II Malunda 4:1 - O Mikanda Ikola

¹ Anga u bhanga ue Kalatódio ka utadi, ka makuinhi aiadi a kóvadu mu kulebha, ni makuinhi aiadi a kóvadu mu kuzanza, ni kuinhi dia kóvadu mu kitala.

II Malunda 4:1 ပူးပေါင်းရင်းမြစ်များ

I Jisobha 8:22

Anga Solomá uimana ku pholo ia kalatódio ka Jihova, ku pholo ia kionge kioso kia Izalaiele, anga u leka o maku mê ku diulu,

I Jisobha 8:64

Kizuua kieneʼokio sobha ua zelesa mʼoxi dia lumbu lua kexile ku pholo ia inzo ia Ngana; mbata muuene mua bhangelele jisata ja kuoha ni maujitu ni maji ma jisata ja uembu; mukonda o kalatódio ka ngòndo ka kexile bhu pholo ia Ngana, ka tolele kiavulu kuila kusoka jisata joso ja kuoha, ni mibhaku ia mákudia, ni maji ma jisata ja uembu.

I Jisobha 9:25

Anga Solomá lutatu ku muvu u kala mu kubhakula jisata ja kuoha, ni jisata ja uembu ku kalatódio ka tungidile Ngana, ni kuoha uasu ua dizumba bhu pholo ia Jihova. Muene anga u zubha kienhiki o kikalakalu kioso kia inzo ia Jihova.

II Malunda 1:5

O Kalatódio ka Kobidi ue, ka bhangele Bezaliiele, monʼa Hudi, monʼa Hule, ka kexile ue bheneʼobho kumoxi ni balaka ia Jihova. Solomá ni kionge kioso, kuene kua kexi mu kuia jinga.

II Malunda 15:8

O Aza kioso kievu o maka iá ni upolofeta ua tange o polofeta, monʼa Obede, ua suína dingi, iú ua katula imbamba ioso ia insunji mʼoxi ia Juda ni ia Bejamí ni mu jimbonge joso ja tambuile mu milundu ia Ifalaimi, anga u bhangulula dingi o Kalatódio ka Jihova, ka kexile ku pholo ia dibhitu dia lumbu lua dikota lua Jihova.

II Malunda 29:18

Bheneʼobho a bokona mʼonzo kua sobha Ezekiia, a muʼambela, exi: Inzu ioso ia Jihova tua i zelesa kiá, kumoxi ue ni kalatódio ka jisata jakubhakula ni túbhia kua Jihova ni itutu iê ioso, ni meza ma jimbolo ja ku tela, ni itutu iê ioso.

II Malunda 7:7

Solomá anga u lumbila ue o dikaẋi dia lumbu dia kexile ku pholo ia inzu ia Jihova; mukonda o jisata ja kuoha, ni maji a jisata ja uembu, bheneʼobho bhua ji bhelelele; mbata o Kalatódio ka utadi, ka iudikile Solomá, o jisata ja kuoha ni maujitu a makudia ni maji a ibhaku ki ji tenene kusoka-bhu.

II Malunda 8:12

Bheneʼobho-phe Solomá u bhakula, kua Jihova, jisata ja kuoha, ku thanduʼa Kalatódio ka Jihova, ka tungile mu lumbu bhua lulama ni muelu.