II Malunda 5:12 - O Mikanda Ikola

¹² Ni jilevita, ni akua kuimba ene oso, ni akuʼAzafe ni akua Hemane ni akua Jedutune, ni anʼâ ni jiphange jâ, a kembe ni izuatu ia linhu ia nzeta, (a kuata jingoma ja ngòndo ni tukoxi ni jimbànza, emanena ku mbandu ia thunda ia Kalatódio, ni ene kiá kumoxi ni hama ni makuinhi aiadi a jinganga a kala mu xika jikoloneta).

II Malunda 5:12 ပူးပေါင်းရင်းမြစ်များ

I Malunda 13:8

Davidi-phe, ni Izalaiele ioso, anga akala mu sanguluka enhoso kumoxi bhu pholo ia Ngana Nzambi, ni nguzu iâ ioso, ala mu kuimba, ni tukoxi, ni isàka, ni isanji, ni tungoma ni tumingeia, ni jikoloneta.

I Malunda 15:24

O Sebaniia, ni Jozafate, ni Natanele, ni Amasai, ni Zakadiia, ni Benaia, ni Eliiezele, o jinganga, a kala mu xika o jikoloneta ku pholo ia álaka ia Nzambi. O Obede-Edomo, ni Jehiia, ene akexile alangi a mielu ia álaka.

I Malunda 15:27

Davidi anga uia uazuata kizuatu kia linhu ia fina, kiene kimoxi ue ni akua Levi oso ambatele o álaka, ni akua kuimba; o Kenaniia muene o mutumini ua ió oso ambatele o álaka ni jingimba. Davidi ue uazuatele dingi ni kizuatu kia linhu a kixana efodi

I Malunda 23:30

Ni kuiza jinga mu imene ioso, phala kuximana ni kuhingila Jihova, kiene ue kimoxi ni mu ngoloxi.

I Malunda 23:5

Kutunda dingi midi jiuana ja alangidi a mielu bhu mabhitu, ni midi jiuana phala kuximana jinga Jihova, ni ingolongondo ia kuxika mimbu i nga bhange eme-muène phala ku mu ximana jinga.

I Malunda 6:33

Enhá-phe ene akexile muenhomo kumoxi ni anʼâ. Ku ana a Kohate: Hemane, o muimbidi, monʼa Jouele, mona a Samuuele,

I Malunda 6:39

O phangeʼiê Asafo uakexile ku kadilu kê; O Asafo ua kexile mona a Belekiia, mona a Simeia,

II Malunda 29:25

Anga u ta o jilevita mʼonzo ia Jihova ni jingoma ja ngondo, ni jikakoxi ni jimbanza kala kia tuma Davidi ni Ngade, ua kexe mu ku zambuila sobha ni polofeta Natane; mukonda kiene kia tumina Jihova, ku lukuaku lua jipolofeta jê.

II Malunda 29:26

O jilevita-phe emana ni ima ia maxikile ma Davidi, o jinganga ja kuata jikoloneta.

II Malunda 7:6

O jinganga emana ku ibuka iâ; jilevita ue emana ni ima ia kuxikila mimbu kua Jihova, ia bhangele sobha Davidi phala ende ni kuximana Jihova, mukonda o kulenduka kuê ki kuene kúbhua, kioso Davidi kia kexi mu ku mu ximanena ku ukunji ua ene; o jinganga aia ni kuxika jikoloneta bhu pholo iâ, o Izalaiele ioso-phe emana.

Jisálamu 149:3

A mu ximane o dijina ni kukina; a mu ximane ni kuxika kisàka ni kakoxi.

Jisálamu 50:1

Kutende, Ngana Nzambi, Jihova, ua zuela; uexana ixi ioso, tunde ku tundila o dikumbi, katé ku dʼila.

Jisálamu 62:1

Kidi kiene! muẋima uami ua ximbakata mu kinga Nzambi; kua muene ngó ku ngi tundila o kubhanduluka.

Jisálamu 68:25

Akua kuimba a tuamena, akua kuxika a kaiela ku dima; a di ambatesa kumoxi ni ilumba a kuata kuxika o isaka.

Jisálamu 88:1

U Jihova, Nzambi ia ubhulukilu uami, ngi dikola ko kué muanha ni usuku.

Jisálamu 92:3

Ku i xikila muene ku mujika ua kuinhi dia ngoji, ni ku kakoxi; ni dízui dia manuma ku mbànza.

Dijingunuinu 15:6

Mu Tembulu anga mu tunda o sambuadi dia anju dienhodio, a kuata o sambuadi dia mabhebhu, a kembe ni linhu izela ia-lu benha, iá a di kutu ni phonda ja ulu mu thulu.

Dijingunuinu 19:8

Dibhanga a mu bhana kukemba ni linhu ia fina, ia benha, ia uabha. (Linhu ia fina íii, iene o ikalakalu iaiuka ia akua-Ngana, ia kembe na-iu o dibhanga).