II Malunda 5:7 - O Mikanda Ikola

⁷ Kienʼiki anga jinganga eza ni álaka ia kikutu kia Jihova bhu kididi kiê, mu xilu dia Tembulu, mu kididi ki kôla kinéne, hé a i bhiẋidisa muene moxiʼa mabhabha ma jixelube.

II Malunda 5:7 ပူးပေါင်းရင်းမြစ်များ

I Malunda 22:19

Dibhakudienu-phe, kindala, ni muẋima uenu uoso ni muenhu uenu uoso mu kusota Jihova Nzambi ienu. Di iudikienu ue, nda mu balumuke, ni mu tunge o kididi kikôla kinéne kia Jihova Nzambi, phala o álaka ia kikutu kia Jihova, ni itutu iokolese ia Ngana Nzambi, eze na-iu mu inzo iii ia tembulu, ia-nda ku tungila o dijina dia Ngana.

II Malunda 35:3

Anga uambela o jilevita a di lumbilile kua Jihova, iá a kexile mu kulonga mu Izalaiele ioso, uexi: O Alaka ikôla tulenu-iu mʼonzo ia tungu Solomá, monʼa Davidi, sobha ia Izalaiele, kuma o kimbamba kiki ki mua-ndu kala nakiu dingi bhu isuxi; kindala mu bhikila ngó Jihova ni mundu ué ua Izalaiele.

II Malunda 4:20

Ni matudilu a jikandeia ni jikandeia jê, ja ulu ua iuka kiambote, mbé o kuia ni ku tu uika mu xilu mu kola kinéne mukonda kiene o kífua.

II Malunda 5:4

Adiakime oso mua Izalaiele anga eza muene; jilevita hé a zangula o álaka.

II Malunda 5:6

Bheneʼobho-phe, Solomá ni kifuẋi kioso kia Izalaiele, kia di bhongoluele kumoxi ni muene bhu pholo ia álaka, anga a bhana jisata ja jimbudi ni jingombe, ki ji xikina ku ji tanga mba ku ji alula mukonda dia kuvula kinéne.

II Malunda 5:8

Mukonda o jixelube jʼolekele mabhabha mâ ku thandu dia kididi kia álaka, anga ku thandu jixelube Ji vungina muene o álaka ni mikambu iê.

II Malunda 6:11

Eme nga tula-mu o álaka, muala o kikutu kia Jihova, kia te ni anʼa Izalaiele.

Jisálamu 132:8

Balumuka, Jihova, u bhixile mu dinhohenu dié, ni eie ni álaka ia nguzu ié.

Izekiiele 41:4

Anga u zonga ue o mulebhelela uê, makuinhi aiadi a kóvadu, o kuzanza kuê kua makuinhi aiadi a kóvadu ue, ku pholo ia tembulu; anga u ngʼambela uixi; O kiki kiene o Kididi Kikôla Kinéne.