II Malunda 5:5 - O Mikanda Ikola

⁵ Hé a bandesa o álaka ni balaka ia kutakanena kumoxi ni itutu ioso iólumbe ia kexile mu balaka; jinganga ni jilevita ene muene a i bandesa.

II Malunda 5:5 ပူးပေါင်းရင်းမြစ်များ

I Jisobha 8:4

Anga a bheka álaka ia Ngana ku thandu, ni balaka ia kionge, kumoxi ni itutu ioso iòlumbe ia kexile mu balaka; kienhiki jinganga ni jilevita a banda na-iu ku thandu.

I Jisobha 8:6

Kienhiki kia bheka jinganga o álaka ia kikutu kia Ngana bhu kididi kiê, mu dibhezelu dia inzo ia ngana, mu kididi kikôla kinéne, bhoxi dia mabhabha ma jikelubini.

II Malunda 1:3

Solomá anga uia ni kionge kioso kumoxi-nê, bhu ditala dia dileka dia kexile mu Ngibiione, kuma bhene bhua kexile Balaka ia kionge kia Nzambi, ia iudikile Mozé, ngunza ia Jihova, mu ixi ia kisekele.

II Malunda 23:18

O ima ia tokala kubhanga, mʼonzo ia Jihova, Joiada ua i te mu ididi iê, bhoxi dia lukuaku lua jinganga, o jilevita, a a solele kuala Davidi phala ukunji ua inzu ia Jihova, nʼende ni ku bhana o maujitu ma kubhakula ni túbhia kua Jihova, ni kusanguluka ni kuimba, kala kia ki soneka mu kitumu kia Mozé kala kia ki longo ue Davidi.

II Malunda 5:4

Adiakime oso mua Izalaiele anga eza muene; jilevita hé a zangula o álaka.

II Malunda 5:6

Bheneʼobho-phe, Solomá ni kifuẋi kioso kia Izalaiele, kia di bhongoluele kumoxi ni muene bhu pholo ia álaka, anga a bhana jisata ja jimbudi ni jingombe, ki ji xikina ku ji tanga mba ku ji alula mukonda dia kuvula kinéne.