II Malunda 7:12 - O Mikanda Ikola

¹² Jihova anga u tukulukila Solomá mu usuku, u muʼambela, uixi; Musambu ué nga uivu, eme nga di solela, kididi kiki phala inzu ni sata.

II Malunda 7:12 ပူးပေါင်းရင်းမြစ်များ

Dimatekenu 17:1

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

I Jisobha 9:2

Jihova ua tukulukila dingi Solomá, kala kia mu tukulukilile bhu Ngibiione.

II Jisobha 2:6

Elija-phe, uixi: Xala bheneʼabha, mukonda Jihova ua ngi tumu ku Njolodá. Maji o muene, uixi: Kikola, nga na! Eie kola o muenhu! Kuma eme ki nga-nda ku ku xa. Kienʼiki anga kiiadi kiâ aia kumoxi.

II Jisobha 20:5

Vutuka uambele Ezekiia, o mutumini ua mundu uami, kuila: O Jihova, Nzambi ia tatʼenu Davidi uambe kiki: O musambu ué nga uivu, ni masoxi mé nga a mono; tala-phe eme nga-nda ku ku sakula; o mu kizuua kia katatu ua-nda kubanda mʼonzo ia Jihova.

II Jisobha 21:7

Ua-te ue kiteka kia kusonga kia muxitu ua iudikile muene mu inzu ioio ia Jihova ia tangelele Davidi ni monʼê Solomá, kuila: Mʼonzo mumu ni mu Jeluzaleme i nga solo mu miji ioso ia Izalaiele, muene mu nga-nda ku-ta o dijina diami, katé ku hádia.

II Malunda 1:7

Mu usuku uenʼió muene, Nzambi u tukulukila Solomá, hé u mu tangela, uixi: Bhinga ioso i ua mesena, nda eme ngi ku bhane-naʼiu.

II Malunda 7:16

mukonda o kiki nga solo inzu iii, eme nga i kôlesa, mbé o dijina diami di kale jinge mueneʼomo ku mivu sè dizubhilu; kienʼiki o muẋima uami ni mesu mami andu tala jinga kʼonzo kueneʼoko izuua ioso.

Jisálamu 10:17

Eie-phe Jihova, uevu kioso kiala kuinda abelesela; eie muene ua a sungu muẋima, mu kuditenda kuâ eie u a evua.

Jisálamu 66:19

Maji, ni kidi kiene, Nzambi phe ua ngʼivu muene; ua ngi suu o dízui diami dia kusamba.

Malakiia 3:4

O ujitu ua Juda ni ua Jeluzaleme, Jihova ua kà mu uabhela kiá, kala mu izuua ia bhiti, ni mu mivu ia diangelèku.

Luka 1:13

Mukunji anga u mu ambela, uixi: Ku kale ni uôma Zakadiia! Mukonda musambu ué Nzambi ua uivu. Muhatuʼé, Nzebele, ua-ndu ku vualela monʼa diiala, eie u mu luka dijina dia Nzuá.

Jipoxolo 10:31

uixi: Koloneliu, misambu ié Nzambi ua ivu iú ua lembalala ioso i uene kubhanga mu kukuatekesa o jingadiama.

Matendelelu 12:11

Kiene kiua Jihova Nzambi ienu kia kà sola kididi bhua kà tunga ue kiá o Dijina diê; o bhenhobho bhene bhu mua kà bheka jinga ioso-lolo i nga mi xindi: jisata jenu ja kuoha, mibhaku ienu ia kusatela, ni madijimu menu, ni ma-ujitu menu ma ku di fikixila bhu lukuaku luenu, ni ioso kiá i mu sola kubhakula ni hasa ioso i uate kua Jihova.