II Malunda 4:13 - O Mikanda Ikola

¹³ Ni hama jiuana ja jilomá phala o manda aiadi; misanga iiadi ia jilomá ikala uanda umoxi, phala kuvunga o makende aiadi ala ku jikapitele ja kexile ku thanduʼa jiphiladi.

II Malunda 4:13 ပူးပေါင်းရင်းမြစ်များ

I Jisobha 7:20

O jikapitele ja kexile ku sungu ia jiphiladi jiiadi, ja kexile ku pholo kiki ji ja tundu mu akuá ku thandu dia uanda ua utadi, a tele mikalatata ia hama jiiadi ja jilomá ja kondoloka mu jimbandu.

I Jisobha 7:21

Hilamu muene uemika o jiphiladi jiiadi ja mbalanda ia Tembulu; o kiemika o philadi ia mbandu ia kadilu, ua i luku dijina dia Jakí; o kiemika o philadi ia mbandu ia kakiasu, ua i luku díjina dia Bouaji mba Bouaze.

I Jisobha 7:41

O ima ioso ia zubha kubhanga ienhiʼii: O philadi jiiadi, o makende aiadi a tudikile ku jikapitele bhulu ku thandu dia jiphiladi jiiadiʼojo; ni manda aiadi a kufuta na-u o makende aiadi ió a tudikile ku sungu ia jikapitele ja kexile ku thandu dia jiphiladi jiiadiʼojo.

I Jisobha 7:42

Ni hama jiiuana ja jilomá phala o manda aiadi enhó, kifua mikalatata iiadi ia jilomá uanda umoxi, o mikalatata iiadi ia mukuá o uanda ua mukua, mbé kuvungina o makende aiadi ala ku jikapitele ja tudika bhulu ku sungu ia jiphiladi.

II Malunda 3:16

Ua bhange ue o malubhambu, kala mu xilu di kôlakinéne, iú ua ma te ku mítue ia jiphiladi; ua bhange ue hama ia jilomá iú ua ji te mu malubhambu.

II Malunda 4:12

O jiphiladi jiiadi, ni makende aiadi, ni jikapitele jiiadi ku thandu dia mítue ia jiphiladi, ni mauanda aiadi mbé o kuvungina o makende aiadi ku jikapitele ja kexile ku sungu ja jiphiladi.

Mukumbi ua Mikumbi 4:13

Tu thangu tué, tua di bhange díbhia dia mixi ia jilomá iala ni ibundu ia iuka kiambote; ni hena, ni nardu.

Jelemiia 52:23

Kala mbandu ku kala makuinhiʼ vua a jilomá ni kisamanu, kitanda kioso a ki kondoloka kuala hama ia jilomá.