II Malunda 4:12 - O Mikanda Ikola

¹² O jiphiladi jiiadi, ni makende aiadi, ni jikapitele jiiadi ku thandu dia mítue ia jiphiladi, ni mauanda aiadi mbé o kuvungina o makende aiadi ku jikapitele ja kexile ku sungu ja jiphiladi.

II Malunda 4:12 ပူးပေါင်းရင်းမြစ်များ

I Jisobha 7:15

Mbata ua mu bhangela jiphiladi jiiadi ja kobidi, o kitala ngó kia philadi imoxi kia kuinhi dia kóvadu ni nake; o mukolo ua kuinhi dia kóvadu ni kiiadi uene ukondoloka o philadi imoxi bhu kubumba kuê.

I Jisobha 7:41

O ima ioso ia zubha kubhanga ienhiʼii: O philadi jiiadi, o makende aiadi a tudikile ku jikapitele bhulu ku thandu dia jiphiladi jiiadiʼojo; ni manda aiadi a kufuta na-u o makende aiadi ió a tudikile ku sungu ia jikapitele ja kexile ku thandu dia jiphiladi jiiadiʼojo.

II Malunda 4:11

O Hilamu ue anga u bhanga jímbia, ni jipá, ni malonga a menha a pholo; kienʼiki Hilamu anga u zubha kubhanga kikalakalu kioso, kia kexile mu kubhangela sobha Solomá, phala inzu ia Nzambi.

II Malunda 4:13

Ni hama jiuana ja jilomá phala o manda aiadi; misanga iiadi ia jilomá ikala uanda umoxi, phala kuvunga o makende aiadi ala ku jikapitele ja kexile ku thanduʼa jiphiladi.