II Malunda 32:7 - O Mikanda Ikola

⁷ Kuatenu nguzu, mu bhume, kana ku kala ni uoma, mba mu teketa mukonda dia sobha ia Asídia mba mukonda dia kifuẋi kioso kiala na-kiu muene, mukonda sai umoxi uala ni etu ua beta kota, o uala ni muene ndenge.

II Malunda 32:7 ပူးပေါင်းရင်းမြစ်များ

II Jisobha 18:30

ni ngó ue bhuʼofele, Ezekiia ka mi dielelese kua Jihova, kuamba: Kidi muene, Jihova ua-nda ku tu bhulula, o mbonge iii ka-nda ku i bhakula bhu maku ma sobha ia Asídia.

II Jisobha 18:5

Ma kudielela Jihova, Nzambi ia Izalaiele, ki kua kexile muthu uoso u soka ni muene mu sobha joso ja Juda, kixi ió a mu diangelele, uixi ió a kaiela kua muene.

II Jisobha 6:16

Muene-phe, uixi: Ku kale ni uoma. Mukonda ala ni etu a beta kota, o ala ni ene ala ndenge.

I Malunda 22:13

Ua kà kala ni kuzediua, se eie ukala ni muanu ua kubhaka o itumu ni mabatuilu a tumu Ngana Nzambi kua Mozé, bhu kaẋi ni Izalaiele. Suina-phe, ubhue uoma, u kuate muanu uambote; ku kale ni uoma, mba u bhuila muẋima.

I Malunda 28:10

Talesa-phe kindala, kuma Jihova ua ku solo phala u mu tungile o Tembulu iê Ikôla, Suina-phe, u bhange o kikalakalu.

I Malunda 28:20

Davidi anga uambela monʼê Solomá, uixi: Suina, u kale u kindanda, u kalakale. Ku kale ni hèle, mba u kala ni uoma. Mukonda o Jihova Nzambi, Nzambi iami, uanda kukala ni eie. Muène kanda ku ku xisa ubheka, mba u ku ehelela, katé ki u zubha o kikalakalu kioso kia inzo ia Jihova.

II Malunda 15:7

Maji-phe suinenu muene, makuʼenu ka botomoke; mukonda o kikalakalu kienu kiala ni futu iê.

II Malunda 16:7

Mu kithangana kieneʼokio muene, Hanani mukua lumono ueza kua Aza, sobha ia Juda, uixi: Kuma eie ua dielela kua sobha ia Sídia, o kudielela Jihova, Nzambi ié, kana, kuabhu-phe o kifuẋi kia masoladi ma sobha ia Sídia kia ku sutunuka bhu maku.

II Malunda 20:15

Anga uila: Enu Juda ioso bhanenu mátui, ni enu mua tungu mu Jeluzaleme, nʼeie sobha Jozafate: Jihova uambe kiki: ki mu kale ni uoma mba mu sasumuka mukonda dia kifuẋi kiki kia dikota, mukonda o mvunda ki ienuʼenu, maji ia Nzambi.

II Malunda 20:17

Mu mvunda iii, enu ki mua-nda kubhânga; mu sukila ngó mu kanga, hé muʼimana, nda mu mone kiá o ubhulukilu ua-nda ku mi bhana Jihova, eie Juda ni Jeluzaleme, ki mu kale ni uoma bha mu sasumuka; mungu muene ndé-nu mu kutakana-nâ, mbata Jihova ua kà kala ni enu.

Nehemiia 4:8

Anga a takana kumoxi mudiʼâ ene oso, phala kuiza mu kúlua ni Jeluzaleme, ni ku a vunza phala ku a jimbisa ku kikanenu kiâ.

Jisálamu 118:8

Kota kudielela kua Jihova, kana kudielela ku muthu.

Izaía 35:4

Ambelenu a botomoka o miẋima: suinenu, ki mu kale ni uoma; talesenu, o Nzambi ienu iu uiza mu vutula o phonzo, ni futu ia Nzambi uiza na-iu; muene ua kʼèza hé u mi bhulula.

Jelemiia 42:11

Ki mu kale ni uoma ua sobha ia Babilonha, mua mu kuatela o uoma; ki mu kale ni uoma, Jihova ua ki tange, mukonda eme ngala ni enu phala ku mi bhulula, ni ku mi bhangesa kubhulaka bhu lukuaku luê.

Daniiele 10:19

Uixi-phe: Ku kale ni uôma, eie u muthu a ku zola kiavulu! Tululuka; kala u kindanda! Kala muene u kindanda! Kiala ku ngi zuelesa kiki, eme ue nga di tutu kiòmuene, ngixi-phe: Zuela, Muadiʼami, mbata eie ua ngi suinisa.

Zakadiia 4:6

Muene anga u kuata kuzuela, uixi: O kiki, kiene o kizuelu kia Jihova kua Zolobabele, kuila: Ki mu nguzu mba mu undanda, maji mu Nzumbi Iami, kiene kia tange Jihova dia Ilombo Ieta.

Zakadiia 8:23

Jihova dia Ilombo Ieta uambe, kiki: Bhu kizuuʼokio kia kà bhita-phe kuma kuinhi dia muthu a tokala ku madimi mʼengi ma miji ioso mu ngongo, a kà naminina, ni kidi-ze muene, a kà naminina ku muxiku ua kizuatu kia Judé imoxi, anga a muambela, exi: Tuanda kuia ni enu, mukonda tuene mu kuívua kuila o Nzambi uala ni enu.

Zakadiia 8:9

Jihova dia Ilombo Ieta uambe, kiki: Kolesenu o maku enu, enu oso mu izuua mumu muevu makʼama mu kanu dia jipolofeta ja kexile-bhu, kizuua kia tele o disesa dia Inzu ia Jihova dia Ilombo Ieta, phala kutunga o Tembulu.

Loma 8:31

O kiki-phe, imʼ iii tu ila kiebhi? Nzambi se uala ku mbandu ietu, nanhi u tena ku tu tolola?

Efezo 6:10

Ki tualʼ iki-phe, suinenu mua Ngana, ni mu kutena kua nguzu iê.

Matendelelu 20:1

Kioso ki u tunda mu kuia kúlua ita ni jinguma jé, anga u mona jikabalu, ni makalu, ni makuenze mabeta kuvula eie ndenge, kana ku a kuatela uoma; mbata o Jihova Nzambi ié, uoso ua ku katula kʼoxi ia Ijito, ua ku bande.

Matendelelu 31:23

Anga Jihova uambela Josuué, monʼa Nune, uixi: Kala u kindanda, u kole kiambote o muxima! Mbata eie ua-nda kubokuesa anʼa Izalaiele mʼoxi i nga a lokela Eme-muène nga-nda ku kala jinga nʼeie kumoxi.

II Timote 2:1

Eie-phe, u monʼami, kala u kindanda mu kiadi ki tuene na-kiu mu ukamba ni Kristu Jezú.

I Nzuá 4:4

Enu, tuana tuami, mua tokala Nzambi, o jipolofeta ja makutu mua ji tolola kiá, mukonda o Nzumbi uala moxi dienu, uala kota mu kutena, ka tena kusoka ni nzumbi iala mua ió a tokala ku mundu.