II Malunda 7:1 - O Mikanda Ikola

¹ Kioso Solomá kia zubha o kusamba, kua tuluka túbhia tua diulu, anga tuʼoha jisata joso ni mibhaku; o unéne ua Jihova anga uizalesa o inzu ioso.

II Malunda 7:1 ပူးပေါင်းရင်းမြစ်များ

Dimatekenu 15:17

Anga ki bhita-phe kuila, o kia zubha kutula o dikumbi, kuma anga ku vunda kiá muene, u mona dijiku diala mu fuafua dixi, ni sama ia uama túbhia, ia bhiti mu kaẋi ka isasu ienhoio.

I Jisobha 18:24

Bhenhobho enu muixana ni kuhingila o dijina dia nzambi ienu, eme uami ngixana ni kuhingila o dijina dia Jihova. Kia-ndu kala-phe kuma, nzambi ioso itaiela ni kubhana o túbhia, ió muene u kala Nzambi. Kifuẋi kioso anga a vutula, exi: Kiokio ua zuela kiambote.

I Jisobha 18:38

Bhenhobho kua Ngana kulauka lúbhia, anga tu jikatesa sata ia kuoha, ni jihuinhi, ni matadi, ni mavu, anga tu lesa hanji ue ni menha a kexile mu mulombo.

I Jisobha 9:1

Anga ki bhita-phe kuila, kia zubha Solomá kutunga inzo ia Ngana, ni inzo ia sobha, ni hânji ioso ia Solomá, ia mu kexile ku muẋima ku i bhanga,

I Malunda 21:26

Kienhiki Davidi anga utunga bhenhobho o kalatódio ka Jihova, hé ubhana o jisata ja kuoha ni jisata ja mutululuku; anga uhingila Nzambi; Ngana hé u mu vutuila ni túbhia tua tundu ku diulu, hé tu tula ku thandu dia kalatódio ka sata ia kuoha.

Jisálamu 26:8

Jihova, inzo ié ia ngi uabhela muene; kuma kiene kididi bhu ua tukuluila o kubenha kué.

Makatukilu 19:18

Mulundu uoso ua Sinai anga u kala mu tuka dixi, mukonda Jihova ua tulukila ku thandu diê muʼaxaxe ka túbhia, dixi diê anga di banda kala dixi dia kidijiku kionéne mulundu uoso anga u teketa, uia ni kutunguta kiavulu.

Makatukilu 29:43

Bhenhobho bhene bhu ngi takanena jinga ni anʼa Izalaiele phala ku unene uami, ngʼa kitule athu a kôla.

Izaía 65:24

Anga kia kà bhita, kuila ene kiluua a zubha kuixana, eme nga kʼètaia kiá; kuila ene kiluua ngó a zubha kuzuela, eme ngevuʼami kiá.

Izekiiele 43:5

O Nzumbi anga i ngi zangumuna, i ngi bheka mu lumbu lua moxi; o ku tala, kizunda kia Jihova kiezalesa o Tembulu.

Izekiiele 44:4

Kia zubha kiki, ua ngʼambata ku njila ia muelu ua kexila Kusuku, ku pholo ia inzu; o ki nga tale, nga mono o kizunda kia Jihova kiezalesa o inzu ioso ia Jihova; kienhókio anga ngi di ṗhudika O pholo bhoxi.

Daniiele 9:20

O ki nga kuata kuzuela kiki, ni kusamba, ni kufisala kituxi kiami, ni kituxi kia mundu uami ua Izalaiele, ni ku lundulula o musambu uami ua kutoloka bhu pholo ia Jihova, Nzambi iami, nga-lu diondela o mulundu uangene ua Nzambi iami.

Malakiia 3:4

O ujitu ua Juda ni ua Jeluzaleme, Jihova ua kà mu uabhela kiá, kala mu izuua ia bhiti, ni mu mivu ia diangelèku.

Jipoxolo 4:31

Ki a zubha kusamba, o kididi kia di bhongoluela, kia tunguta. Ene oso anga ezala ni Nzumbi Ikôla, hé andeka kutanga o maka ma Ngana ni kúbhua uôma.

Dijingunuinu 21:23

O mbanza íii ki i bhingi ku kala dikumbi, mba mbeji, mu kumuikina-mu, mukonda o kubenha kua Nzambi kua zelesa-mu, o Kambudi muène o kandeia kâ.

Afundixi 6:21

Bhenhobho anju ia Jihova u sunununa o dikoue dia mu kala bhu lukuaku luê, u tula o sungu iê ku xitu, ni ku jimbolo ja kambe kifulufulu kia kinanesa; bhu ndánji anga bhu fuáfua túbhia, ni xitu ni jimbolo anga ijokota; anju ia Jihova anga i mu jimbila ku mesu.