II Malunda 30:3 - O Mikanda Ikola

³ Mukonda mu thembuʼomo ka tenene ku imunuina kiá kumoxi ni ima ia mukuá, kuma ki kua kexidiʼê luua jinganga ja vulu a di zelesa, o mundu ue ki ua di bhongoluele hanji mu Jeluzaleme.

II Malunda 30:3 ပူးပေါင်းရင်းမြစ်များ

II Malunda 29:17

Mu kizuua kia dianga ku mbeji ia dianga kiene kiandeka o kuzelesa; o mu kizuua kia kanake ku mbeji, eza mu kitelembe kia Jihova, inzo ia Jihova anga a i zelesela mu nake dia izuua; o mu ku bhixila mu kizuua kia kakuinhi ni kisamanu, ku mbeji ia dianga iene, a zubha kiua.

II Malunda 29:34

O jinganga-phe a kexile òfele muene kiavulu; o ku katula ibha ku jisata joso, kia a bhonzele; kí kia bhingile o kua a kuatekesa kuala o jiphange jâ, o jilevita, katé kiabhu o kikalakalu, kifua katé kioso kia di zelesa dingi o jinganga ja mukuá; mukonda o jilevita a betele o kuiuka muẋima mu ku di zelesa o jinganga, ndenge.

II Malunda 30:15

Kieneʼokio anga a satela o Phasu mu kizuua kia kuinhi ni kiuana ku mbeji ia kaiadi; o jinganga ni jilevita anga jiosonhi ja a kuata, eza ni jisata ja kuoha ku inzo ia Jihova.

II Malunda 30:24

Mukonda Ezekiia, sobha ia Juda, kionge ua ki bhakuila midi ia tungombe tua ndumbe, ni sambuadi dia midi ia jimbudi; o makota ma jinganga ue kionge a ki bhakuila midi ia tungombe tua ndumbe, ni kuinhi dia midi ia jimbudi; o jinganga ue ndumba a di lumbila.

II Malunda 30:4

O ienhiʼiii, ku mesu ma sobha, anga u i mona kuila ia iuka, ni ku mesu ma kifuxi kioso.

II Malunda 35:6

Nda mu jibhe o kambudi ka Phasu; di zelesienu mu iudike o kambudi ka Phasu phala o jiphange jenu, mu bhange muene kala kiambe o kizuelu kia Jihova, kia bhela kua Mozé.

Makatukilu 12:18

Ku mbeji ia kamoxi, tunde kizuua kiê kia kauana ku dikuinhi, katé kizuua kia kamoxi ku makuinhi aiadi, mu kumbi diê dia ngoloxi, mu dia jimbolo ja kambe felemendu.

Makatukilu 12:6

anga mu i bhaka katé mu kizuua kia kauana ku dikuinhi, ku mbeji imoxi ienhiʼi, kizuuʼokio-phe, mu kumbi dia ngoloxi, o kionge kioso kia muiji ua Izalaiele kiene kia i jibha.