II Malunda 22:7 - O Mikanda Ikola

⁷ O kiki ue, kifua kia vondadi ia Nzambi muene, kia Akaziia kuiza mu kuhindula Jolá, mukonda muene kioso kieza, kiene ue Jolá kia tundu mu kubhânga ni Jehu, monʼa Nisi, a mu undu kuala Jihova phala kujimisa muene nzaká o dibhata dia Akabe.

II Malunda 22:7 ပူးပေါင်းရင်းမြစ်များ

I Jisobha 12:15

Sobha-phe ka bhana mátui ku kifuẋi, mbata o kubaluka kuku kua kexi mu tunda muene kua Jihova, phala Ngana kutenesa o kizuelu kiê kia tangele mu ukunji ua polofeta Ahiia, mukua Silo, kua Jelobouamu, monʼa Nebate.

I Jisobha 12:24

Jihova uambe kiki: Ki mu bande, mba mua kà bhanga ita ni phange jenu, o anʼa Izalaiele; Vutukenu kala muthu aie ku bhata diê, mbata kima kia mu bhita kiki eme muëne nga ki bhange. Ene anga evua kia zuela Ngana, anga a vutuka kala kia a tangela o kizuelu kia Jihova.

I Jisobha 19:16

Jehu ue, monʼa Nimisi, ua kà mʼunda ku usobha ua Izalaiele; o Ilizeu ue, monʼa Safate dia Abele-meola, ua kà mʼunda polofeta phala a bhingane bhu kididi kié.

I Jisobha 22:20

Anga Jihova u zuela, uixi: Nanhi ua kà funhisa Akabe, phala nʼa bande, anga u di bhalela mu Lamote dia Ngileiade, na file momo? Anga a kuata iú u zuela kiki, mukuá u zuela kiókio.

II Jisobha 10:11

Jehu anga u jibha ue oso a subhuka mu dibhata dia Akabe bhu dizelele kutale o athuʼê onène uixi iá a muʼijidile ngoho, uixi o jinganga jê, katé ka mu xila-ku ngó muthu umoxi u subhuka.

II Jisobha 9:21

Bheneʼobho kuala Jolá: Ngi iudikidienu o dikalu. Anga a mu iudikila o dikalu diê. Anga ni muene Jolá, sobha ia Izalaiele, ni Akaziia, sobha ia Juda, hé a tunda, iú mu dikalu diê, iú mu dikalu diê, a muia mu takana ni Jehu, anga a mu sangela bhu kakiẋimbu ka mukáu ua Nabote, mukuá Jizelele.

II Jisobha 9:27

O Akaziia, sobha ia Juda, kioso kia mono kiki; u lenga, u di tela njila ia Betehakane; maji-phe o Jehu uai ni ku mu kaiela, uixi; O iú ue mu kuamienu; anga a mu kuamena mu dikalu diê mu kubanda bhu kalundu ka Ngule, ka lulama ni Jibeleia. Anga u lengela ku Mejidu, u fuila koko.

II Malunda 10:15

Kienʼiki sobha ngué kubhana mátui ku kifuẋi, mukonda o kulunguluka kuku, kima kia tundu kua Nzambi, phala Jihova a tenese o kizuelu kiê, kia zuelele ku ukunji ua Ahiia, mukua Silo, kua Jelobouamu, monʼa Nebate.

II Malunda 22:6

Muene anga u vutuka bhu Jizelele mu ku di tumba italakanha ia mu totela bhua zukama ni Lama, kioso kia kexe mu kúlua ni Hazaiele, sobha ia Sídia; anga Azadiia, monʼa Jolá, sobha ia Juda, u kulumuka mu kuhindula Jolá, monʼa Akabe, bhu Jizelele, mukonda ua kexile mu ku kata.

Jisálamu 9:16

Jihova ua di monekena mu kaxtiku ka a bhesa; mukua phulu ua mu kuata mu ima ia bhange muene ni maku mê. (Hakione, Selah.)

Jisabhu 16:9

O muẋima ua muthu, u xinda o njila iê ia kuenda; maji Jihova muene u mu tesa díkanda diambote.

Izaía 46:10

ngi mukua kutanga o dizubhilu tundé kiá bhu dimatekenu, tundé mu xiahulu muná ngi tanga ima kiluua iiza-ku; ngixi: Phangu iami inangenena, ngenda ni kubhanga vondadi iami ioso;

Hozeia 14:9

Mukuaʼhi uala ni kuijiia, nʼa tongolola ima iii? Nanhi muene uala njimu, ima iii na tena ku i ijiia? Mbata o jinjila ja Jihova ja iuka, athu ambote muene mua kala mu kuendela, maji akua kutondala-phe muenhumu a sanga-mu ibhalu.

Malakiia 4:3

Akua ituxi mua kà a diota-diota, mbata a kà di bhanga kala utôkua koxi dia inama ienu, mu kizuua kienhókio ki nga-nda kua kà bhanga; eme ngi Jihova dia Ilombo Ieta.

Matendelelu 32:35

Phonzo ia ngi tokala eme, eme-muène ngi futa bhu kizuua kiê; sai bhuoso mungu bhua kà ẋangumukina o dikanda diâ; mbata o kizuua kiâ kia kusenguluka kiazukama. O ima-phe ia-nda kubhita-na-iu kindala ia-nda kuiza muene, ki i kokoloka.

Josuué 11:20

Mukonda kia tundile kua Jihova kuene, o ku a kolesa muẋima, mbé a solomoke mu kauidila Izalaiele ni mvunda; ia a di bhange-kiu, oso muene buí, sé ngó dingi ku a kuatela henda; mbé o ku a jima mbutu ene oso, kala kia ki tendelela Jihova kua Mozé.

Afundixi 14:4

Tatʼâ-phe ni mamʼâ ka kʼijiia kuila kia tundu kua Jihova; mukonda Sansau uala kusota bhuoso bhua kuatela mvunda ni akua Fidíxia. Mbata thembu ienhoio akua Fidíxia ene ala mu tumina Izalaiele.