II Malunda 5:4 - O Mikanda Ikola

⁴ Adiakime oso mua Izalaiele anga eza muene; jilevita hé a zangula o álaka.

II Malunda 5:4 ပူးပေါင်းရင်းမြစ်များ

I Jisobha 8:3

Adiakimi oso a Izalaiele anga eza; o jinganga anga a zangula o álaka ia Ngana.

I Malunda 15:2

Davidi-phe, uixi: Kana muthu utena kuambata o álaka ia Nzambi, kikale ngó o jilevita; kuma Jihova ua a lumbu, phala kuambata o álaka ia Nzambi ni ku mu bhikila katé ku hádia ni hádia.

II Malunda 5:5

Hé a bandesa o álaka ni balaka ia kutakanena kumoxi ni itutu ioso iólumbe ia kexile mu balaka; jinganga ni jilevita ene muene a i bandesa.

II Malunda 5:7

Kienʼiki anga jinganga eza ni álaka ia kikutu kia Jihova bhu kididi kiê, mu xilu dia Tembulu, mu kididi ki kôla kinéne, hé a i bhiẋidisa muene moxiʼa mabhabha ma jixelube.

Dialuilu 4:15

Kioso Alá ni anʼê kia kà zubha kuvunga ku imbamba ioso ia dibhezelu, kilombo kuila kia-nda kukatuka kiá, kiene kiua kiʼza anʼa Kohate mu ku i zangula; ima iene ikôla-phe ka i kuate ni maku, phala ka fue. Ima iii iene kimbamba kia anʼa Kohate ku balaka ia kutakanena.

Josuué 3:6

Josuué anga uambela jinganga, uixi: Zangulenu álaka ia kikutu, mu tuamenene kifuẋi ku pholo. Anga a zangula álaka ia kikutu, a suluka ku pholo ia kifuẋi.

Josuué 6:6

Josuué dia Nune anga uixana jinganga, u a ambela, uixi: Zangulenu álaka ia kikutu, ku kale sambuadi dia nganga a kuate sambuadi dia mbungu ja jimbinga ja ilumbe, a tuamenene bhu pholo ia álaka ia Jihova.