II Malunda 22:9 - O Mikanda Ikola

⁹ Anga u sota kiua Akaziia, (kuma muene ua suamene mu mbonge ia Samádia) anga a mu bonga, hé a mu bheka kua Jehu, anga a mu jibha, a mu funda, kuma, exi; Monʼa ngene a Jozafate, muthu ua sotele Jihova ni muẋima uê uoso ua muvimba. O mu dibhata dia Akaziia ki mua kexile dingi muthu u kala ni nguzu ia kutumina.

II Malunda 22:9 ပူးပေါင်းရင်းမြစ်များ

I Jisobha 13:21

Anga u kolela o muthu ua Nzambi, ua tundile ku Juda, uixi: Jihova uambe kiki: Eie mukonda dia kubhukumukina o dikanu dia Ngana, eie ua kambe kubhaka o kijila kia ku tumine Jihova Nzambi ié;

I Jisobha 14:13

Anga Izalaiele ioso a ka mu dila thambi, hé a mu funda; mbata, kua Jelobouamu, iú muene ngó ua-ndu bokona mu mbila, mukonda monzo ia Jelobouamu muene ngó a mu sange-mu ni kima kiauabha kua Jihova, Nzambi ia Izalaiele.

II Jisobha 9:34

Hé u bokona; o kioso kia zubha kiá o kúdia ni kúnua, uixi: O muhetu mukua phuluʼó ka mu iadienu phala mu mu funde, kuma monʼa sobha.

II Malunda 19:3

Sumbala kiene, maji a sange hanji ima ia mbote momué; mukonda o mixitu eie ua i katula mu ixi, eie ua iudika muẋima ué phala kusota Nzambi.

II Malunda 21:17

Eneʼá hé a banda ku Juda, a di lukuila-mu, anga ambata jimbongo joso ja sange mʼonzo ia sobha, kumoxi ue ni anʼê ni ahatuʼê, katé ka muxila-bhu mona, kikale ngoho Jouakaji, o kasule ku anʼê.

II Malunda 21:20

Muene kiandeka o kutumina, ua kexile hanji mu makuinhi a tatu a mivu ki kiiadi; iú ua tumina dinake dia mivu mu Jeluzaleme; iú uendelela, ka xisa ngùnzu ia kima kuema diê; a mu fundu mu sanzala ia Davidi, maji kana mu jimbila ja jisobha.

II Malunda 21:4

Kioso Jolá kia zubha kubanda bhu kiandu kia ungana ua tatʼâ, o kia mono kiá kuila ua di kuatenena kiá kiambote, phange jê joso ua a jibha ni xibhata, kumoxi ni adiakimi amoxi-mu mua Izalaiele.

II Malunda 22:8

Anga-phe ki bhita kiki: Kioso Jehu kia mu kumbidila o kizuelu kia Jihova kia tange ku dibhata dia Akabe, ua sange ue o ilamba ia Juda ni anʼa a jiphange ja Akaziia, a kexile mu kixibhidila Akaziia, anga ua jibha.

II Malunda 24:25

Kia mu xisa akua Sídia (kuma a mu xile ni mauhaxi mʼonène), abhikʼê a mu ta kikutu kia usuéia, anga a mu jibhila bhu hama, u fua, mukonda dia manhinga ua Zakadiia, monʼa nganga Joiada; hé a mu funda mu mbanza ia Davidi, maji ka mu fundu mu jimbila ja jisobha.

II Malunda 25:27

O mu Jeluzaleme-phe, tunde kiá Amaziia kia xisa o ku kaiela Jihova, a mu te kikutu kia ku mu jibha, muene hé u lengela ku Lakiji; maji a tumikisa athu a mu kaiela kuema diê anga a mu jibhila kueneʼoko.

II Malunda 33:24

Abhikʼê anga a mu ta o kikutu kia ufe hé a mu jibhila mʼonzo iê muene.

Jelemiia 29:13

Mua-nda ku ngi sota, anga mu ngi sanga, kioso ki mu ngi sota ni muẋima uenu uoso ua muvimba.