II Malunda 5:10 - O Mikanda Ikola

¹⁰ O mu álaka ki mu kexile dingi kima kiengi, kale ngó o mabaia aiadi a telemu Mozé bhu Holebe, kioso Jihova kia te kikutu ni anʼa Izalaiele mu ku tunda mu Ijitu.

II Malunda 5:10 ပူးပေါင်းရင်းမြစ်များ

II Malunda 6:11

Eme nga tula-mu o álaka, muala o kikutu kia Jihova, kia te ni anʼa Izalaiele.

Makatukilu 19:5

Kiki-phe, se mu tumaka muene dízui diami, se mu kuata o kikutu kiami, mu kala mu athu ami angene, mua di tungula ku miji ioso; kuma ioso mu ngongo eme muene ia ngi tokala.

Makatukilu 31:18

O kia zubha ku di kunda ku mulundu ua Sinai, muene u bhana kua Mozé ibasakasa iiadi ia umbangi, ibasakasa ia matadi, ósoneke ni mulembu ua Nzambi.

Makatukilu 32:19

Mu kuia ni kuenda-phe, kia zukama ku kibangu, u mona ndumbe ia ngombe ni kukina kua mu kina o mundu; njinda ia Mozé i uama, o ibasakasa ia matadi ia kuata bhu maku u i takula bhoxi anga i budikila mu betekete ia mulundu.

Makatukilu 34:1

Bhenhobho Jihova anga u ambela Mozé, uixi: Bhasa dingi mabaia aiadi a matadi kala ió a diangele; eme ngi soneke-ku dingi o maka oso a kexile ku ibasakasa ia mukuá i ua bulu.

Makatukilu 40:20

Anga u katula umbangi, u u ta mu álaka, u ta o mikambu ia álaka,

Matendelelu 29:1

Iá ene o maka ma kikutu kia tumu Jihova kua Mozé, mʼoxi ia Mouabhe, uixi: Ta-na-kiu, ni anʼa Izalaiele, ku thandu dia Kikutu ki nga a bhana kiá bhu Holebe, kuma kiokio kiengi.

Jihebeleu 9:4

Muene mua kexi o kalatodio ka ulu, ka fumasa ia dizumba, ni álaka ia kikutu, iene ioso iofolale ulu, o moxi dia álaka mua kexile ni imbia mua bhake o maná, ni mbangala ia Alá ia buingitile mafe, ni matadi ma iadi ma basakasa, kuosoneke o ijila.