼonzo ia Jihova ua tungumu ue jikalatódio, onzo ioio iambele Jihova, kuila: O mu Jeluzaleme muene mu nga-nda ku-ta o dijina diami.

II Malunda 30:8

o kiki-phe kana ku tundisa kakunda kenu, kala o jitata jenu; tolokenu kua Jihova, muize bhu kididi kiê kikôla, kia kolesa muene katé ku hádia, nda mu bhikile Jihova, Nzambi ienu, phala o kutêma kua njinda iê ki ku mi tule enu.

II Malunda 6:20

Mesu mé a tone mu usuku ni mu muanha ku thanduʼa kididi kiki, ki ua tange Eʼmuene kuila o dijina dié bhene bhu u di ta, phala kuívua o musambu u ku sambela mubhikʼé bhu kididi kienʼiki.

II Malunda 7:12

Jihova anga u tukulukila Solomá mu usuku, u muʼambela, uixi; Musambu ué nga uivu, eme nga di solela, kididi kiki phala inzu ni sata.

II Malunda 7:15

Kiki kiá o mesuʼami a-nda kutona, o mátui ami a-nda kuividila jinga o musambu ua kididi kiki,

II Malunda 7:17

Kuambe-phe dingi eie, se uenda bhu pholo iami, kala kiende tatʼenu Davidi, hé u bhanga muene ioso kala ki nga kuambela, anga u bhaka o jingonge jami ni mabatuilu mami,

Jisálamu 132:13

Mukonda Jihova ua solo Ziione; kiene kididi kiê kia kutunga kia mukala ku muẋima.

Jisálamu 132:14

Iú uambe, uixi: Diene dinhohenu diamʼidi, katé ku hádia ni hádia; bhenhabha nga kubu muene, kuma kiene ki nga solo.

Zakadiia 3:2

Maji o Ngana anga uambela Satana, uixi; Jihova a ku bazele, eie Satana; kiene muene, O Jihova, ua solo Jeluzaleme, a ku bazele. Ki muenhú kixinji kia túbhia kiʼo katule bhu jiku?

Matesu 3:17

Tala, bhenhobho ni dízui di tunda mu diulu, dixi: Muenhú Monʼ ami a kazola, ua ngi uabhela kiambote.

Matendelelu 12:21

O kididi kia tungula Jihova Nzambi ienu phala kuxikika-bhu o dijina diê, se kia ku kala bhua lebha, kiene kimoxi, jingombe ni jimbudi ja ku bhana Jihova Nzambi ienu muenda ni kúdia, kala ki nga mi ambela kiá; mu ji dila ku mabhata menu, kioso kia mi tumu o muẋima.

Matendelelu 16:11

Kienhokio-phe anga utana ni kusanguluka bhu pholo ia Jihova Nzambi ié, eie, ni monʼé ua diiala, ni ua muhatu, ni selevende ié ia diiala, ni ia muhatu, ni levita uoso uatungu-nê mu mbonge ienu, ni nzuángiza, ni monʼa difundu, ni mutudi; oso kia u uatungu-nâ, bhu kididi kioso bhua solo Jihova Nzambi ié kukala dibhata dia Dijina diê.

Kolose 2:9

Kuma o unzambi uoso ua Nzambi, ua muvimba, ua tunga mua Kristu muène ni mukutu uê ua xitu.